Их дуулгын тэмцээнд 24 удаа түрүүлсэн талбайн теннисний амьд домог, Сербийн аугаа теннисчин Новак Жокович өөрийн цуглуулгадаа Олимпын алтан медалийг нэмлээ. Өдгөө 37 настай тэрээр 5 дахь оролдлогоороо ийн Олимпын наадмын теннисний ганцаарчилсан төрлийн аварга болов. Түүний хувьд финалын тоглолтод Испанийн залуу од Карлос Алькарастай гурван цагийн турш ширүүн өрсөлдөж 7:6,7:6 харьцаагаар өрсөлдөгчөө буулган авлаа.
Жокович 2008 оны Бээжингийн олимпод энэ төрөлд хүрэл медаль хүртэж байсан юм. Ийн тэрээр талбайн теннисний 4 цомын тэмцээнд түрүүлснээс гадна Олимпын аварга болсон 5 дахь теннисчин болж байна. Түүнээс өмнө Афаэль Надаль, Андре Агасси, Стеффи Граф, Серена Уиллиамс нар олимпын аварга болж байв.
Новак Жокович Австралийн нээлттэй тэмцээнд арван түрүү авснаас гадна ганцаарчилсан төрөлд 99 удаа түрүүлсэн, теннисний түүхэнд дөрвөн төрөлд түрүүлсэн цорын ганц теннисчин юм.
