Нийслэлийн Сүхбаатар дүүргийн 13 дугаар хорооны нутаг дэвсгэрт энэ оны 8 дугаар сарын 2-ны 23:00 цагийн орчимд 39 настай, эрэгтэй М-ыг үл таних хүмүүс зодож, аминд нь хүрсэн байна. Энэ хэргийг цагдаагийн байгууллага мөрдөн шалгаад, уг хэргийг үйлдсэн байж болох Д, Г, Б, Ж нарын 4 этгээдийг Өвөрхангай аймгаас олж тогтоожээ. Тэд Улаанбаатарт гэмт хэрэг үйлдээд, орон нутаг руу зугтаасан байж болзошгүй байгаа аж.
