Нийслэлийн Засаг даргын Тамгын газар, Аялал жуулчлалын газар, Япон Улсаас Монгол Улсад суугаа Элчин сайдын яам, “Лэтс травел” ХХК-тай хамтран “Японы соёл, аялал жуулчлалын өдрүүд 2024” арга хэмжээг 8-р сарын 24-25-ны өдрүүдэд Сүхбаатарын талбайд зохион байгуулах гэж байна. Энд ирсэн иргэд Япон орны соёлтой танилцаж, бараа бүтээгдэхүүний үзэсгэлэн худалдааг сонирхон, олон төрлийн хоол, хүнс амталж, худалдан авах боломжтой. Мөн Япон улсын их, дээд сургуульд суралцах хүсэлтэй хүүхэд залуучуудад зориулсан Боловсролын үзэсгэлэн яармаг зохион байгуулна. Мөн:
- Япон косплэй хувцасны үзүүлбэр
- Аялал жуулчлалын мэдээлэл
- Үнэгүй сугалаа
- Хүүхдүүдэд зориулсан хөгжөөнт наадгай, бэлэг
Мөн энэ үеэр Япон үндэсний хөгжмийн "Этосэтора" хамтлаг уран бүтээлээ толилуулна. “Япон дуу хэн сайн дуулах вэ?” дууны тэмцээний шалгарсан оролцогчдын тоглолт болно.
