Цагдаагийн ерөнхий газар тээврийн хэрэгсэл жолоодож яваа жолооч нарыг согтууруулах ундаа хэрэглэсэн эсэхийг тандах, согтуурлын зэргийг тогтоох драйгер багажаа шинэчилжээ. Уг шинэ багаж жолоочийг согтууруулах ундаа хэрэглэсэн эсэхийг тандах, согтолтын зэргийг тогтоогоод зогсохгүй хэмжсэн мэдээллээ цахимаар шууд мэдээллийн санд оруулах, зөрчил гаргагчийн тухайн үеийн байдлыг дүрсжүүлэх камертай юм байна.
Энэ багаж цагдаагийн албан хаагчдын үйл ажиллагаанд сөргөөр нөлөөлөх, ашиг сонирхлын зөрчилд өртөхөөс сэргийлэх, цагдаагийн болон жолоочийн хууль ёсны эрхийг хамгаалах боломж бүрдүүлжээ.
