"Геодез, усны барилга, байгууламжийн газар" ОНӨААТҮГ нийслэлийн Сүхбаатар дүүргийн 10 дугаар хороо, 16 дугаар сургуулийн урд талын авто замд борооны ус зайлуулах 370 метр шугам хоолой угсарч дууслаа. Одоо зам, талбайг хуучин хэвэнд нь оруулахаар янзалж байна.
Энэ талаар Геодез, усны барилга байгууламжийн газрын ерөнхий инженер Г.Батсайхан “Борооны ус зайлуулах шугам хоолой хийж дууссаны дараа суулт өгөхөөс сэргийлж, дайрга асгадаг. 16 дугаар сургуулийн урд талын авто замд борооны ус зайлуулах шугам угсарч дууссан. Үргэлжүүлээд, тус сургуулийн хойд талд “Номин” худалдааны төвийн урдах уулзварт нэмж шугам угсарч эхлээд байна” гэв.
