Нийслэлийн цэцэрлэгүүдэд орж чадаагүй хүүхдүүдийг элсүүлэх 2 дугаар шатны бүртгэл 9 дүгээр сарын 5-15-ны өдрүүдэд цахимаар явагдана. Бүртгэлд:
1 дүгээр шатны бүртгэлд хүсэлтээ илгээж амжаагүй болон цэцэрлэгт бүртгэлгүй хүүхэд, түр оршин суугчийн хүүхэд хүсэлтээ илгээх боломжтой.
Бүртгэлд 2019 оны 01 дүгээр сарын 01-ний өдрөөс 2022 оны 12 дугаар сарын 31-ний өдрийн хооронд төрсөн хүүхдүүд хамрагдана.
Эцэг эхчүүдийн анхааралд:
Түр оршин суугч нь амьдарч буй дүүргийнхээ хорооны "Хүн ам өрхийн мэдээллийн систем" ХАӨМС-д түр оршин суух хаягаа бүртгүүлсэн байх шаардлагатай.
Элсэлтийн бүртгэлийн хариуг 9 дүгээр сарын 16-18-ны өдрүүдэд таны бүртгүүлсэн утасны дугаарт мессежээр мэдээлнэ гэж нийслэлийн Боловсролын газар мэдээллээ.
