Ирвэс хамгаалах сангийн санаачилгаар, БОАЖЯ, Олон улсын ирвэс хамгаалах сан, Монголын байгаль хамгаалах холбоо хамтран шилдэг байгаль хамгаалагч шалгаруулах уралдаан зохион байгуулав. Уг уралдааны шилдгийн шилдэг байгаль хамгаалагчаар Улаантайгын УТХГ-ын Тэнгис-Шишгэдийн БЦГ-ын байгаль хамгаалагч Б.Болдбаатар шалгарлаа. Шилдэг байгаль хамгаалагчаар Тэнгис-Шишгэдийн БЦГ-ын мэргэжилтэн Г.Мягмаррагчаа, Хорьдолсарьдагийн ДЦГ-ын байгаль хамгаалагч Д.Ням-Очир, Ц.Нямхүү нар тодорлоо. Энэ уралдааныг Англи улсын Засгийн газрын Зэрлэг амьтны хууль бус худалдааг бууруулах төслийн хүрээнд цоохор ирвэстэй нутгийн байгаль хамгаалагч нарын дунд зохион байгуулсан байна.