Нийслэлийн МАН-ын хороог өөр хүн удирдахаар болж байна. Тус хорооны дарга Д.Сумъяабазар 5 дугаар сарын 17-нд тамгаа ерөнхий менежер Х.Нямбаатарт гардуулна. Хууль зүй, дотоод хэргийн сайдын албан тушаалаа орхиж, 2023 оны 10 дугаар сарын 12-нд нийслэлийн засаг дарга бөгөөд Улаанбаатар хотын захирагчаар сонгогдсон Х.Нямбаатар удахгүй болох сонгуулиас өмнө нийслэлийн МАН-ын хорооны дарга болох нь. Тэр ирэх намар болох орон нутгийн сонгуульд намаа удирдан оролцох юм.
Д.Сумъяабазар нийслэлийн засаг дарга бөгөөд Улаанбаатар хотын захирагчийн ажлаа өгсөн ч 7 сарын турш нийслэлийн МАН-ын хорооны дарга хэвээрээ үлдсэн юм. Нийслэлийн МАН-ын хорооны тэргүүлэгчид 3 дугаар сарын 11-нд хуралдан, орон нутгийн сонгуулиар штаб удирдах хүмүүсийг тодруулсан юм. Тус хурлаас нийслэлийн МАН-ын хорооны даргаар Д.Сумъяабазарыг үлдээх, хотын дарга Х.Нямбаатарыг ерөнхий менежерээр ажиллуулахаар шийдвэрлэсэн байдаг. Гэвч Д.Сумъяабазар намынхаа генсектэй харилцаа муудсанаар нийслэлийн МАН-ын хорооны даргын албаа алдаж байна.
