ШШГЕГ-ын тэргүүн дэд дарга бөгөөд Хорих ял эдлүүлэх албаны дарга, хурандаа Бямбажавын Нандинболорыг өнөөдөр Засгийн газрын хуралдаанаар хэлэлцээд ШШГЕГ-ын даргаар томиллоо.
Тэр шүүхийн шийдвэр гүйцэтгэх байгууллагад бага тушаалаас эхэлж ажилласан, Цагдаагийн академийг эрх зүйч мэргэжлээр төгссөн байна. /2022.05.25/-наас ШШГЕГ-ын тэргүүн дэд даргаар томилогджээ.
Эрхэлж байсан ажил, албан тушаал:
- Хэнтий аймгийн Цагдаагийн газрын Цагдан хорих байрны Хэв журмын тасагт цагдаа
- Хэнтий аймгийн Цагдаагийн газарт мөрдөн байцаагч
- Чингэлтэй дүүргийн Цагдаагийн хэлтсийн Мөрдөн байцаах I тасагт мөрдөн байцаагч
- Авлигатай тэмцэх газрын Мөрдөн шалгах хэлтэст мөрдөн байцаагч
- Хэнтий аймаг дахь Шүүхийн шийдвэр гүйцэтгэх газар-419 дүгээр нээлттэй хорих ангийн дарга
- Цагдаагийн ерөнхий газрын Хяналт-шалгалт, дүн шинжилгээ, дотоод аудитын хэлтэст ахлах байцаагч
- Авлигатай тэмцэх газрын Мөрдөн шалгах хэлтэст ахлах мөрдөгч, ахлах комиссар
- Шүүхийн шийдвэр гүйцэтгэх ерөнхий газрын харьяа Хорих ял эдлүүлэх албаны дарга
- Шүүхийн шийдвэр гүйцэтгэх ерөнхий газрын тэргүүн дэд дарга бөгөөд Хорих ял эдлүүлэх албаны дарга
