Нийслэлийн Баянзүрх дүүргийн Прокурорын газар энэ оны 9 дүгээр сар хүртэлх хугацаанд төр, нийтийн ашиг сонирхлыг хамгаалах чиг үүргийнхээ хүрээнд улсын төсөвт учирсан 238.9 сая төгрөгийн хохирлыг холбогдох иргэн, аж ахуйн нэгж, байгууллагаар нөхөн төлүүлэхээр иргэний шүүхэд нэхэмжлэл гаргаж, хуулийн дагуу шийдвэрлүүлсэн байна. Нөхөн төлүүлэх мөнгөний хэмжээ өмнөх оны мөн үеэс 1.8 хувиар өсжээ. Тодруулбал:
- Татвар, нийгмийн даатгалын шимтгэлийн өр төлбөртэй холбоотой 118.8 сая төгрөг,
- Эрүүл мэндийн даатгалын санд учирсан хохирол 101.5 сая төгрөг,
- Эрүүгийн болон зөрчлийн хэргийн улмаас төр, нийтийн ашиг сонирхолд учирсан хохирол 18.5 сая төгрөг
Тус газар 2023 онд төрд учирсан 327 сая төгрөгийн хохирлыг холбогдох иргэн, хуулийн этгээдээр нөхөн төлүүлэхээр шийдвэрлүүлж байжээ.
