Сэлэнгэ аймгийн Сайхан сумын Хөтөл тосгонд зохион байгуулан улаанбуудайн арилжаагаар 2-р зэрэглэлийн 1100 тонн улаанбуудай арилжлаа. Энэ арилжаа тариаланч, гурилын үйлдвэрүүдийг холбох, чанартай улаанбуудайг арилжих, зах зээлийн бодит үнээр худалдан борлуулах, авах, далд эдийн засгийг ил болгох ач холбогдолтой юм.
Уг арилжаанд ХХААХҮ-ийн сайд Ж.Энхбаяр, ХХААХҮЯ-ны Бодлого төлөвлөлтийн газрын дарга Ц.Болорчулуун, Хөдөө аж ахуйн биржийн гүйцэтгэх захирал Ц.Батсайхан, "Хөдөө аж ахуйн корпорац" ТӨХХК-ийн гүйцэтгэх захирал Б.Цогтсаран болон бусад албаныхан оролцож, хүнсний улаанбуудайг цаашид биржээр дамжуулан арилжих нөхцөлийг сайжруулах, эрх зүйн орчныг боловсронгуй болгох зэрэг асуудлыг хэлэлцлээ.
