Дани улс Өмнөд Солонгосын бэлэн хоолыг худалдаанаас татжээ

2024 оны 6 сарын 142024-06-14
Дани улс Өмнөд Солонгосын бэлэн хоолыг худалдаанаас татжээ

Дани улсын эрх баригчид Өмнөд Солонгосын Samyang компанийн хэдэн төрлийн бэлэн хоолыг хэт их халуун ногоотой тул хэрэглэгчдийн эрүүл мэндэд сөргөөр нөлөөлж болзошгүй гэсэн үндэслэлээр зах зээлээс татах шийдвэр гаргажээ. Тухайлбал тус компанийн Buldak 3x Spicy & Hot Chicken, 2x Spicy & Hot Chicken, Hot Chicken Stew гурван төрлийн бэлэн хоолыг татсан байна.

Дани улсын хүнсний аюулгүй байдлын агентлаг дээрх бүтээгдэхүүнүүдийг худалдаанаас татаж, худалдаж авсан хүмүүст хэрэглэхгүй байхыг зөвлөжээ. Үйлдвэрлэгч Samyang компани “Дани улсын эрх баригчид манай бүтээгдэхүүнийг чанараас нь бус, харин хэт их халуун ногоотой гэсэн шалтгаанаар татсан гэж бид ойлгож байна. Эдгээр бүтээгдэхүүнүүд дэлхий даяар экспортлогддог. Гэхдээ ийм шалтгаанаар анх удаа буцаан татагдаж байна” гэж мэдэгдсэн байна.

Ийм шийдвэр гаргахад хэрэглэгчтэй холбоотой ямар нэг асуудал нөлөөлсөн эсэх нь тодорхойгүй байна. Дани улсын Мал эмнэлэг, Хүнсний хэрэг эрхлэх газраас гаргасан мэдэгдэлд нэгж бүтээгдэхүүн дэх капсайцины (capsaicin) хэмжээ “хэрэглэгчид цочмог хордлого үүсгэж болохуйц эрсдэлтэй өндөр хэмжээнд байна” гэж мэдэгджээ.

Энэхүү мэдэгдэл нь халуун ногоонд дурлагсдын эсэргүүцэлтэй тулгарч, Данийн сошиал орчинд хэлэлцүүлэг маргаан үүсгэсэн байна.

Даничууд хоол хүнсэндээ халуун ногоо хэрэглэдэггүй уламжлалтай бөгөөд тэсвэрлэх чадвар ч бага гэлцдэг. Тиймээс Даничууд халуун ногоотой бэлэн хоолыг “хортой” гэж бодох нь аргагүй хэмээн зарим нь хошигножээ.

Samyang компани Дани улсын хүнсний зохицуулалтын орчныг сайтар судалсны дараа зохих хариу арга хэмжээ авахаа мэдэгдсэн байна.

 

 

Санал болгох

Дэлхий даяар мэдээллийн технологийн сааталд өртжээ

Томоохон банкууд, хэвлэл мэдээллийн хэрэгслүүд, агаарын тээврийн компаниуд зэрэг дэлхий даяарх олон байгууллага мэдээллийн технологийн томоохон саатал доголдолд өртсөн тухайгаа мэдээлж байна

8 цагийн өмнө
“Microsoft”-ын систем доголдож дэлхийн агаарын тээвэр, банк, эмнэлгийн салбарт саатал гараад байна

Одоогийн байдлаар Америк, Англи, Австрали, Сингапур, Хонг-Конг, Энэтхэг, Испанийн агаарын тээврүүд нислэгээ зогсоосон бол Лондонгийн хөрөнгийн бирж, томоохон банкууд мөн үйл ажиллагаагаа зогсоожээ.

1 өдрийн өмнө
Япон улс 2024 оны эхний хагаст 17.8 сая гадаадын жуулчдыг хүлээн авчээ

Япон улс 2024 оны эхний хагаст 17.8 сая гадаадын жуулчдыг хүлээн авч, дээд амжилт тогтоосон гэж тус улсын аялал жуулчлалын агентлаг мэдээлэв

1 өдрийн өмнө
Доналд Трамп албан ёсоор Ерөнхийлөгчийн сонгуульд нэр дэвшихээр боллоо

Пүрэв гарагийн орой Висконсин мужид болж буй Бүгд Найрамдах намын (БНН) их хурлын үеэр Доналд Трамп албан ёсоор Ерөнхийлөгчийн сонгуульд нэр дэвшихээр болсныг зарлалаа

1 өдрийн өмнө