Канадын Засгийн газар Хятадын цахилгаан автомашинд тариф тогтоох эсэхээ 30 хоногийн хугацаанд бүх нийтийн санал, хэлэлцүүлгээр хэлэлцэж шийдэхээ мэдэгдлээ.
Яг энэ мөчид БНХАУ цахилгаан автомашинд нь ЕХ-оос тогтоосон тарифыг цуцлуулахаар хэлэлцэж буй.
Барууны орнууд БНХАУ-ын төрийн дэмжлэгтэй компаниуд энэ зах зээлийн тэнцвэрийг алдагдуулж байна гэж үзэж байгаа юм. "Хятадын үйлдвэрлэгчид зориудаар дэлхийн хэмжээнд цахилгаан машин үйлдвэрлэгчдийг сүйрүүлж байна" гэж дэд сайд Кристиа Фриланд Онтарио мужийн Воган хотод сэтгүүлчдэд хэлжээ.
АНУ-ын Ерөнхийлөгч Жо Байден өнгөрсөн сард Хятадын импортын олон төрлийн бүтээгдэхүүн, тэр дундаа цахилгаан автомашины татварыг огцом нэмэгдүүлэх багцаа танилцуулсан. 27 орны худалдааны бодлогыг хянадаг Европын Комисс Хятадын BYD, Geely, SAIC зэрэг үйлдвэрлэгчид болон Хятадад үйлдвэрлэсэн Tesla, BMW машинуудад 38.1 хүртэлх хувийн татвар ногдуулахаар төлөвлөж байгаа юм.