АНУ-ын Ерөнхийлөгч Жо Байден, Ерөнхийлөгч асан Доналд Трамп нар 2024 оны сонгуулийн анхны телевизийн халз мэтгэлцээнд оролцож байна.
Тэд тайзан дээр гарч ирэхдээ хоорондоо гар бариагүй бөгөөд нэгнийхээ яриаг таслах эрсдэлийг багасгахын тулд нэр дэвшигчийн үг хэлэх үеэр нөгөө нэр дэвшигчийн микрофоны дууг хааж байгаа юм.
Трамп 90 минутын мэтгэлцээний сүүлчийн мэдэгдлийг хийхээр болсон бөгөөд CNN-ийн урьдчилсан мэдээгээр Доналд Трамп 48%, Жо Байден 49%-ийн дэмжлэгтэй байгаа аж.
АНУ-д анх 1960 онд Кеннеди, Никсон нар телевизээр халз мэтгэлцэж байсан. 1988 оноос Ерөнхийлөгчийн сонгуулийн хороо гэх бие даасан байгууллага мэтгэлцээнийг зохион байгуулж буй.
Ерөнхийлөгчид нэр дэвшигч нар доод тал нь гурван удаа, дэд Ерөнхийлөгчид нэр дэвшигч нар нэг удаа халз мэтгэлцэнэ.
Тэдний мэтгэлцээний нэг гол сэдэв бол цагаачлалын асуудал бөгөөд Доналд Трамп Байдены цагаачлалын бодлогыг шүүмжилж, Байдены оруулж ирсэн цагаачид олон Америкчуудын аминд хүрч байна, Байдены бодлогоос үүдэн террористууд АНУ руу урсаж байна гэж ярьлаа.
