БНХАУ-ын Засгийн газар өнгөрсөн онд цахилгаан автомашин үйлдвэрлэгчдэдээ 40 орчим тэрбум ам.долларын татварын хөнгөлөлт үзүүлсэн байна. 2009 оноос 2023 он хүртэлх хугацаанд БНХАУ-ын Засгийн газар цахилгаан автомашины салбартаа багадаа 231 тэрбум ам.долларын татаас, дэмжлэг үзүүлсэн байгааг шинэ судалгаа харууллаа. Энэ санхүүгийн дэмжлэгийн тал орчим хувь нь татварын хөнгөлөлт хэлбэрээр олгогдсоныг АНУ-ын Cтратеги, олон улс судлалын төвийн мэргэжилтэн Скотт Кеннеди тооцоолсон байна. Тусламжийн үлдсэн хэсэг нь худалдан авагчдад үзүүлэх хөнгөлөлт, цэнэглэх станц зэргийг багтаасан дэд бүтцийн хөрөнгө оруулалт хэлбэртэй байсан аж.
БНХАУ-ын Засгийн газар цахилгаан автомашины салбартаа бодлогын хүрээнд асар их дэмжлэг үзүүлж байгаа бөгөөд үр дүнд нь тухайн салбар нь эрчимтэй хөгжиж, дагаад чанар нь ч сайжирч, дотоодын болон олон улсын хэрэглэгчдийг татаж байгааг дээрх судалгаанд онцолжээ.
Харин нэгж автомашинд ногдох санхүүжилтийг харвал 2018 онтой харьцуулахад буурсан байна. 2018 онд нэгж автомашинд 13 мянган 860 ам.долларын санхүүжилт ногдож байсан бол 2030 онд 4600 ам.доллар болж, эрс буурчээ. Энэ нь инфляцыг бууруулах бодлоготой нь холбоотой аж.
