Илон Маскт 56 тэрбум ам.долларын урамшуулал олгохыг Теслагийн хувьцаа эзэмшигчид дэмжлээ

2024 оны 6 сарын 142024-06-14
Илон Маскт 56 тэрбум ам.долларын урамшуулал олгохыг Теслагийн хувьцаа эзэмшигчид дэмжлээ

 

Тесла компанийн хувьцаа эзэмшигчид компанийн үүсгэн байгуулагч, гүйцэтгэх захирал Илон Маскт 56 тэрбум ам.долларын урамшууллын багцыг олгохыг дэмжиж, мөн компанийн төв байрыг Делавэрээс Техас руу нүүлгэхийг зөвшөөрчээ. 

Хувьцаа эзэмшигчид Америкийн нээлттэй хувьцаат компаниудын түүхэнд байгаагүй их хэмжээний урамшууллыг олгохыг урьдчилсан байдлаар дэмжсэн нь пүрэв гаргийн өглөө тодорхой болоод байсан бөгөөд хувьцаа эзэмшигчдийн жил тутмын хурлын үеэр санал хураалтын дүнг албан ёсоор зарласан байна. 

Багцыг анх 2018 онд баталж байсан боловч хувьцаа эзэмшигчдийн нэг нь Делавэр муж улсын шүүхэд нэхэмжлэл гаргасны дараа хүчингүй болгосон юм. 

Шинжээчдийн хэлж байгаагаар, шүүхээс хувьцаа эзэмшигчдийн шийдвэрийг хүлээн зөвшөөрөхгүй байж магадгүй тул пүрэв гаргийн санал хураалт нь тэрээр төлбөрийг шууд авна гэсэн үг биш юм.

“Тесла”-гийн захирлуудын зөвлөлөөс мэдэгдэхдээ, Илон Маск ийм урамшууллыг хүртэх эрхтэй, учир нь түүний удирдлага дор компани амбицтай зорилгодоо хүрсэн бөгөөд түүнд “Тесла”-даа үнэнч хэвээр үлдэх хөшүүрэг байх ёстой гэжээ.

2018 онд батлагдсан төлөвлөгөөнд “Тесла”-гаас албан ёсоор цалин авдаггүй И.Маск компанийн зах зээлийн үнэлгээ болон орлогын хэмжээ төлөвлөсөн үзүүлэлтэд хүрсэн тохиолдолд 56 тэрбум ам.долларын урамшуулал олгоно гэж тусгасан байв. Гэвч Теслагийн жижиг хувьцаа эзэмшигчдийн нэг болох Ричард Торнетта  үүнийг үндэслэлгүй гэж үзэн шүүхээр дамжуулан хүчингүй болгохыг шаарджээ. 

Мөн Калифорнийн тэтгэврийн сан Калстрс, Теслагийн найм дахь том хувьцаа эзэмшигч Норвегийн улсын тэтгэврийн сан зэрэг томоохон хөрөнгө оруулагчдын эсэргүүцэлтэй тулгарсан байна. Өнгөрсөн өдрүүдэд тус сан И.Маскт урамшуулал олгохыг эсэргүүцэж байгаагаа мэдэгдсэн юм.

Тесла энэ шийдвэрийг үндсэндээ шударга бус, хувьцаа эзэмшигчдийн хүсэл зоригт нийцэхгүй байна гэж мэдэгдсэн байна. Улмаар тус компани төлөвлөгөөг дахин санал хураалтад оруулж, И.Маскт олгох урамшууллыг болон Делавэр муж улсаас гадна Теслаг дахин бүртгүүлэх төлөвлөгөөг дэмжихийг уриалжээ.

 

 

 

Санал болгох

Дэлхий даяар мэдээллийн технологийн сааталд өртжээ

Томоохон банкууд, хэвлэл мэдээллийн хэрэгслүүд, агаарын тээврийн компаниуд зэрэг дэлхий даяарх олон байгууллага мэдээллийн технологийн томоохон саатал доголдолд өртсөн тухайгаа мэдээлж байна

7 цагийн өмнө
“Microsoft”-ын систем доголдож дэлхийн агаарын тээвэр, банк, эмнэлгийн салбарт саатал гараад байна

Одоогийн байдлаар Америк, Англи, Австрали, Сингапур, Хонг-Конг, Энэтхэг, Испанийн агаарын тээврүүд нислэгээ зогсоосон бол Лондонгийн хөрөнгийн бирж, томоохон банкууд мөн үйл ажиллагаагаа зогсоожээ.

1 өдрийн өмнө
Япон улс 2024 оны эхний хагаст 17.8 сая гадаадын жуулчдыг хүлээн авчээ

Япон улс 2024 оны эхний хагаст 17.8 сая гадаадын жуулчдыг хүлээн авч, дээд амжилт тогтоосон гэж тус улсын аялал жуулчлалын агентлаг мэдээлэв

1 өдрийн өмнө
Доналд Трамп албан ёсоор Ерөнхийлөгчийн сонгуульд нэр дэвшихээр боллоо

Пүрэв гарагийн орой Висконсин мужид болж буй Бүгд Найрамдах намын (БНН) их хурлын үеэр Доналд Трамп албан ёсоор Ерөнхийлөгчийн сонгуульд нэр дэвшихээр болсныг зарлалаа

1 өдрийн өмнө