Kings Of Convenience хамтлаг Монголд анх удаа тоглоно

2024 оны 3 сарын 12024-03-01
Kings Of Convenience хамтлаг Монголд анх удаа тоглоно

 

1737 Entertainment-ийн урилгаар KINGS OF CONVENIENCE хамтлаг Монгол улсад анх удаа бүрэн хэмжээний тоглолтоо энэ оны гуравдугаар сарын 16-нд Степпе Аренад толилуулах гэж байна.  Хөгжмийн промотер компани  болох 1737 Entertainment нь өнгөрөгч оны долоодугаар сард Английн Лондон хотоос гаралтай өнөө цагт дэлхийд нэрд гарч яваа blackmidi хамтлагийн бүрэн хэмжээний тоглолтыг Улаанбаатар их танхимд зохион байгуулсан удаатай. 

"KINGS OF CONVENIENCE-LIVE IN UB" тоглолтыг олон улсын чанар, стандартад бүрэн нийцүүлэн үзэгчиддээ өндөр төвшиний тоглолтыг үзүүлэхээр бэлтгэж байна.

Хамтлагийн гишүүд болох Erlend Øye, Erik Glambek Bøe нар Норвейгийн Берген хотын нэгэн сургуульд өсвөр насандаа танилцаж Skog гэх рок хамтлагт хамт тоглодог байжээ. 1999 онд өөрсдийн дуо  хамтлаг KINGS OF CONVENIENCE-ийг байгуулсан юм. “The quiet is the new loud/Чимээгүй байх нь шинэ төрлийн хашгираан” нэртэй анхны дебют цомгоо 2001 онд танилцуулж сэтгэлд ойр, уянгалаг акустик хөгжмийн шинэ давлагааг түүчээлэгч гэж тус хамтлаг нэрлэгдэх болсон юм. Түүнээс хойш 2004 онд Riot on an Empty Street, 2009 онд Declaration of Dependence нэртэй цомгуудаа гаргасан билээ. 12 жилийн дараа тэд “PEACE or LOVE” нэртэй цомгоо 2021 онд гаргасан юм. Тус цомгийг таван  жилийн турш таван өөр улсад бичжээ. Айрик, Эйлин нар хамтдаа хөгжим бүтээх нь хэзээд тийм амар байгаагүй. Зөвхөн тэднээс л төрж болох амьдрал ба хайрын дур булаам гоо үзэсгэлэн, цэвэр ариун төлөв, сэтгэл зүйн тунгалаг байдлын тухай өгүүлэх 11 дуунаас тус цомог бүрдэнэ.  Цомгийнхоо тухай тэд “Энэхүү цомог нь KINGS OFCONVENIENCE-ийн эргэн эрэлт мэт санагдах байх, гэвч үгүй юм. Энэ маш удаан үргэлжилсэн төсөл. Бид өөрсдийгөө студид хөгжмөө бичүүлээд сурсан гэж бодож төөрөлдүүлж байжээ. Яг үнэндээ студид хөгжмөө амжилттай бичүүлэх үйл явц, тэр мөч бол ид шидийг санамсаргүйгээр гартаа атгахтай ижил зүйл байлаа.” хэмээсэн удаатай.

KINGS OF CONVENIENCE -LIVE IN UB тоглолтын тасалбар албан ёсны тасалбар борлуулагч  Shoppy-ээр хэдийн борлуулагдаж эхэлсэн ба тасалбарын тоо хязгаартай болно.

Хамтлагийн дэлгэрэнгүй холбоосууд: 

https://www.facebook.com/kingsofconvenience

https://www.instagram.com/kingsofconvenience/

https://open.spotify.com/artist/41AbNVba2ccpmcc9QtOJE7?si=XNQHkTOoQ4ukkFPSOsGPuQ

https://kingsofconvenience.eu/

 

Тасалбар худалдаж авах: https://shoppy.mn/kings-of-convenience-eng?fbclid=IwAR2L1Wm-ioN3bqm9woWtGOJzQlhSHHrzFJ1bND6epHPcaBRdIR-FeaU-pKY

 

Байршил: AIC Мөсөн Өргөө

Он сар өдөр: 2024.03.16 

Хаалга нээх цаг: 20:00

Санал болгох

Эмэгтэй мотоциклчид Торгоны замаар аялах гэж байна

Тэд энэ удаад Улаанбаатар-Баян-Өлгий-ОХУ-Казахстан-Киргизстан-Таджикстан-Узбекистан-Азербайжан-Армени-Гүрж-Турк-Москва-Алтанбулаг-Улаанбаатар гэсэн маршрутаар аялна

5 өдрийн өмнө
“Соёлын өв” улсын уралдаан зарлалаа

Соёлын яам, СУИС-ийн Соёлын сургууль хамтран, ерөнхий боловсролын сургуулийн сурагчдын дунд "Соёлын өв" улсын уралдаан зарлалаа

5 өдрийн өмнө
Од гэдэг чинь ийм л байдаг даа

Мэргэжлийн сагсанбөмбөгийн хамгийн хүчирхэг лиг болох NBA (National Basketball Association)-ийн аварга цолыг зургаан удаа хүртэж, тус лигийн хамгийн үнэ цэнэтэй тоглогчоор мөн л зургаан удаа тодорч явсан, эдүгээ 76 настай домогт сагсанбөмбөгч маань аваргын дөрвөн бөгж, MVP -ийн гурван цом тэргүүтэй өөрийн олон тооны шагнал, үнэ цэнэтэй, дурсгалт зүйлсээ дуудлага худалдаагаар зарж, олсон 2,8 сая ам.долларыг хүүхэд, залуусын боловсролыг дэмжих санд хандивлажээ.

11 өдрийн өмнө