Хос медальт Монгол Улсын шигшээ баг бас нэгэн түүхэн өдрийг бүтээлээ

2024 оны 4 сарын 12024-04-01
Хос медальт Монгол Улсын шигшээ баг бас нэгэн түүхэн өдрийг бүтээлээ

"FIBA 3x3 Asian Cup 2024" сагсан бөмбөгийн Ази Тивийн Аварга Шалгаруулах тэмцээн 5 хоногийн турш Сингапур улсын “OCBC Arena”-д зохиогдсон. Уг тэмцээнд Монгол улсын шигшээ баг амжилттай оролцон хос хүрэл медаль хүртэн түүхэн өдрийг бүтээсэн. Манай эрэгтэй шигшээ багийн хувьд энэ жил шинэ өнгө төрхийг харуулан залуу тоглогчдоор баг тамирчдаа бүрдүүлсэн. Өнгөрсөн жилийн хувьд А.Ананд, Д.Дэлгэрням, О.Энхбаатар, Ц.Отгонжаргал гэх хүчтэй бүрэлдэхүүнээр ази тивийн аваргын алтан медалийг хүртсэн удаатай. Үндсэн бүрэлдэхүүн олимпын эрхийн төлөөх тоглолтод анхаарч энэ удаагийн тивийн аваргад залуу тамирчдаа илгээсэн юм.

Тэд хэсгийн шатнаас 2 хожил авч тэргүүлэн хасагдах шатанд шалгарсан. Улмаар Катарын шигшээг илт илүүрхэн буулган авч хагас шигшээд гаран ирсэн. Манай залуусын хүчтэй өрсөлдөгч болох Австрали улсын шигшээ баг нөгөө талд хүлээж байсан ба тоглолтын явцад австралийн шигшээ багийн холын зайн шидэлтүүд онооны харьцааг холдуулсан. Улмаар эрэгтэй шишээ баг хүрэл медалийн төлөөх тоглолтод Шинэ Зеландын шигшээ багтай учраа таарсан. Өнгөрсөн удаагийн Азийн аваргын хүрэл медальт Шинэ Зеландын эсрэг манай багийн ахлагч Ариунболдын Ананд ухаалаг тоглолтыг үзүүлэн 15 оноо авснаар 21:18-ын харьцаатай ялалт байгуулж чадсан.

​Харин Монголын эмэгтэй шигшээ багийн хувьд өнгөрсөн жил азийн аваргаар шөвгийн наймд Хятадад хожигдож тэмцээнээ дуусгаж байсан бол энэ жил хариугаа аван Хятадыг 20:7-оор хожиж хагас шигшээд шалгарсан. Өнгөрсөн жилийн аварга баг болох  Австралийн шигшээ багтай учраа таарч хожигдсон ч хүрэл медалийн төлөөх тоглолтод Тайванийн шигшээг илт илүүрхсэн юм. Ингэснээр эмэгтэй шигшээ баг 2013 оноос хойш анх удаа буюу 11 жилийн дараа “Fiba 3x3 Asian Cup 2024” тэмцээнд түүхэндээ анх удаа, Монгол улсын эмэгтэй шигшээ баг ази тивийн аваргаас хүрэл медаль хүртлээ.

Ц.Ананд

Санал болгох

"Парис-2024" зуны олимпын наадмын 10, паралимпын дөрвөн эрх баталгаажаад байна

Олимп, паралимпын наадамд оролцох үндэсний шигшээ багийн бэлтгэл ажлыг зохион байгуулалтаар хангах Үндэсний хорооны хуралдаан /2024-04-10/ боллоо

5 өдрийн өмнө
Монгол сурагчид "Гран Клавир" өсвөрийн төгөлдөр хуурчдын тэмцээнд амжилттай оролцов

Испани Улсын Мадрид хотод 9 дахь удаагаа зохион байгуулагдаж буй өсвөрийн төгөлдөр хуурчдын “Гран Клавир” олон улсын тэмцээн 2024 оны дөрөвдүгээр сарын 04-06-ны өдрүүдэд амжилттай зохион байгуулагдаж өнгөрлөө

8 өдрийн өмнө
Олимпын эрхийн тэмцээнд оролцох тамирчдыг сонгон шалгаруулах сорил тэмцээн

2024.04.06-07 16:00 цагаас Их тамир Олимп цогцолборт болно.

11 өдрийн өмнө
Эмэгтэйчүүдийн шигшээ баг "Аваргууд академи"-д бэлтгэлээ базааж байна

МЧБХ-ны удирдлагууд Төв аймгийн Батсүмбэр суманд байрлах “Аваргууд” академийг зорьж эмэгтэйчүүдийн Үндэсний шигшээ багийн тамирчидтай уулзлаа.

12 өдрийн өмнө