УИХ-ын 9 дэх удаагийн сонгуулийн үр дүнд 5 нам, эвслээс бүрдсэн 126 гишүүнтэй парламентын түүхийг шинээр эхлүүлэх боллоо. Уг парламентын анхдугаар чуулганыг насаар хамгийн ахмад гишүүн даргалан хуралдуулна.
Учир нь Улсын Их Хурлын дэгийн тухай хуулийн 22.3-д УИХ-ын даргыг сонгох хүртэл анхдугаар чуулганы хуралдааныг сонгуулиар сонгогдсон хамгийн ахмад гишүүн даргална гэж заасан байдаг. Үүний дагуу МАН-ын жагсаалтын 5-т бичигдсэн Дүгэрийн Рэгдэл чуулганыг даргалж хуралдуулах нь.
Түүний хувьд өдгөө 73 настай. Энэ чуулганы хамгийн ахмад гишүүн болж байгаа юм.