Дархан-Уул аймгаас хоёр дахь удаагаа УИХ-д сонгогдсон Болдын Жавхланг ЖДҮХС-ийн хэрэгт нэр холбогдсон тухай өнгөрсөн жил шуугисан. Тухайлбал, ЖДҮХС-гаас “Пример инвестмент групп” ХХК-иар 900 сая, “Жетте майнинг” ХХК-д 800 сая, “Алтан олом” ХХК-д 250 сая төгрөг олгуулахад нөлөөлсөн тухай баримтыг хэвлэл мэдээллийн хэрэгслээр сүүлийн өдрүүдэд цацах болсон. Энэ асуудлыг хуулийн байгууллага шалгасан бөгөөд УИХ-ын гишүүн Б.Жавхланг холбогдолгүй болохыг тогтоосон байдаг.
Тухайн үед Жетте майнинг компанийн захирал Гөлгөөний Эрдэнэцогтыг Б.Жавхланг Монголбанкны Тэргүүн дэд захирлаар ажиллаж байхад зөвлөх нь байсан тухай бичиж байжээ. Г.Эрдэнэцогтын үүсгэн байгуулж, захирлаар нь ажилладаг компаниудыг хуулийн этгээдийн бүртгэлийн сангаас шүүж үзвэл 14 компани байна.
Тэдгээрийг нэрлэвэл, Жет майнинг, Жетте майнинг, Жэттэтранс, Маккензи, Икс Ти Эйч, Жасын гол, Дүнхэгэр, Ти И Эм Жи, Монгол зам групп, Их хөгжил Эм эн жи, Үнэг толгой, Немон-Инженеринг, Чөмөгтэй, МОСМЕП нарыг дурдаж болно.
ЖДҮХС-аас зээл авсан Г.Эрдэнэцогтын үүсгэн байгуулсан компаниудаас саяхан Үнэг толгой, Жасын гол, Дүнхэгэр, Чөмөгтэй, Маккензи татан буугджээ.
