OPEC-ийн Өргөтгөсөн бүлгийн Газрын тосны сайд нар зургаадугаар сарын 1-нд хуралдаж, олборлолтын цаашдын бодлогоо хэлэлцэх юм. Харин ОХУ газрын тосны нийлүүлэлтэд тогтоосон дээд хязгаартаа өөрчлөлт оруулахаар төлөвлөж байгаа аж. Үүний зэрэгцээ ОХУ-ын түүхий газрын тосны экспорт тавдугаар сарын 19-нөөр дуусгавар болсон долоо хоногт өссөн үзүүлэлттэй байгаа юм.
Тус улсын Балтийн болон Арктикийн боомтуудын нийлүүлэлт өссөн ч Номхон далайн нийлүүлэлтийн боомтуудын урсгал буурснаар дөрвөн долоо хоногийн дундаж үзүүлэлт хоёр долоо хоног дараалан буурчээ.
ОХУ газрын тосны нийлүүлэлтийн хязгаарлалтаа бууруулахаар төлөвлөж байгаа тул тавдугаар сард экспортын хэмжээ нь өнгөрсөн дөрөвдүгээр сартай харьцуулахад өсөх төлөвтэй байгаа аж.
OPEC-ийн Өргөтгөсөн бүлгийн Газрын тосны сайд нар ирэх зургаадугаар сарын нэгэнд хуралдаж, олборлолтын цаашдын бодлогоо хэлэлцэнэ.
ОХУ Өргөтгөсөн бүлгийн бусад гишүүний хамт сайн дурын үндсэн дээр олборлолтоо нэмж бууруулах хугацааг ирэх III улиралд багтаан сунгах эсэхээ шийдэх төлөвтэй байгаа юм.
