АНУ-ын Тексас мужид нэг хүн шувууны ханиадны халдвар авсан нь сүүлийн долоо хоногт саалийн үнээнээс халдварласан хоёр дахь тохиолдол болжээ. Мужийн эрүүл мэндийн ажилтнууд "Халдвар авсан хүн өвчтэй үхэртэй харьцсаны дараа нүд нь улайсан" гэж мэдэгдэв.
Тухайн өвчтөнийг вирусын эсрэг эм уулгаж, тусгаарлаж байгаа юм.
H5N1 вирус зөвхөн шувуунд төдийгүй, сүүлийн долоо хоногт Техас, Канзас, Мичиган зэрэг хэд хэдэн мужид үхэрт илрээд байна. Ихэвчлэн хүмүүст халдварладаггүй ч дэлхий даяар хүнд халдварласан тохиолдол маш ховор байдаг.
"Хүмүүст шувууны томуу гэгддэг энэ вирус нь амьсгалын дээд замын болон нүдний халдвар зэрэг хөнгөн хэлбэрийн өвчнөөс эхлээд үхэлд хүргэж болзошгүй уушгины хатгалгаа зэрэг хүнд хэлбэрийн шинж тэмдгийг үүсгэдэг" гэж Өвчнийг Хянах Төвүүд (CDC) мэдээлэв.
АНУ-д шувууны H5N1 томуугаар өвчилсөн анхны тохиолдол 2022 онд Колорадо мужид бүртгэгдсэн.
