"Сирийн нийслэл Дамаск дахь Ираны консулын байранд Израилийн цэргүүд цохилт өгсний улмаас долоон офицер амь үрэгдсэн" гэж Ираны Хувьсгалт гвардийнхан мэдээлэв. Амиа алдагсдын дунд элит Кудс хүчний ахлах командлагч, бригад генерал Мохаммад Реза Захеди, түүний орлогч генерал Мохаммад Хади Хажи-Рахими нар нэрлэгджээ.
Иран болон Сирийн Засгийн газар Ираны элчин сайдын яамны хажуугийн барилгыг сүйтгэсэн халдлагыг илт буруутгаж Израилийн ямар нэг тайлбар хийгээгүй гэж мэдэгдэв.
Өнгөрсөн оны аравдугаар сард Газын зурваст дайн эхэлснээс хойш Израилийн цохилтыг эрчимжүүлсэн бөгөөд энэ нь Ливан, Сири дэх Хезболла болон бусад Ираны дэмжлэгтэй бүлэглэлүүдийг онилж байгаа юм.
Гэвч даваа гарагийн халдлагыг ноцтой гэж үзэх болно. Сирийн Батлан хамгаалах яамнаас мэдээлснээр "Даваа гарагт эзлэгдсэн Голаны өндөрлөгөөс Дамаск хотын баруун хэсгийн Меззе дүүргийн хурдны зам дээр байсан Ираны консулын байрыг Израилийн нисэх онгоцууд орон нутгийн цагаар 17:00 цагийн үед онилсон" гэжээ.
Сирийн агаарын довтолгооноос хамгаалах зэвсэгт хүчнийхэн хөөргөсөн пуужингуудын заримыг нь устгасан боловч хэд хэдэн пуужин "барилгыг бүхэлд нь сүйтгэж, дотор нь байсан бүх хүн амь үрэгдэж, шархадсан" гэж яам нэмж хэлээд "Хэдэн хүний амь үрэгдсэн нь тодорхойгүй байгаа бөгөөд нурангин дороос шархадсан хүмүүсийг аврах ажил хийгдэж байна" хэмээн мэдэгдэв.
