Хамасын удирддаг Эрүүл Мэндийн Яамны мэдээлснээр "Газад Израилийн агаарын довтолгооны улмаас Британи, Польш, Австралийн дөрвөн тусламжийн ажилтан болон тэдний Палестин жолооч нас барсан" гэж мэдэгдлээ.
Газын зурвасын төв дэх Аль-Акса эмнэлгийн эмнэлгийн эх сурвалжийн мэдээлснээр дөрвөн ажилтны цогцсыг далайн эргийн замаар явж байсан машин эмнэлэгт хүргэсэн байна. Халдлагын талаарх дэлгэрэнгүй мэдээлэл тодорхойгүй хэвээр байна.
Израилийн арми уг халдлагын талаар "Тодорхой шалгалтыг хийж байна" гэж мэдэгдэв.
World Central Kitchen (WCK) мэдэгдэлдээ "Газад хүмүүнлэгийн хүнс хүргэх ажлыг дэмжин ажиллаж байхдаа манай багийн гишүүд Израилийн Батлан хамгаалах хүчиний халдлагад өртөн амь үрэгдсэн" гэж мэдэгдээд "Энэ бол эмгэнэлт явдал. Хүмүүнлэгийн тусламжийн ажилтнууд болон энгийн иргэд хэзээ ч бай болох ёсгүй. Бид бүх баримтыг цуглуулсны дараа илүү их мэдээллийг хүргэх болно" гэж нэмж хэлэв.
WCK-ийн үүсгэн байгуулагч тогооч Хосе Андрес "X"-д нийтэлсэн нийтлэлдээ Израилийн засгийн газарт хандан "Энэ ялгаваргүй аллагыг зогсоох ёстой" хэмээн уриалжээ.
"Энэхүү эмгэнэлт хэргийн нөхцөл байдлыг тодорхойлохын тулд бил хичээнгүйлэн шалгалтын ажиллагааг хийж байна" хэмээн Израилийн Батлан Хамгаалах хүчин (IDF) тайлбарлав. IDF "Хүмүүнлэгийн тусламжийг аюулгүй хүргэхийн тулд өргөн хүчин чармайлт гаргаж, Газын ард түмэнд хоол хүнс, хүмүүнлэгийн тусламж үзүүлэх чухал хүчин чармайлтад WCK-тэй нягт хамтран ажиллаж байгаа" гэж нэмж хэллээ.
