Израил Газын зурваст цохилт өгч эхэлснээс хойшхи хамгийн том эсэргүүцлийн жагсаал Иерусалимд зохион байгуулагдлаа. Жагсагчид нэн даруй гал зогсоож олзны хүмүүсээ авах, ээлжит бус сонгууль зарлах, Нетанъяхугийн засгийн газрыг огцрохыг шаарджээ.
Хамас аравдугаар сарын 7-ны халдлага үйлдсэний дараа цочрол үүсэж үндэсний эв нэгдэл бий болсон тул тэд хэсэг хугацаанд нэг тийш болсон боловч зургаан сарын дараа дахин олон мянган жагсагчид Израилийн гудамжинд гарч ирэв. Дайн нь тэдний Ерөнхий сайд Бенжамин Нетаньяхуг огцруулах шийдвэр зоригийг улам нэмэгдүүлсэн юм.
Йерусалем хотод цагдаа нар хотын хойд, урд, гол зам болох Бегин булварыг хаасан эсэргүүцэгчдийг тараахын тулд бохир ус буюу эвгүй үнэртэй шингэн бодис ашигласан байна.
Жагсагчдын хамгийн том айдас бол дайн хэлэлцээргүйгээр үргэлжлэх тусам олон хүн үхэх болно гэдэгт байгаа юм. Энэ нь Ням гарагийн орой Иерусалимын гудамжийг хаасан олон мянган хүний дургүйцлийг хүргээд байна.