Хойд Солонгос зүүн эргийн ойролцоох далай руу дунд тусгалын баллистик пуужин харвасан байна. Өмнөд Солонгосын нэгдсэн штабын дарга нар "Мягмар гаригийн өглөөний 6:53 цагт (Даваа гарагийн 21:53 GMT) Хойд Солонгосын нийслэл Пхеньяны орчмоос хөөргөсөн" болохыг илрүүлсэн гэж мэдэгдлээ.
Уг үйлдэл нь эрх зүйн хувьд НҮБ-ын Аюулгүйн Зөвлөлийн тогтоолыг зөрчиж буй үйлдэл. Хэдхэн хоногийн өмнө НҮБ-ын Аюулгүй Зөвлөлөөс Умард Солонгост тогтоосон хоригийн хэрэгжилтийг хянах хорооны бүрэн эрхийг сунгах тогтоолд ОХУ хориг тавьсан.
Японы Ерөнхий сайд Фумио Кишида пуужин хөөргөхийг буруушааж, энэ нь бүс нутгийн аюулгүй байдалд заналхийлж байгаа бөгөөд "ямар ч хүлээн зөвшөөрөх боломжгүй" гэж мэдэгдэв.
Энэхүү хөөргөлт нь 2024 онд хийсэн баллистик пуужингийн гурав дахь нь байсан бөгөөд Умард Солонгос "Хатуу түлш хөдөлгүүрээр ажилладаг, дунд тусгалын хэт авианы шинэ пуужин туршсан" гэж мэдэгджээ.
Пхеньян цөмийн зэвсгийн хөтөлбөрөөсөө болж олон улсын хатуу хориг арга хэмжээ авсан ч цэргийн зэвсгээ хөгжүүлсээр байна.
