Иран Израил руу цохилт өгсний дараа газрын тосны үнэ буурчээ

2024 оны 4 сарын 152024-04-15
Иран Израил руу цохилт өгсний дараа газрын тосны үнэ буурчээ

Өнгөрөгч амралтын өдрүүдэд Иран Израил руу цохилт өгсний дараа нефтийн үнэ Азийн худалдааны эхний үед буурчээ. Олон улсын хэмжээнд нефтийн үнийг тодорхойлох гол жишиг болох Brent маркийн нефтийн үнэ хямдарсан ч баррель нь 90 ам.долларт ойрхон хэвээр байна. Өнгөрсөн долоо хоногт Брент маркийн нефтийн үнэ сүүлийн зургаан сарын дээд хэмжээнд хүрсэн. 

Эрчим хүчний шинжээч Вандана Хари "Одоогийн байдлаар газрын тосны зах зээл нэмэлт нийлүүлэлтийн аюулыг тооцох шаардлагагүй гэж үзэж байгаа нь ойлгомжтой. Брент маркийн нефтийн үнэ 90 ам.доллараас доош унаж магадгүй ч худалдаачид Газын зурвас болон Украины мөргөлдөөнтэй холбоотой эрсдэлд анхаарлаа хандуулж байгаа тул мэдэгдэхүйц буурах магадлал бага байна" гэж тэр нэмж хэлэв. Шинжээчдийн үзэж байгаагаар Израилийн уг халдлагад үзүүлэх хариу арга хэмжээ нь ирэх өдөр, долоо хоногт дэлхийн нефтийн зах зээлд чухал нөлөө үзүүлнэ. 

Хонг Конг дахь Hang Seng, Японы Nikkei болон Өмнөд Солонгосын Kospi зэрэг өглөөний арилжаа нэг хувиас илүү буурсан байна. 

АНУ-ын Эрчим хүчний мэдээллийн албаны мэдээлснээр "Иран бол дэлхийн долоо дахь том газрын тос үйлдвэрлэгч бөгөөд ОПЕК-ийн газрын тос үйлдвэрлэгчдийн картелийн гурав дахь том гишүүн юм. Цаашид нефтийн үнэ ханшийн гол асуудал бол Ормузын хоолойгоор дамжин өнгөрөх тээвэрлэлтэд нөлөөлөх эсэх юм" гэжээ.  

Оман, Иран хоёрын хооронд орших хоолой нь дэлхийн нийт нефтийн нийлүүлэлтийн 20 орчим хувь нь дамжин өнгөрдөг тул тээврийн чухал зам юм. ОПЕК-ийн гишүүн Саудын Араб, Иран, АНЭУ, Кувейт, Ирак улсууд экспортолж буй нефтийн ихэнх хэсгийг уг хоолойгоор дамжуулдаг. 

 

Санал болгох

Агаар мандал дахь нүүрстөрөгчийн давхар исэл 10 дахин хурдан нэмэгджээ

Шотланд болон АНУ-д хийсэн судалгаагаар агаар мандлын нүүрстөрөгчийн давхар ислийн өсөлт сүүлийн 50 мянган жилийн аль ч үеийнхээс 10 дахин хурдан нэмэгдэж байгаа нь батлагджээ

3 өдрийн өмнө
Мексикт ерөнхийлөгчийн сонгуулийн сурталчилгааны үеэр тайз нурсны улмаас есөн хүн амиа алджээ

Мексикийн хойд хэсэгт ерөнхийлөгчийн сонгуульд нэр дэвшигч Хорхе Альварес Майнезын сонгуулийн сурталчилгааны үеэр хүчтэй салхи шуурсны улмаас тайз нурж, есөн хүн амиа алдаж, 50 орчим хүн шархадсан талаар албаныхан мэдэгдэв

3 өдрийн өмнө
ОХУ газрын тосны нийлүүлэлтэд тавьсан хязгаарлалтдаа өөрчлөлт оруулна

ОХУ газрын тосны нийлүүлэлтэд тогтоосон дээд хязгаартаа өөрчлөлт оруулахаар төлөвлөж байна

3 өдрийн өмнө
ШХАБ-д элсэх дараагийн улс бол Монгол

ОХУ-ын Гадаад хэргийн сайд Лавров ШХАБ-ын Гадаад хэргийн сайд нарын зөвлөлийн уулзалтын дараа "ШХАБ-д элсэх дараагийн улс нь Монгол байх нь ойлгомжтой. Монгол Улсын газар зүйн байршлыг харвал ШХАБ-д элсэхэд бүрэн нийцнэ. Орос, Хятад болон ШХАБ-ын бусад бүх гишүүд Монголыг элсэхийг дэмжинэ" гэж ярьжээ

4 өдрийн өмнө