Нийслэлд цэцэрлэгт явах хэрэгцээтэй ч хамрагдаж чадаагүй хүүхдүүдийг нийслэлийн Боловсролын газар "И-Монголиа"-гаар дамжуулан бүртгэж дууслаа. Цэцэрлэгт хамрагдахаар 2-5 насны нийт 7.898 хүүхэд бүртгүүлжээ. Хүүхдүүдийг хамран сургах тойргийнх нь дагуу гэр, оршин суугаа газарт нь ойр цэцэрлэгт хуваарилах юм байна. Энэ тухай мэдээллийг 9 дүгээр сарын 16-18-ны өдрүүдэд бүртгүүлсэн утасны дугаарт нь мессежээр мэдээлэх юм.
Нийслэлийн авто замын түгжрэлийг бууруулах ажлын хүрээнд Хан-Уул дүүргийн 4 дүгээр хороо, Сонгинохайрхан дүүргийн 20 дугаар хороо наадамчдын гудамжнаас Эрчим хүчний гудамж хүртэлх 2.8 км авто замын ажлыг гүйцэтгэж буй.
Авто замын түгжрэлийг бууруулах ажлын хүрээнд нийслэлийн төсвийн хөрөнгө оруулалтаар Толгойтын авто замыг Ард аюушийн өргөн чөлөөтэй буюу Гэмтлийн эмнэлгийг “Содон” хороололтой холбох 6 эгнээ бүхий 3.9 км авто замын ажлыг өнгөрсөн 2022 онд эхлүүлсэн. 31 метр урт гүүр, 4 нүхэн гарцтай тус замын гүйцэтгэгчээр “Монгол зам групп” ХХК, “Ганбүрд” ХХК ажиллаж байна
