Нийслэлийн авто замын түгжрэлийг бууруулах ажлын хүрээнд Хан-Уул дүүргийн 4 дүгээр хороо, Сонгинохайрхан дүүргийн 20 дугаар хорооны нутаг дахь Наадамчдын гудамжнаас Эрчим хүчний гудамж хүртэлх 2.8 км авто зам тавьж буй. Хоногт 23 мянган тээврийн хэрэгсэл нэвтрүүлэх чадвартай тус зам ашиглалтад орвол Яармагийн түгжрэлийг 20 хувиар бууруулах боломжтой.
6 эгнээ зорчих хэсэг бүхий эл замын зорчих хэсгийг энэ сарын 26-нд ашиглалтад оруулахаар бэлтгэж байна. Тус замыг “Тотал-Инж” ХХК тавьж, гүүрийг “Мотор сервис”, “Туулын гүүр далай” ХХК барьж байна.
Энэ талаар нийслэлийн Замын хөгжлийн газрын дарга Б.Одбаяр “Улаанбаатар хотод хамгийн урт гүүр буюу 391 метр гүүр таввсан. Асфальтбетоноор замаа хучиж дууссан. Одоо гүүрэн дээр амрах 4 тавцан гарган, даланг бэхэлж байна. 3 гүүрний барилгын ажлын явц 95 хувьтай, холбоос замын ажил 90 гаруй хувьтай үргэлжилж байна. Үүнтэй холбогдуулан, Эрчим хүчний гудамжийг 4 эгнээ болгон өргөтгөхөөр гүйцэтгэгч сонгон шалгаруулаад байна” гэв.
