Ирэх хичээлийн жилд шаардлагатай багшийн мэдээллийг жил бүрийн 7 дугаар сард нэгтгэн гаргадаг аж. 2024-2025 оны хичээлийн жилд ерөнхий боловсролын сургуулиудад нийт 4.217 багш шаардлагатай байна. Эдгээр сул орон тооны 2.419 нь нийслэлд үүсжээ.
2023-2024 оны хичээлийн жилд нийт 25 их, дээд сургуулийг 2727 оюутан багш мэргэжлээр төгссөн байна. Одоо 3 болон 4 дүгээр курсэд багш мэргэжлээр 3998 оюутан суралцаж байна.
Багшийн сул орон тоог нөхөх зорилгоор дараах үйл ажиллагааг хэрэгжүүлж байна. Үүнд:
- Төгсөгчдийг ажилд зуучлах, ажлын байраар хангах;
- Захирал, сургалтын менежер, арга зүйч нарыг сурагчдад хичээл заах боломж нээх;
- Тэтгэвэрт гарсан багш нарыг эрүүл мэндийн байдал, хүсэлтийг нь харгалзан ажиллуулах;
- Багш мэргэжлээр суралцаж буй төгсөх курсийн оюутныг цалинтай дадлага хийх, дадлагажингаа цалинтай ажиллуулах;
- Шинжлэх ухааны чиглэлээр төгссөн бакалаврын зэрэгтэй иргэдийг хөрвөх сургалтад хамруулах;
- Их, дээд сургууль, коллежийн багш нарт цэцэрлэг, ерөнхий боловсролын сургуульд цагаар ажиллах боломж олгох;
- Хүүхэд асрах чөлөөтэй /гэх мэт/ багш нарыг богино цагаар ажиллуулах зохицуулалт хийх;
- Багшийн мэргэжилтэй ч өөр ажил эрхэлж буй иргэдэд цагаар хичээл заах боломж олгох...
