Газын зурвасын өмнөд хэсэгт орших Хан Юнис хот Израилийн дайралтад өртөж, 70 Палестин хүн амь үрэгдэж, 200 гаруй хүн шархадсан байна. Газын Эрүүл мэндийн яам даваа гарагт хийсэн мэдэгдэлдээ "Өнөө өглөөнөөс хойш Хан Юнис дүүрэгт Израилийн эзлэн түрэмгийлсэн дайралт үй олноор хоморголон устгасны улмаас 70 хүн алагдаж, 200 гаруй хүн шархадсан" гэж мэдэгдээд, "Эмэгтэйчүүд, хүүхдүүд ихээр өртсөн" хэмээв.
Палестинчууд Бани Сухейла болон Хан Юнис хотоос зүүн зүгт орших бусад хотуудад Израилийн танкийн бууны суманд амь үрэгдсэн бөгөөд тус бүс нутаг мөн агаараар бөмбөгдсөн гэж эмч нар мэдэгдэв.
Хан Юнис дэх Нассер эмнэлгийн цогцолбор өвчтөнүүдээр дүүрч, шархадсан хүмүүсийг шалан дээр эмчилж байгаа аж. Эмнэлгийн байгууллагын эмч нар "Нөхцөл байдал хяналтаас гарсан" гэжээ.