Нийслэлийн засаг даргын санаачилгаар Улаанбаатар хотын Захирагчийн ажлын алба, нийслэлийн Цагдаагийн удирдах газар, Экологийн цагдаагийн алба, Тээврийн цагдаагийн алба хамтран “Цэвэрч иргэн-цэмцгэр хот” аяныг энэ оны 6 дугаар сарын 18-наас 8 дугаар сарын 18 хүртэл хоёр сарын хугацаатай зохион байгуулж байна. Улаанбаатар хотын гудамж талбай, олон нийтийн газарт үүссэн хог хаягдлыг цэвэрлэх, дахин хог үүсгэхгүй байхад энэ аян чиглэжээ.
Гудамж талбай, олон нийтийн газарт нус, цэр, шүлс, хог хаясан 3517 зөрчил илрүүлэн, Зөрчлийн тухай хуулиар хариуцлага тооцоод байна. Ийм зөрчлийг иргэд зураг, бичлэгээр баримтжуулан, “Цахим-Эко цагдаа” гэсэн цахим хаягт мэдээллээ оруулах боломжтой. Уг мэдээллийн мөрөөр цагдаагийн байгууллага хариуцлага тооцно. “Цэвэрч иргэн-цэмцгэр хот” аян дууссан ч иргэд энэ хаягаар баримттай мэдээлэл илгээж байж болох юм.
