ГССҮТ-ийн баруун талын уулзвараас 3, 4 дүгээр хорооллын эцэс "И-Март" дэлгүүрийн уулзвар хүртэл дулааны 1.3 км шугам татаж байна. Уг шугамыг Баянгол дүүргийн 12 дугаар хороо, Бичил хороолол руу татаж байгаа юм. 400 мм голчтой хос шугам татах энэ ажлыг Европын сэргээн босголт, хөгжлийн банк санхүүжүүлжээ.
Өнгөрсөн хугацаанд 500 метр шугам татаж, авто замын хөдөлгөөнийг нээхээр ажиллаж байна. Шугам хоолой угсрахдаа хонгилын систем нэвтрүүлж байгаа аж. Энэ нь шугам хоолой засахын тулд бүр газар ухдаг явдлыг халж, жижиг оврын техник ажиллах бололцоо бүрдүүлж байна. Уг шугам хоолойг 9 дүгээр сараас өмнө ашиглалтад оруулахаар 24 цагаар ажиллаж байгаа аж.
