Үер усны ослоос урьдчилан сэргийлэх ажлыг эрчимжүүлэх, аюулгүй байдлыг хангуулах ажлыг зохион байгуулж, иргэд, олон нийтэд сэрэмжлүүлэг сурталчилгааг өргөн хүрээтэй таниулах, үер усны эрсдэлийг бууруулах зорилгоор өчигдөр /2024.07.25/ Хан-Уул дүүргийн 7 дугаар хороо Туул гол дээр дадлага хийлээ. Уг дадлагад тус дүүргийн Онцгой байдлын хэлтэс, Нийслэлийн аврах анги 105, Хан-Уул дүүргийн Засаг даргын Тамгын газар, хороодын засаг дарга, зохион байгуулагч, хэсгийн ахлагч нар, "Нийтлэг үйлчилгээний алба" ОНӨААТҮГ, ”Хан-Эко тээвэр” ААТҮГ, “Хан-Уул арго” ОНӨААТҮГ, “Эко хотын тээвэр” ААТҮГ-ын ажилтан алба хаагчдыг хамруулав. Дадлагын хүрээнд:
- Үер усны үед ажиллах багаж хэрэгслийн бэлэн байдлыг шалгах
- Ус соруулах мотопомп ашиглах дадлага, сургалт
- Усанд осолдсон иргэнийг аврах үзүүлэх сургалт
- Үер усны үед ажиллах хүн нэг бүрийн хувийн бэлтгэлийг шалгаж
- Усанд живсэн иргэнд анхан шатны тусламж үзүүлэх сургалт зохион байгуулав.
