Улаанбаатар хотын ойрын өдрүүдийн цаг агаарын төлөв байдлыг ЦУОШГ-ын Урьдчилан мэдээлэх хэлтсийн ахлах мэргэжилтэн О.Оюунчимэгээс тодрууллаа.
Өнөөдөр буюу 7 дугаар сарын 25-ны 08:00 цагийн байдлаар Төв аймгийн зүүн, Хэнтий, Дорнод аймгийн нутгаар аадар орж байна. Улаанбаатар хот орчмоор аадар бороо өнөө шөнөдөө үргэлжилж ороод, маргааш 7 дугаар сарын 26-ны үдээс хойш зогсох төлөвтэй байна. 7 дугаар сарын 27-ноос агаарын хэм дулаарч, 7 дугаар сарын 28, 29-нд түр зуурын бороо орох төлөвтэй.
Хэнтийн уулархаг нутгаар аадар бороо үргэлжилж орно. Иймд Хэнтийн уулсаас эхтэй томоохон голууд үерлэх магадлалтай учир голын ай сав дагуу нутаглаж байгаа иргэд болзошгүй үер усны аюулаас сэрэмжтэй байхыг анхааруулж байна.