- “Шилэн данс”-нд мэдээллээ оруулаагүй байгууллагын удирдлагуудад хариуцлага тооцно-
Төсвийн бүх байгууллага, төсөл, хөтөлбөр болон төрийн өмчит аж ахуйн нэгж байгууллагууд санхүүгийн орлого, зарлагын мэдээллээ “Шилэн данс”-нд бүртгүүлэх хуультай. Харин хуулийн хэрэгжилт хангалтгүй, зөрчил дутагдал багагүй байна.
“Шилэн данс”-ны хуулийн хэрэгжилтэд хөндлөнгөөс хяналт тавих хуульзүйн эрх бүхий байгууллага бол Үндэсний аудитын газар. 2016 оны 10 дугаар сараас 2017 оны 10 дугаар сар хүртлэх нэг жилийн хугацаанд “Шилэн данс”-ны хэрэгжилтийг хянаж, тайлангаа нэгтгэжээ.
Тэгвэл “Шилэн данс”-ны талаар хамгийн их ярьж, “Шилэн Цогоо” нэр автлаа танигдсан хүн бол одоогийн Зам, тээврийн хөгжлийн Дэд сайд Б.Цогтгэрэл. Харин Зам, тээврийн хөгжлийн яам нь “Шилэн данс”-нд мэдүүлэг өгөхдөө хойрго хандаж, бусад яамдынхаа “сүүлийг мушгисан” байна. Энэ талаар Б.Цогтгэрэл “Шилэн дансаа хөтлөөгүй байгууллагын удирдлагуудад хариуцлага тооцох хэрэгтэй” хэмээн өөрөө хэлж байсан. Тэгвэл Зам тээвэр хөгжлийн дэд сайд шилэн дансаа хөтлөөгүй хариуцлагаа хүлээж чадах болов уу.
ТӨРИЙН БОЛОН ОРОН НУТГИЙН ӨМЧИТ ХУУЛИЙН ЭТГЭЭД ТӨРИЙН ӨМЧИТ ҮЙЛДВЭРИЙН ГАЗАР “ТОГТСОН ХУГАЦАА”-НД МЭДЭЭЛЭЛ БАЙРШУУЛСАН БАЙДАЛ
|
Үндэсний статистикийн хороо |
100 |
|
|
Эрүүл мэндийн яам |
97.9 |
|
|
БОАЖЯ |
93.8 |
|
|
Засгийн газрын хэрэг эрхлэх газар |
91.6 |
|
|
Монгол Улсын Ерөнхий сайд |
94.8 |
|
|
Монгол Улсын шадар сайд |
93.7 |
|
|
Сангийн яам |
99.9 |
|
|
БСШУСЯ |
97.8 |
|
|
Хуульзүй, Дотоод хэргийн яам |
99.5 |
|
|
Эрчим хүчний яам |
98.0 |
|
|
Хөдөлмөр, нийгмийн хамгааллын яам |
89.1 |
|
|
Зам тээврийн хөгжлийн яам |
88.1 |
|
|
Монгол банк |
85.9 |
|
|
Нийт |
94.7 |
|
Шалгалтын эцэст “Шилэн дансны тухай хуулийг холбогдох албан тушаалтнууд бүрэн хэрэгжүүлээгүй байна” гэсэн дүгнэлт гарсан. Тиймээс мэдээллээ оруулаагүй байгууллагын удирдлагуудад сануулах болон сахилгын хариуцлага тооцуулах юм байна.
