Ж.Батзанданд дарлуулдаг ШЕЗ, Хуульчдын холбоогоор яах юм

1
2020 оны 4 сарын 242020-04-24
Ж.Батзанданд дарлуулдаг ШЕЗ, Хуульчдын холбоогоор яах юм

 

Ж.Батзандан 2016 онд УИХ-ын гишүүн болсноосоо хойш хууль тогтоогчийн ажлаа олигтой хийсэнгүй. УИХ-аас татвар, бүртгэл, ашигт малтмалын ер нь ямар ч хууль хэлэлцэж байсан “МАНАН бүлэглэл, С.Зоригийн хэрэг, Чимгээ, Содномдаржаа, хуулийн мафи” зэрэг хэдхэн сэдэв ярьж бүрэн эрхээ дуусгах гэж байна. Хууль тогтоох дээд байгууллагад ажиллаж, төрийн бодлого тодорхойлоход тойргийн иргэдийнхээ байр суурийг төлөөлөх учиртай түүний барьсан хэдэн сэдэв нь 2020 оны сонгуульдаа бэлдсэн PR-уу гэлтэй.

Сүүлдээ бүр даамжирч хараат бус шүүх, прокурорын ажилд хөндлөнгөөс нөлөөлөх гэж оролддог болов. Үүнийг нь УДШ-ийн өмнө жагсаал зохион байгуулсан, УЕПГ-т иргэдийг дагуулж очиж элдэв зүйл ярьсан нь баталгаажуулна. Шүүх засаглал руу иргэдийг турхирч, элдвээр харлуулж зурагтаар ярьж байгаа нь яав ч УИХ-ын гишүүнд байх ёс зүй биш. Шүүхийн шийдвэрт нөлөөлөх элдэв алхам хийж, иргэдийн шүүхэд итгэх итгэлийг сулруулж байгаа нь түүнийг сонгохгүй байх хангалттай шалтгаан.

Прокурор, шүүхийнхэн төрийн тусгай албан хаагчид учраас Ж.Батзандантай зэрэгцээд тайлбар хийгээд яваад байх нь зохимжгүй. Гэхдээ цагдаад хандаж энэхүү хууль бус үйлдлийг нь таслан зогсоолгох талаар ажиллах боломж нь байгаа. Харин ингэхийг хүсэхгүй байх шиг. Шүүх, шүүгчийн хараат бус, бие даасан байдлыг хангах үндсэн үүрэгтэй байгууллага нь ШЕЗ. Гэвч Ж.Батзандантай хамт 7 сарын 1-нд жагсч явсан, найз нь болох Э.Батбаяр ШЕЗ-ийн даргын ажлыг хийж байна. Г.Занданшатарын улс төрийн нэвтрүүлэгт дуудагдаад оролцчихсон Улсын ерөнхий прокурор Б.Жаргалсайхан ч дуу нь гарахгүй юм. Уг нь энэ хоёр институцийн нийтлэг эрх ашгийг илэрхийлж дуугарч болох хамгийн зохимжтой газар нь Монголын Хуульчдын холбоо. Гэвч ХЗДХЯ-ны харьяа агентлаг Гадаадын иргэн харьяатын газрын байцаагч Б.Өнөмөнх МХХ-ны ерөнхийлөгч болсноос хойш энэ байгууллага дэндүү дүлий, дүйнгэ боллоо доо.

Хамгийн сүүлд гэхэд “Б.Хурцын өмгөөлөгч нар шүүгчидтэй хуйвалдаад байна гэж Ерөнхий прокурор надад хэлсэн” гэж Ж.Батзандан хэлсэн тухай Б.Мэргэн өмгөөлөгч бичсэн байна. Хэрэв үнэн бол шалгуулах ёстой. Харин худлаа бол хараат бус шүүхэд халдаж, иргэдийг шүүх, прокурорт итгэхгүй болгох байгаа Ж.Батзанданг цагдаад өгөх хэрэгтэй. Улстөрчид энэ мэтээр муу л бол хойд хар овоохой гэдэг шиг шүүх засаглал руу ноцсоор байвал Монгол Улсад үнэнийг хэн тогтоох вэ.

Иймээс ШЕЗ, Монголын Хуульчдын холбоо шүүх, прокурорын байгууллагын хараат бус байдлыг хангах ажлаа хийж, хуульчдийн нийтлэг эрх ашгийг попроо улстөрчдийн завжнаас салгах шаардлагатай байна.

 

 

Санал болгох

Дүлий сэдэв: Дарсанд дэвтсэн өдөр

Гуравдугаар сарын 8 бол Олон улсын эмэгтэйчүүдийн эрхийг хамгаалах өдөр юм. Энэ өдрийн үүсэл ажилчин эмэгтэйчүүдийн жагсаалаас, дарлагдсан эмэгтэйчүүдийн тэмцлээс эхлэлтэй. Эмэгтэйчүүд нийгэмд эрчүүдийн адил тэгш боломжийг эдлэх гэж, шийдвэр гаргалтад оролцох гэж, улиг хоцрогдсон хандлагыг өөрчлөх гэж тэмцэж ирсэн өдөр.

1 жилийн өмнө
ҮХНӨ өргөн барих УИХ-ын тогтоолыг зөрчихөөр болсон уу

Үндсэн хуулийн цэцээс 2019 оны Үндсэн хуулийн нэмэлт өөрчлөлтийн "давхар дээл"-ний хязгаарыг унагаасны дараагаар УИХ ээлжит бус чуулган зарлан холбогдох хуулиудыг өөрчилж, дараагаар нь Л.Оюун-Эрдэнэ Засгийн газрынхаа гишүүдийг сольсон.

1 жилийн өмнө
МХХ-ны ерөнхийлөгч Б.Өнөмөнхийн хугацаа дуусаад жил тойрлоо

Хуульчийн эрх зүйн байдлын тухай хуульд зааснаар МХХ-ны ерөнхийлөгч хоёр жилээр нэг удаа сонгогдон ажиллах учиртай. Энэ хугацаа нь 2021 онд дууссан боловч өнөөг хүртэл Хуульчдын V их хурлаа зохион байгуулаагүй байна. Харин Монголын Хуульчдын холбооны зөвлөл Б.Өнөмөнхийг 2021 оны 11 сарын 13-ны өдрөөс ерөнхийлөгчийн үүрэг гүйцэтгэгчээр ажиллуулах шийдвэр гаргажээ.

2 жилийн өмнө
Монголын сэтгүүлчид тайван цуглаж, олон улсад хандлаа

Монгол Улсын Хэвлэлийн эрх чөлөө дэлхийд 22 байраар ухраад байна. Үүнд тэд ХЗДХЯ, Засгийн газар, УИХ-ыг буруутгаж байгаа юм.

2 жилийн өмнө