Бүгд Найрамдах намаас (БНН) ерөнхийлөгчийн сонгуульд нэр дэвшигч асан Никки Хейли түүний өрсөлдөгч болох Ерөнхийлөгч асан Доналд Трампад саналаа өгөхөөр төлөвлөж байгаагаа лхагва гарагт мэдэгдлээ. Трампын НҮБ-ын элчин сайдаар ажиллаж байсан хатагтай Хейли гуравдугаар сарын эхээр намын анхан шатны сонгуульд нэр дэвшихээс татгалзсан юм.
Сонгуулийн компанит ажлаа дуусгаж байгаагаа зарласнаас хойш лхагва гарагт анхны олон нийтийн өмнө хэлсэн үгэндээ тэрээр Трампыг төгс байгаагүй гэж шүүмжилсэн ч ийм шийдвэр гаргаж байгаагаа мэдэгдэв.
Хейли энэ оны гуравдугаар сард БНН-ын сунгаанаас нэрээ татсан боловч түүний нэр саналын хуудсанд хэвээр үлдсэн юм. Тэрбээр сонгуулийн кампанит ажил явуулахаа больсон хэдий ч анхан шатны сонгуульд 10 гаруй хувийн санал авсан хэвээр байна.
Тэрээр хэлэхдээ "Байден Афганистан дахь сүйрлийг удирдаж, Украйны түрэмгийллийг зогсоохын тулд юу ч хийгээгүй бөгөөд хамгийн сүүлд Израилийг дэмжиж, тэдэнд туслалцаа үзүүлсэн. Сонгогчийн хувьд би холбоотнуудынхаа ар талыг хамгаалж, дайснууддаа хариуцлага тооцох, хилийн хамгаалалтыг чангатгаж, капитализм болон эрх чөлөөг дэмждэг, бидэнд илүү их өр биш бага өр хэрэгтэй гэдгийг ойлгодог ерөнхийлөгчийг нэн тэргүүнд тавина. Трамп эдгээр бодлогыг төгс хэрэгжүүлээгүй ч Байден сүйрэлд хүргэсэн. Тиймээс би Трампын төлөө саналаа өгөх болно" гэжээ.