"Big show" бол “Татар”, “Мөнхийн рэп”, “Флаш”, “Noname”, “4 зүг” хамтлагийн хамтарсан тоглолт биш. Уг тоглолтын хүрээнд 5 хамтлаг 5 тусдаа үзүүлбэр үзүүлэх ба нэг хамтлаг 10-12 дуу дуулах юм байна. Тоглолт маргааш буюу 9 дүгээр сарын 20-ны өдөр Төв цэнгэлдэх хүрээлэнд болно.
16:00 цагт Төв цэнгэлдэхийн хаалгыг нээн, 17:00 цагаас DJ сэт тоглох бол 17:30 цагаас урилгаар оролцож буй уран бүтээлчид дуулна. 19:30 цагаас гол уран бүтээлчид дуулж эхэлснээр тоглолт 23:30 цаг хүртэл үргэлжлэх юм.
Хамтлагуудын тайзан дээр гарах дараалал
- Флаш хамтлагийн "Хайрлах хүсэл" тоглолт
- “Мөнхийн рэп” хамтлагийн тоглолт
- “Noname” хамтлаг "Үдшээр" тоглолт
- “4 зүг” хамтлагийн "Тайлагнал" тоглолт
- “Татар” хамтлагийн "Хайрыг хүндэл" тоглолт
Зохион байгуулагч “Тоглолтыг жилийн өмнөөс төлөвлөсөн байсан. Өөр тоглолттой давхцаж байгаа нь том асуудал биш. Хамтлагуудын дунд ямар ч асуудал үүсээгүй. "Big show" бол энэ жилийн хамгийн сүүлчийн задгай шоу байх болно” гэлээ. Урилгаар Vandebo, Batuh, Digital, Icetop, S&I, D45, Бундын тамга, Маралжингоо зэрэг хамтлаг, уран бүтээлчид оролцох аж.
Эдгээр хамтлагийг өсвөр насныхан сайн мэдэхгүй учраас хүрэлцэн ирэх өсвөр насныхан ховор гэж үзэн, насны хязгаар заагаагүй байна.
Б.Мөнхзул
