Нийслэлийн Онцгой байдлын газар, "Улаанбаатар төмөр зам" нийгэмлэг хамтран, өнөөдөр зорчигчийн галт тэрэгний цуваанд гарсан гал түймрийг унтраах тактикийн дадлага сургуулилалт зохион байгууллаа. Гал түймэр унтраах, арга зүйн тактик, онцлогийг судлах, шаардлагатай, хүн, хүч хэрэгслийг тооцох, иргэдийг гал тэрэгний цуваанаас нүүлгэн шилжүүлэх ажиллагааг шуурхай зохион байгуулах, хугацаа тогтоох, мэргэжлийн байгууллагуудын уялдааг хангах, албан хаагчдын мэдлэгийг дээшлүүлэх, байгууллагын туслах бүлгэмийн бие бүрэлдэхүүний бэлэн байдлыг хангах, мэргэжлийн ур чадварыг сайжруулах зорилгоор үүнийг зохион байгуулсан юм.
Дадлага сургуулилалтад НОБГ-ын Гал түймэртэй тэмцэх хэлтэс, Аврах анги, Баянгол дүүргийн Онцгой байдлын хэлтсийн Гал түймэр унтраах, аврах 18 дугаар анги, “Улаанбаатар төмөр зам”-ын ажиллагсад оролцож, гал түймэр гарсан үед авах хариу арга хэмжээ, өөрийгөө болон бусдыг авран хамгаалах, аюулгүй байдлаа хангах мэдлэгээ дээшлүүллээ.