Олон улсын олимпын хорооны гишүүн, Монголын үндэсний олимпын хорооны ерөнхийлөгч Б. Баттүшиг “Парис-2024” зуны олимпын наадамд хүч сорьсон шигшээ баг тамирчдын төлөөллийг хүлээн авч уулзлаа.
Өнөөдрийн арга хэмжээнд “ Парис-2024” олимпын наадмын мөнгөн медальт, ОУХМ Б. Баасанхүү тэргүүтэй жүдо бөхийн шигшээ баг тамирчид, бокс, дугуйн спортын тамирчин дасгалжуулагчийн төлөөлөл хүрэлцэн ирэв.
Удирдлагын зүгээс дараагийн тэмцээн уралдаандаа бэлтгэл сургуулилтаа сайн базааж өндөр амжилт үзүүлэхийг хүсэж олимпын наадамд зориулан гаргасан Марк болон мөнгөн шагналаар урамшуулав.
Тамирчдын зүгээс олимпын наадамд өрсөлдөхөд бүх талаар дэмжин ажилласанд талархаж байгаагаа илэрхийлж байлаа.
