Чөлөөт бөхийн олимпын бус жингийн ДАШТ-д оролцох эрхийн сорил тэмцээн өнөөдөр болж байна. Чөлөөт бөхийн олимпын бус жингүүд болох эрэгтэйчүүдийн -61 кг,-70 кг , -79 кг, -92 кг, эмэгтэйчүүдийн -55 кг, -59 кг, -65 кг, -72 кг жинд нийт 60 тамирчин өрсөлдөж байна. Жин бүрээс шалгарсан нэг тамирчин 10-р сарын 28-31-ний өдрүүдэд Албина улсын Тирана хотноо зохион байгуулагдах чөлөөт бөхийн олимпын бус жингийн ДАШТ-д Монгол Улсаа төлөөлөн оролцох юм.
Олон улсын олимпын зэрэглэлийн шүүгч Б.Алтангадас “Олимпын бус жингийн гэж онцолж байгаагаараа илүү давуу талтай болж байна. Яагаад гэвэл олимпын бус жингүүд дээр Дэлхийн медальтай шинэ тамирчид төрнө гэсэн үг шүү дээ. Өнөөдрийн сорил дээр Дэлхийн аваргын медальтнууд болох Э.Бэхбаяр, н.Түвшинтулга нар бас өрсөлдөж байна” гэлээ.
Олимп болдог жил олимпын бус ДАШТ гэж болдог. Тэр жилдээ олимпод оролцсон тамирчин олимпын бус ДАШТ-д оролцдоггүй. Чөлөөт бөхөд нийт 12 жин байдгаас олимпын 6 жин, үлдсэн 6 нь олимпын бус жин байна.
