Өмнөд Солонгосын удирдагч өнгөрсөн пүрэв гарагт хүн ам зүйн хямрал гүнзгийрч, төрөлт буурч байгааг шийдвэрлэх шинэ яам байгуулахаар төлөвлөж байгаагаа мэдэгджээ.
Ерөнхийлөгч Юн Сук Ёол телевизээр хэлсэн үгэндээ “Үндэсний онцгой байдал гэж үзэж болох төрөлтийн түвшин бууралтыг даван туулахын тулд бид бүх хүчин чадлыг дайчлах болно" гэжээ.
Өмнөд Солонгос нь дэлхийн хамгийн бага төрөлттэй улс. Европын олон улс хүн амын хөгшрөлттэй тулгарч байгаа ч энэ өөрчлөлтийн хурд, үр нөлөөг цагаачлал бууруулж байна. Харин Өмнөд Солонгос, Япон, Хятад зэрэг улсууд хөдөлмөрийн насны хүн амын бууралттай тэмцэхийн тулд цагаач иргэдийг олноор нь хүлээн авахаас зайлсхийж байна.
Эцэг эхийн цалинтай амралтыг сунгах, шинэ эцэг, эхэд мөнгөн урамшуулал олгох, эрэгтэйчүүдийг хүүхэд асрах, гэрийн ажилд хувь нэмрээ оруулахыг уриалсан нийгмийн кампанит ажил төрөлтийн түвшинг бууралтыг зогсоож чадахгүй байна. Японы Засгийн газар хосуудыг хүүхэдтэй болоход нь урамшуулан дэмжих үүнтэй төстэй арга хэмжээ авсан ч тусыг эс олсноор сүүлийн жилүүдэд тус улсын удирдагч яаралтай арга хэмжээ авахаар төлөвлөж байгаа юм.
