“Парис 2024” олимпын наадам дууссанаар Олон улсын жүдо бөхийн холбоо тамирчдын олимпын оноог нэмж, чансааны жагсаалтыг шинэчилсэн. Манай улсаас эмэгтэйчүүдийн 48 кг-ийн жинд олимпын мөнгөн медальт, Дэлхийн аварга Б.Баасанхүү Дэлхийн чансаанд 7286 оноотойгоор нэгдүгээрт, олимпын чансаанд 6502 оноогоор 2-рт бичигдлээ. Олимпын чансааны тэргүүн байрт Италийн тамирчин Ассунта Скутто оржээ.
Манай улсын эрэгтэй тамирчдын хувьд -66 кг-ийн жинд 2024 оны ААШТ-ий аварга Б.Эрхэмбаяр 4768 оноотой гуравдугаар байр, Ё.Басхүү тав, 100 кг-ийн жинд Б.Гончигсүрэн чансаагаараа аравдугаар байрт бичигджээ. Эмэгтэй тамирчдаас -48 кг-ийн жинд Г.Наранцэцэг 14-дүгээр байр, -52 кг-ийн жинд Л.Сосорбарам 16-дугаар байр, Л.Энхрийлэн -57 кг-ийн жиндээ мөн 16-дугаар байрт эрэмбэлэгдлээ.