Парис хотоос мэдээлж байна
“Парис 2024”- зуны олимпын наадмын боксын төрлийн сугалаа боллоо. Манай улсаас эмэгтэйчүүдийн 54 кг-ын жинд ОУХМ Мөнгөнцэцэгийн Энхжаргал эхний даваандаа 2023 оны дэлхийн аварга шалгаруулах тэмцээний мөнгөн медальт Италийн тамирчин Чараабитай тулалдах сугалаа татлаа. Харин 50 кг-ын жинд ОУХМ О.Есүгэн "Рио-2016" олимпын хүрэл медальт, Дэлхийн аваргын мөнгө, хүрэл медальт Колумбын тамирчин Валиансатай тулалдах учраа таарав. Колумбын тамирчин өнөө жил 35 настай олимп, дэлхийн медальтай туршлагатай тамирчин юм.
ОУХМ М.Энхжаргал маргааш буюу 07 дугаар сарын 27-нд 21:30 цагаас, О.Есүгэн 07 дугаар сарын 28-нд 18:36 цагаас эхний тулалдаанаа хийнэ.
