Парис хотоос мэдээлж байна.
Өчигдөр олимпын наадмын байт харвааны чансаа тогтоох харваа болж өндөрлөлөө. ОУХМ Б.Отгонболд Бразилын тамирчин D’almeida Marcus-тай нэг аравчин дээр буюу 1 байн дээр харваж, чансаа тогтоов. Тэрээр урьдчилсан харваанд 72 сум тавьснаас 643 оноо авч (21 сумаа 10-т зоож), 54 дүгээрт эрэмбэлэгдлээ. Урьдчилсан харваанд өрсөлдсөн 64 тамирчин нийт оноогоороо жагсаж, 1-64 байрт эрэмбэлэгдэж байгаа юм. Цаашид хасагдах журмаар явах буюу дараагийн шатад 32 тамирчин тунаж, өрсөлдөнө. Түүний хувьд 08 дугаар сарын 01-нд хасагдах шатанд (1/32 нугалаа) урьдчилсан харваанд 11-т бичигдсэн Мексикийн Матиас Грандетай халз харвана. Мексикийн тамирчны тухайд 2004 онд төрсөн 24 настай, дэлхийн чансааны 17-т эрэмбэлэгддэг тамирчин аж.
![451623620_1203712887304502_8327006507841770921_n.jpg](http://time.mn/frm-v3/view/image/240726/tckZAFqsDbZsB5hDO7CWNdv9KVai9CoIjUEf0GyzY9n-451623620_1203712887304502_8327006507841770921_n.jpg)
Гэрэл зургийг Ч.Ганбат, Д.Нямбилэг