time.mn

Арванхоёрдугаар сарын 7-нд БНСУ-ын кино урлагийн салбарын 77 байгууллагын 2518 хүн Ерөнхийлөгч Юн Сок Ёолыг эх орноосоо урвасан хэмээн үзэж огцруулах өргөдөлд гарын үсэг зуржээ. Уг өргөдөлд &#8220;Өнөөгийн улс төрийн эмх замбараагүй байдал болон сүүлийн үеийн үйл явдлаас болж огцом унасан Өмнөд Солонгос улсын нэр хүндийг сэргээхэд шаардагдах нэг номерын урьдчилсан нөхцөл бол Ерөнхийлөгч Юн Сок Ёолыг бүрэн эрхээс нь түдгэлзүүлэх явдал юм. Хэрэв импичмент хамгийн хурдан арга зам мөн бол бид үүнийг сонгох ёстой. Кино урлагийн салбарынхан бид Юн Сок Ёолыг Өмнөд Солонгосын Ерөнхийлөгч гэдгийг цаашид хүлээн зөвшөөрөхгүй.



<blockquote class="wp-block-quote is-layout-flow wp-block-quote-is-layout-flow">
Тэр бол эх орноосоо урвасан гэмт хэрэгтэн.Түүнийг албан тушаалаас нь түдгэлзүүлж үйлдсэн гэмт хэргийнх нь төлөө баривчлахыг шаардаж байна” гэсэн байна.
</blockquote>



Энэ долоо хоногийн эхээр Солонгосын Ардчилсан нам тэргүүтэй Өмнөд Солонгосын Үндэсний Ассамблейн нийт 191 гишүүн Юн Сок Ёолыг үндсэн хууль зөрчсөн хэргээр албан тушаалаас нь огцруулахаар санал хураалт явуулах санал гаргажээ. Үндэсний ассемблей өнөөдөр орой буюу арванхоёрдугаар сарын 7-ны 17:00 цагт импичментийн асуудлаар санал хураах юм байна.

Бон Жу Хо,Канг Ду Вон, Сон Е Жин нарын 2500 гаруй уранбүтээлчид Ерөнхийлөгчийг огцруулах өргөдөл гаргажээ.

Apple Music дуу хөгжмийн стрийминг үйлчилгээний зүгээс 2024 оны шилдэг уран бүтээлүүдийг энэ долоо хоногт зарлан танилцуулаад байна. “Apple Music Replay 2024” хэмээх энэ жилийн шилдгүүдийн жагсаалтад эмэгтэй уран бүтээлчид, тэдний уран бүтээлүүд толгой цохижээ. Apple Music-ийн зүгээс онцолсноор энэ оны шилдэг 39 дуу эмэгтэй уран бүтээлчдийн дуу байсан байна. Дуучин Тэйлор Свифт, Сабрина Карпентер, Шаппелл Роан, Билли Айлиш гээд олон эмэгтэй уран бүтээлчид жагсаалтыг тэргүүлсэн бол Apple Music-ийн 2024 онд хамгийн олон удаа тоглогдсон дуугаар өнгөрсөн зун Drake-тэй “дисс”-лэлцсэн Kendrick Lamar-ын “Not Like Us” дуу тодорчээ. Drake-ийн зүгээс энэ дууг хиймлээр буюу зохиомлоор сонссон тоо хэмжээг нь нэмэгдүүлсэн хэмээн Universal Music-ийн эсрэг Нью-Йорк хотын шүүхэд гомдол гаргасан талаар бид өмнө мэдээлж байсан билээ. Ингээд Apple Music-ээс жил бүрийн эцсээр гарган танилцуулдаг “Apple Music Replay” жагсаалтыг энэ жил ямар уран бүтээлч, ямар дуу хөгжим тэргүүлснийг доох хүргэе:



-Apple Music-ийн 2024 оны шилдэг дуу



<ul class="wp-block-list">
<li>Kendrick Lamar &#8211; Not Like Us</li>



<li>Benson Boone &#8211; Beautiful Things</li>



<li>Sabrina Carpenter &#8211; Espresso</li>
</ul>



-Apple Music-ийн 2024 оны шилдэг цомог дуу



<ul class="wp-block-list">
<li>Taylor Swift “The Tortured Poets Department: The Anthology”</li>
</ul>



-Apple Music-ийн 2024 оны шилдэг уран бүтээлч



<ul class="wp-block-list">
<li>Billie Eilish</li>
</ul>



-Shazam Global-ийн шилдэг дуу



<ul class="wp-block-list">
<li>Benson Boone &#8211; Beautiful Things</li>



<li>Teddy Swims &#8211; Lose Control</li>



<li>FloyyMenor &amp; Cris Mj &#8211; Gata Only</li>
</ul>



-Apple Music-ийн хамгийн их шүлгийг нь уншсан дуу



<ul class="wp-block-list">
<li>Creepy Nuts &#8211; Bling-Bang-Bang-Born</li>



<li>Kendrick Lamar &#8211; Not Like Us</li>



<li>Sabrina Carpenter &#8211; Espresso</li>
</ul>



-Apple Music-ийн радиогоор хамгийн их тоглогдсон дуу



<ul class="wp-block-list">
<li>Dua Lipa &#8211; Houdini</li>



<li>Teddy Swims &#8211; Lose Control</li>



<li>Tate McRae – greedy</li>
</ul>



Хэрвээ та Apple Music-ийн хэрэглэгч бол энэ жил тус аппликейшнээр өөрийнхөө хамгийн их сонссон дуу хөгжим, уран бүтээлчийн жагсаалтыг мөн үүсгэх боломжтой бөгөөд энэхүү нэмэлт тохиргоо нь дэлхийн 169 орны хэрэглэгчдэд нээллтэй, 39 хэл дээр ашиглах боломжтой байгаа юм.

Apple Music 2024 оны шилдэг уран бүтээлүүдийн жагсаалтаа танилцууллаа

Инфлюсерүүдийн сурталчилгаанд итгэж, бараа бүтээгдэхүүн захиалаад хохирсон хүн Монголд зөндөө. Үүний томхон жишээ бол “Эрхэт Монгол” группийн “Хайрын хот” хотхон. Тус хотхонд байр захиалсан олон иргэн байдаг.



Баримт 1: “Бид Одзаяа, Заяа нарын сурталчилгааг хараад, “Хайрын хот” хотхонд хаус авахаар болсон. Сурталчилгааны үеэр тэд “Маш гоё хотхон баригдаж байгаа. Хурдан ашиглалтад орно” гэсэн. Тиймээс 2022 оны 3 дугаар сард захиалга өгсөн. Тэр үед ам метр нь 1 сая 800 мянган төгрөг гэж байсан. Тиймээс 10 ам метр талбайтай байшин авсан. Түүнээс хойш уг хаус ашиглалтад ороогүй. Иймд бид таван удаа өргөдөл өгч, гомдол гаргасан. Очих болгонд “Манайх удахгүй хаусаа барьж эхэлнэ. Жаахан хүлээж бай” гэдэг. “Мөнгө өө авъя” гэж маш олон удаа өргөдөл өгөхөд “Манай захирал гадагшаа явсан”, “Ажилтай яваа” гэхчлэн янз бүрийн шалтаг хэлсээр байгаад өдий хүрсэн.



Бид нөлөөлөгчдийн сурталчилгаанд итгэж, тэр компанид мөнгөө өгсөн. Олон хүн энэ компанид захиалга өгсөн. Гадаадаас хаус захиалсан хүмүүс ч бий. Хамт өргөдөл өгсөн хүмүүсийн тоо 60 дөхсөн. Гэвч хууль хяналтын байгууллага нь “Шалгаж байна” гээд гурван жил болж байна. Энд бас нэг асуудлыг тодотгож хэлэхэд, олны танил хүмүүс хариуцлагатай баймаар юм” гэлээ. &nbsp;



Баримт 2: Энэ оны 6-р сард 52 настай эмэгтэй &#8220;И&#8221; гэх эмнэлэгт хэвлийгээсээ өөх соруулах хагалгаанд орж, эрүүл мэндээ эрсдэлд оруулсан байна. Тэрбээр 2023 оны 12 дугаар сард 17 сая төгрөг төлж, 5-6 цаг үргэлжилсэн мэс заслаар 7 кг орчим өөхөө авахуулсан байна. Гэвч хагалгаанаас хойш 4 дэх хоногоос халуурч эхэлжээ. Ингээд хагалгаа хийсэн эмнэлэгтээ очтол эмч нь “Таныг манайх дийлэхгүй нь. Дотроо лабораторитой том эмнэлэг бараад&#8221; гээд явуулжээ.



Уг эмэгтэй &#8220;И&#8221; эмнэлгийг сонгох болсон шалтгаанаа нөлөөлөгчдийн нөлөөнд автсантай холбон тайлбарлаж байна. Тэрээр нэвтрүүлэгч Ч, аялагч-хөтлөгч Г, жүжигчин П нарын олны танил хүмүүс тухайн эмнэлгээр үйлчлүүлсэн тухайгаа сурталчлан ярихад нь итгэл үнэмшил төрж, тэнд хагалгаанд орохоор шийджээ.



Алдартай хүмүүсийн амаа цууртал сурталчилсан өнөөх эмнэлгээр энэ хүн үйлчлүүлээд, цоорхой гэдэстэй, хагалгааны оёдол нь эдгэхгүй 6-7 сар явжээ. &nbsp;



Инфлүүсэрүүдийн үг бүхэн үнэн биш



Сошиал медиагийн эрин зуунд &#8220;нөлөөлөгч&#8221; гэсэн нэр томьёог хаа сайгүй хэрэглэх болсон. Эдгээр хүн сэтгэл татам төрх, бүтээлч байдал, анхаарал татсан контентоороо олон дагагчтай болсон. Ингээд ард иргэдийн гэнэн итгэмтгий занд дөрөөлөн,гойд сайхан маркетинг хийж, бариагүй барилга, эрсдэлтэй эмчилгээ гэх мэт бараа, үйлчилгээ сурталчлан, бусдыг хохироосоор. Гэвч тэдэнд хэн ч хариуцлага хүлээлгэсэнгүй. 



Тиймээс хүмүүс нөлөөлөгчдийн сурталчилгаанд автахгүй байх шаардлага үүсэж байна.



<figure class="wp-block-pullquote"><blockquote>Сошиал медиа платформ бол маркетеруудын хувьд анзаарахгүй өнгөрч болохгүй суваг болсон. Энэ талбарт шинэ бизнес өдрөөс өдөрт цэцэглэж байна. Монголын хүн амын 2.2 сая нь фэйсбүүк ашигладаг. Тэдний 95,4 хувь нь гар утаснаасаа сошиалд ханддаг байна. Тэдэнд зориулан, төлбөртэй зар сурталчилгаа явуулдаг идэвхтэй фэйсбүүк хуудас 205 мянга байдаг аж.</blockquote></figure>



Одоо олон хүн инфлүүсэр болж, сошиал медиа платформын зах зээлээс мөнгө олж байна. Маркетингийн мэргэжилтнүүдийн дунд хийсэн 2019 оны судалгаагаар маркетерүүдийн 80 хувь нь “Бизнесийн аливаа шинэ бараа, бүтээгдэхүүнийг сурталчлахад, бусад зар сурталчилгааны сувгаас инфлүүсерүүд илүү үр дүнтэй байдаг. Маркетингийн төсөвтөө инфлүүсер маркетинг хийлгэх мөнгө төсөвлөдөг” гэж хариулжээ. Инфлүүсэр бол эдийн засгийн хамгийн үр ашигтай маркетингийн суваг аж.



Францад инфлүүсэр хууль зөрчвөл хаягийг нь хаадаг



Олон дагагчтай, пост, шэйрийг нь уншдаг, хүлээдэг хүмүүстэй инфлүүсэрийг ашиглан, бизнесийн сурталчилгаагаа явуулах нь өдгөө монголчуудын хувьд хэвийн үзэгдэл боллоо. Гэхдээ Монголын инфлүүсэрүүдийн үг бүхэн үнэн биш гэдгийг олон жишээ харуулж байгаа юм. Гэвч нөлөөлөгч нарт хүлээлгэх хуулийн хариуцлага Монголд алга.



Харин олон улсад нөлөөлөгчдийн үйл ажиллагааг хуулиар ингэж зохицуулдаг



Францад нөлөөлөгчид тодорхой төрлийн бүтээгдэхүүнийг сурталчлахыг хориглодог. Жишээлбэл:



<ul class="wp-block-list">
<li>Гоо сайхны ямар нэгэн мэс засал&nbsp;</li>
</ul>



<ul class="wp-block-list">
<li>Эмчилгээ орлуулах бүтээгдэхүүн болон арга техник</li>
</ul>



<ul class="wp-block-list">
<li>Санхүүгийн бүтээгдэхүүн, үйлчилгээ (Ялангуяа крипто хөрөнгө)</li>
</ul>



<ul class="wp-block-list">
<li>Мөрийтэй тоглоом (Насанд хүрээгүй хүмүүст сурталчлахыг хориглоно)</li>
</ul>



<ul class="wp-block-list">
<li>Никотин агуулсан бүтээгдэхүүн (Электрон тамхи, &#8220;IQOS&#8221; төрлийн халаадаг тамхины төхөөрөмж)</li>
</ul>



<ul class="wp-block-list">
<li>Тамирчин, спортоор хичээллэж байгаа иргэнд эмчилгээний бус зорилгоор эм, бэлдмэл сурталчлахыг хориглоно.</li>
</ul>



&nbsp;Хуулийг зөрчсөн тохиолдолд тухайн нөлөөлөгчийн хаягийг хаадаг байна.

Нөлөөлөгч нар оодорч, хүлээлгэх хариуцлага замхарч байна

2024 оны 12-р сарын 09-наас 2024 оны 12-р сарын 12-ныг хүртэлх цаг агаарын урьдчилсан төлвийг танилцуулж байна.



<ul class="wp-block-list">
<li>9-нд баруун аймгуудын нутгийн баруун болон хойд, төвийн аймгуудын нутгийн баруун хойд хэсгээр</li>



<li>10-нд баруун аймгуудын ихэнх нутаг, төвийн аймгуудын нутгийн баруун хэсгээр</li>



<li>11-нд баруун аймгуудын нутгийн зарим газар, төвийн аймгуудын ихэнх нутаг, говийн аймгуудын нутгийн хойд болон зүүн, зүүн&nbsp;аймгуудын нутгийн зүүн өмнөд хэсгээр цас орж, цасан шуурга шуурна.</li>
</ul>



Салхи ихэнх хугацаанд секундэд 5-10 метр, 9-нд Алтайн салбар уулсаар секундэд 12-14 метр хүрч ширүүсэхээр байна.



<ul class="wp-block-list">
<li>Дархадын хотгор болон Завхан голын эх, Хүрэнбэлчир орчмоор шөнөдөө -33&#8230;-38 градус, өдөртөө -20&#8230;-25 градус</li>



<li>Хангай, Хөвсгөл, Хэнтийн уулархаг нутаг, Идэр, Эг, Үүр, Ерөө, Туул, Тэрэлж, Хэрлэн, Онон, Улз, Халх голын хөндий, Дарьгангын тал нутгаар шөнөдөө -25&#8230;-30 градус, өдөртөө -13&#8230;-18 градус</li>



<li>Говийн бүс нутгийн өмнөд хэсгээр шөнөдөө -13&#8230;-18 градус, өдөртөө -3…-8 градус, бусад нутгаар шөнөдөө -18…-23 градус, өдөртөө -8&#8230;-13 градус хүйтэн байна.</li>
</ul>

Даваа гарагаас ихэнх нутгаар цас орж, шуурна

Италийн хойд нутагт үйл ажиллагаа явуулдаг мафийг мөрдөн шалгах хүрээнд баривчилсан 24 хүний дотор нэгэн гэлэнмаа багтсан талаар цагдаагийн байгууллагаас мэдээлжээ. Италийн хэвлэлүүдээр Анна Донелли хэмээн нэрлэн бичиж байгаа тэрхүү гэлэнмааг “Ndrangheta” мафи болон шоронд хоригдож байгаа тус мафийн гишүүдийн хоорондох холбоочин, зуучлагчийн үүрэг гүйцэтгэж байсан гэх үндэслэлээр баривчилжээ.



Цагдаа нар мөн Италийн хойд нутгийн Ломбарди болон Венето муж, өмнөд хэсгийн Калабриа мужийн хэд хэдэн хотод явуулсан тусгай ажиллагааны үеэр хоёр улс төрчийг баривчилж, 1.8 сая евро-гийн эд хөрөнгийг хурааж авсан байна. Энэхүү баривчилгааг 4 жилийн хугацаанд “Ndrangheta” мафийг мөрдөн шалгасны үр дүнд явуулаад байгаа бөгөөд уг мафи нь Европын хамгийн аюултай, нөлөө бүхий гэмт хэргийн байгууллага гэж үздэг юм.



Мафийн эсрэг баривчилгааг хамтран явуулсан хууль хүчний байгууллагынхны хамтарсан мэдэгдэлд Анна Донелли гэлэнмааг өөрийн ажил мэргэжлийг ашиглан сайн дураараа шоронд орж ажиллахаар сонгогдсон гэжээ. Өөрөөр хэлбэл гэлэнмааг хэн ч мафийн холбоочин гэдгийг сэжиглээгүй байсан ажээ.



Цагдаагийн байгууллагаас гаргасан мэдэгдэлд ямар хоёр улс төрчийг баривчилсан гэдгийг мэдээлээгүй байна. Түүнчлэн мафийн эсрэг хууль хүчний байгууллагынхны тусгай ажиллагаа үргэлжилж байгаа бөгөөд энэхүү тусгай ажиллагаанд Италийн хойд бүсийн олон зуун цагдаа нар оролцож байна.



Цагдаа нар үнэрч нохдыг ашиглан галт зэвсэг, хар тамхи, мөн их хэмжээний бэлэн мөнгө зэргийг хайж, хурааж авч байгаа юм. Мөрдөгчид “Ndrangheta” мафийг хаягдал метал, төмөр боловсруулах бизнесээр өнгөлөн далдалж нийт 12 сая евро бэлэн мөнгийг угаасан гэж буруутгаж байгаа талаараа мэдээлжээ.

Италийн цагдаа нар мафитай холбоотой гэлэнмааг баривчилжээ

ӨВЛИЙН ДУНД УЛААН ХУЛГАНА САРЫН НАЙМАН ЦАГААН ШАР БИЧ ӨДӨР



<ul class="wp-block-list">
<li>Үс засуулвал: Эрч хүч ихэснэ.</li>



<li>Наран ургах, шингэх: 08.31-16.59</li>



<li>Барилдлага: Үхэх   </li>



<li>Шүтэн барилдлага: Хурьцахуй   </li>



<li>Суудал: Гал</li>
</ul>



Аргын тооллын 12 сарын 10, Ангараг гараг. Билгийн тооллын 10, Дэлгэрүүлэгч одтой, шар бич өдөр. Өдрийн наран мандах, жаргах цаг нь 8:31-16:59. Тухайн өдөр хулгана, луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, сан тавиулах, угаал үйлдэх, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийх, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал эрч, хүч ихсэнэ.

Үс засуулбал эрч хүч ихэснэ

ӨВЛИЙН ДУНД УЛААН ХУЛГАНА САРЫН ЕСӨН УЛААН УЛААГЧИН ХОНЬ ӨДӨР



<ul class="wp-block-list">
<li>Үс засуулвал: Өвчин өчүүхэн ирнэ.</li>



<li>Наран ургах, шингэх: 08.30-16.59</li>



<li>Барилдлага: Рашаан   </li>



<li>Шүтэн барилдлага: Сэрэхүй   </li>



<li>Суудал: Хий</li>
</ul>



Аргын тооллын 12 сарын 9, Сумъяа гараг. Билгийн тооллын 9, Могойг хүлэгч одтой, улаагчин хонь өдөр. Өдрийн наран мандах, жаргах цаг нь 8:30-16:59. Тухайн өдөр гахай, туулай жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, хишиг даллага дуудуулах, насан бүтээл хийлгэх, мал худалдан авах, мал түгээх, сахил санваар авах, хануур, төөнүүр хийлгэх, хийморийн дарцаг хатгахад сайн. Эрдэнийг гадагш өгөх, уул овоо тахихад муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй.

Үс засуулбал өвчин өчүүхэн ирнэ

ӨВЛИЙН ДУНД УЛААН ХУЛГАНА САРЫН НЭГ ЦАГААН УЛААН МОРЬ ӨДӨР



<ul class="wp-block-list">
<li>Үс засуулвал: Хэл ам,хэрүүл тэмцэл ирнэ.</li>



<li>Наран ургах, шингэх: 08.29-16.59</li>



<li>Барилдлага: Арвидах   </li>



<li>Шүтэн барилдлага: Хүрэлцэхүй   </li>



<li>Суудал: Мод</li>
</ul>



Аргын тооллын 12 сарын 8, Адъяа гараг. Билгийн тооллын 7, Шувуун хошуут одтой, улаан морь өдөр. Өдрийн наран мандах, жаргах цаг нь 8:29-16:59. Тухайн өдөр бар, нохой жилтнээ аливаа үйлийг хийхэд эерэг сайн. Эл өдөр худалдаа арилжаа хийх, бизнэс эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, угаал үйлдэх, тангараг тавих, гэр, байшингийн суурь тавихад сайн. Гэр бүрэх, хэрүүл тэмцэл хийхэд муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойш мөрөө гаргавал зохистой. Үс шинээр үргээлгэх буюу засуулахад тохиромжгүй.

Үс засуулбал хэл ам, хэрүүл тэмцэл ирнэ

ӨВЛИЙН ДУНД УЛААН ХУЛГАНА САРЫН ХОЁР ХАР ХӨХӨГЧИН МОГОЙ ӨДӨР



<ul class="wp-block-list">
<li>Үс засуулвал: Өнгө зүс сайжирна</li>



<li>Наран ургах, шингэх: 08.28-17.00</li>



<li>Барилдлага: Идэр   </li>



<li>Шүтэн барилдлага: Төрөн түгэхүй   </li>



<li>Суудал: Уул</li>
</ul>



Аргын тооллын 12 сарын 7, Санчир гараг. Билгийн тооллын 6, Тооно одтой, хөхөгчин могой өдөр. Өдрийн наран мандах, жаргах цаг нь 8:28-17:00. Тухайн өдөр үхэр, тахиа жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, хараал, жатхыг буцаах, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх зэрэг үйлд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал өнгө зүс сайжирна. Их цасан буух улирал (0ц 33м) эхлэнэ.

Үс засуулбал өнгө зүс сайжирна

АНУ-ын сансар судлалын агентлагийн зүгээс саран дээр хүн буулгах төлөвлөгөөгөө дахин хойшлуулж байгаагаа зарласан байна. NASA-гийн саран дээр хүн буулгах “Артемис” хөтөлбөрийн дагуу сар луу илгээх хоёр дахь шатны нисгэгчтэй сансрын хөлгийн аяллыг ирэх оны 9 сард төлөвлөсөн байсныг хойшлуулж 11 сар болгоод байсан бол энэ удаад дахин хойш нь татаж, 2026 оны 4 сард илгээхээр товложээ. Энэ талаар NASA-гийн дарга Билл Нелсон албан ёсоор мэдэгдсэн ба сансрын нисгэгчдийн аюулгүй байдлыг нэн тэргүүнд тавьж байгаагаа онцолсон байна.



Анх “Артемис” хөтөлбөрийг зарлахдаа 3 үе шаттай явуулж, эхний ээлжинд сар луу нисгэгчгүй хөлөг илгээх, хоёр дах шатанд нисгэгчтэй хөлөг илгээх, гурав дах шатанд саран дээр хүн буулгахаар төлөвлөсөн байсан юм. Ийнхүү хоёр дахь шатны нисгэгчтэй сансрын аяллын хуваарийг өнөөдрийн байдлаар хоёр ч удаа хойшлуулснаар АНУ-ын саран дээр ахин хүн буулгана гэсэн төлөвлөгөө анх зарлаж байснаасаа нэг жилээр хойшлогдож, хамгийн наад тал нь 2027 онд саран дээр хүн буулгахаар болж байна.



<figure class="wp-block-image size-full"><img loading="lazy" decoding="async" width="1024" height="576" src="https://admin.time.mn/wp-content/uploads/2024/12/image-29.png" alt="" class="wp-image-70695" srcset="https://admin.time.mn/wp-content/uploads/2024/12/image-29.png 1024w, https://admin.time.mn/wp-content/uploads/2024/12/image-29-300x169.png 300w, https://admin.time.mn/wp-content/uploads/2024/12/image-29-768x432.png 768w" sizes="auto, (max-width: 1024px) 100vw, 1024px" /></figure>



Хуваарийг хойшлуулсан шалтгаан нь сансрын хөлгийн өндөр халуун температурыг тэсвэрлэх хамгаалалтад гарсан асуудлыг шийдэх шаардлага үүссэнтэй холбоотой бөгөөд Билл Нелсон “бид 100 хувь бэлэн болох хүртлээ хөлгийг хөөргөхгүй, тиймээс туршилтын нислэгийг хийж, бүгдийг зөв тооцоолох шаардлагатай байна, тэгж байж л Артемис хөтөлбөрийг цааш нь үргэлжлүүлэх ёстой болно” гэжээ. Мөн тэрээр NASA-гийн инженерүүд асуудлын учрыг олсон ч нэгбүрчлэн нарийвчилсан туршилт судалгаа явуулах шаардлагатайг хэлсэн байна.



<figure class="wp-block-image size-full"><img loading="lazy" decoding="async" width="1024" height="576" src="https://admin.time.mn/wp-content/uploads/2024/12/image-30.png" alt="" class="wp-image-70696" srcset="https://admin.time.mn/wp-content/uploads/2024/12/image-30.png 1024w, https://admin.time.mn/wp-content/uploads/2024/12/image-30-300x169.png 300w, https://admin.time.mn/wp-content/uploads/2024/12/image-30-768x432.png 768w" sizes="auto, (max-width: 1024px) 100vw, 1024px" /></figure>



Ойрын ирээдүйд АНУ-ын NASA болон БНХАУ-ын Сансрын агентлаг саран дээр хүн буулгахаар өрсөлдөж байгаа. Энэ тал дээр Билл Нелсон хэлэхдээ “бид Артемис-3 сансрын хөлгийг 2027 оны дундуур сар луу хөөргөхөөр төлөвлөж байгаа, энэ нь бид Хятадын засгийн газар 2030 онд саран дээр хүн буулгана гэж олон нийтэд зарласнаас хэдэн жилээр урьтаж хөөргөнө гэсэн үг юм” гэжээ.



Гэхдээ Артемис хөтөлбөрийн ирээдүй Д.Трампын засаг захиргааны явуулах бодлогоос мөн хамаарах юм. Тэрээр Билл Нелсоны оронд Жаред Айзекменыг NASA-гийн даргын албан тушаалд нэр дэвшүүлээд байгаа. Жаред Айзекмен бол Элон Масктай тун ойр, түүний сансрын хөлөг, пуужингийн төсөл хөтөлбөрүүд дээр нь хамтран ажилладаг энтерпренер, онгоцны нисгэгч, тэрбумтан, филантропч хүн юм. Ийм ур чадвартай хүн NASA-г огт өөрөөр удирдаж, томоохон өөрчлөлт авчирч магадгүй гэж ажиглагчид харж байна. &nbsp;&nbsp;&nbsp;

NASA саран дээр хүн буулгах төлөвлөгөөгөө дахин хойшлууллаа

ӨВЛИЙН ДУНД УЛААН ХУЛГАНА САРЫН ГУРВАН ХӨХ ХӨХ ЛУУ ӨДӨР



<ul class="wp-block-list">
<li>Үс засуулвал: Эд,мал арвижна</li>



<li>Наран ургах, шингэх: 08.27-17.00</li>



<li>Барилдлага: Шид   </li>



<li>Шүтэн барилдлага: Нэр өнгө   </li>



<li>Суудал: Ус</li>
</ul>



Аргын тооллын 12 сарын 6, Сугар гараг. Билгийн тооллын 5, Булаагч одтой одтой, хөх луу өдөр. Өдрийн наран мандах, жаргах цаг нь 8:27-17:00. Тухайн өдөр хулгана, бич жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнэс эхлэх, зэрэг дэвших, лус тахих, хур оруулах, зэтгэрийг номхотгох, хөгжмийн зэмсэг урлах, дархны үйлд сайн. Гүүр тавих, газар ухах, цөөрөм байгуулахад муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал эд, мал арвидна.

Үс засуулбал эд, мал арвижна

ӨВЛИЙН ДУНД УЛААН ХУЛГАНА САРЫН ДӨРВӨН НОГООН ХАРАГЧИН ТУУЛАЙ ӨДӨР



<ul class="wp-block-list">
<li>Үс засуулвал: Бие эрхтний хүч сайжирна</li>



<li>Наран ургах, шингэх: 08.26-17.00</li>



<li>Барилдлага: Үл тохирох   </li>



<li>Шүтэн барилдлага: Тийн мэдэхүй   </li>



<li>Суудал: Огторгуй</li>
</ul>



Аргын тооллын 12 сарын 5, Бархасбадь гараг. Билгийн тооллын 4, Элдэв тэнгэртэн одтой, харагчин туулай өдөр. Өдрийн наран мандах, жаргах цаг нь 8:26-17:00. Тухайн өдөр гахай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, лусыг тахих, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн. Сэтгэлд сэвтэй газар очих, газар хагалах, ус булгийн эх малтах, балгадын суурь тавих, нохой худалдан авахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал бие эрхтний, хүч сайжирна.

Үс засуулбал бие эрхтний хүч сайжирна

ӨВЛИЙН ДУНД УЛААН ХУЛГАНА САРЫН ТАВАН ШАР ХАР БАР ӨДӨР



<ul class="wp-block-list">
<li>Үс засуулвал: Эд мал баялаг төгөлдөр болно.</li>



<li>Наран ургах, шингэх: 08.24-17.00</li>



<li>Барилдлага: Рашаан   </li>



<li>Шүтэн барилдлага: Хуран үйлдэхүй   </li>



<li>Суудал: Төмөр</li>
</ul>



Аргын тооллын 12 сарын 4, Буд гараг. Билгийн тооллын 3, Суулга одтой, хар бар өдөр. Өдрийн наран мандах, жаргах цаг нь 8:24-17:00. Тухайн өдөр нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, сүм дуганыг сэргээх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, андгай тангараг, гэрээ, хэлцлээ буцаахад сайн. Гөлөг тэжээх, золиг гаргах, бомбын үйл, хүүхэд хөлд оруулахад муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулбал эд малтай баялаг төгс болно.

Үс засуулбал эд мал баялаг төгөлдөр болно

ӨВЛИЙН ДУНД УЛААН ХУЛГАНА САРЫН ЗУРГААН ЦАГААН ЦАГААГЧИН ҮХЭР ӨДӨР



<ul class="wp-block-list">
<li>Үс засуулвал: Хэл,ам,хэрүүл тэмцэл ирнэ</li>



<li>Наран ургах, шингэх: 08.23-17.01</li>



<li>Барилдлага: Үхэх   </li>



<li>Шүтэн барилдлага: Мунхрахуй   </li>



<li>Суудал: Шороо</li>
</ul>



Аргын тооллын 12 сарын 3, Ангараг гараг. Билгийн тооллын 2, Гар одтой, цагаагчин үхэр өдөр. Өдрийн наран мандах, жаргах цаг нь 8:23-17:01. Тухайн өдөр могой жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, мал арилжих, буг дарах, газрын ам бооход сайн. Байшингийн суурь тавих, угаал үйлдэхэд муу. Өдрийн сайн цаг нь бар, туулай, могой, бич, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.

ӨВЛИЙН ДУНД УЛААН ХУЛГАНА САРЫН ДОЛООН УЛААН ЦАГААН ХУЛГАНА ӨДӨР



<ul class="wp-block-list">
<li>Үс засуулвал: Нас ахар болно</li>



<li>Наран ургах, шингэх: 08.22-17.01</li>



<li>Барилдлага: Идэр   </li>



<li>Шүтэн барилдлага: Өтлөх үхэхүй   </li>



<li>Суудал: Гал</li>
</ul>



Аргын тооллын 12 сарын 2, Сумъяа гараг. Билгийн тооллын 1, Эрхтэний тэнгэрт одтой, цагаан хулгана өдөр. Өдрийн наран мандах, жаргах цаг нь 8:22-17:01. Тухайн өдөр луу, бич жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, гарагийг тахих, хүүхэд үрчлэн авах, урлан бүтээхэд сайн. Улаа гаргах, хиншүү хярвас гаргах, төлгө тавих, морь уралдахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулахад тохиромжгүй. Балжинням өдөр.

Үс засуулбал нас ахар болно

ӨВЛИЙН ТЭРГҮҮН ХӨХӨГЧИН ГАХАЙ САРЫН НАЙМАН ЦАГААН ШАРАГЧИН ГАХАЙ ӨДӨР



<ul class="wp-block-list">
<li>Үс засуулвал: Нас ахар болно</li>



<li>Наран ургах, шингэх: 08.21-17.02</li>



<li>Барилдлага: Түлэх   </li>



<li>Шүтэн барилдлага: Сэрэхүй   </li>



<li>Суудал: Хий</li>
</ul>



Аргын тооллын 12 сарын 1, Адъяа гараг. Билгийн тооллын 30, Онгоц одтой, шарагчин гахай өдөр. Өдрийн наран мандах, жаргах цаг нь 8:21-17:02. Тухайн өдөр хонь, туулай жилтнээ аливаа үйлийг хийхэд эерэг сайн. Эл өдөр гэмтнийг шийтгэх, сан тавиулах, угаал үйлдэх, нялхсын хурим хийх, хийморийн дарцаг хатгахад сайн. Газар ухах, худаг гаргах, сэтгэлд сэвтэй газар очиход муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй.

Тэргэнцэртэй охиноо 20 жил зөөж их сургуулийн босго алхуулсан аавын талаарх бид сурвалжлан хүргэсэн. Ч.Батсайхан 60 настай бөгөөд охиныгоо цэцэрлэгт байхаас нь эхлэн байнга л зөөдөг байсан тухайгаа хуваалцсан байдаг. Тэрбээр охиныгоо их сургуульд орсон тул нөүтбүүк авч өгөхөөр мөнгө хуримтлуулж эхэлсэн талаар хэлсэн. 



<iframe loading="lazy" src="https://www.facebook.com/plugins/video.php?height=476&#038;href=https%3A%2F%2Fwww.facebook.com%2Ftime.mn%2Fvideos%2F1334072671100949%2F&#038;show_text=false&#038;width=476&#038;t=0" width="476" height="476" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"></iframe>



Тэгвэл Б.Маралмаа охинд нэгэн хамт олон шинэ “Dell” брендийн “Laptop” худалдан авч өгчээ.

Б.Маралмаа охинд “Dell” брендийн “Laptop” бэлэглэжээ

Бага ангийн сурагчдын цүнхний жинг багасгаж, дасгал, даалгавруудыг илүү сонирхолтой, интерактив, бүтээлч болгох зорилгоор Боловсролын яам Польшийн “Learnetic” компанийн техникийн дэмжлэгтэйгээр I-V ангийн есөн төрлийн 33 сурах бичгийг дижитал хэлбэрт шилжүүллээ.



<figure class="wp-block-image"><img decoding="async" src="https://scontent.fuln10-1.fna.fbcdn.net/v/t39.30808-6/469552532_593116166431649_8943125855315687141_n.jpg?stp=cp6_dst-jpg_tt6&amp;_nc_cat=107&amp;ccb=1-7&amp;_nc_sid=127cfc&amp;_nc_ohc=O7DAoX4-musQ7kNvgEGubb0&amp;_nc_zt=23&amp;_nc_ht=scontent.fuln10-1.fna&amp;_nc_gid=AQPyczGtTTx_T_aXOjL9Qga&amp;oh=00_AYDcrqpUKdwUERWUVCfJ4Zd5uJbt0YBdZmfpHnHInW55Vg&amp;oe=67586271" alt="4 хүн, хичээл хийж буй хүмүүс ба бичвэр нарын зураг байж магад"/></figure>



Ковид-19 цар тахлын нөлөөгөөр боловсролын салбарт цахим шилжилт эрчимжиж, бүх насны хүмүүс зайнаас суралцах боломжоор хангахын тулд сургуулиуд заах, сурах үйл <a></a>явцыг дахин загварчилж эхэлсэн. Үүнтэй зэрэгцэн хүмүүс XXI зууны боловсрол, түүнийг олгох, олж авах тухай асуудлыг шинэ өнцгөөр харах болсон юм.



<figure class="wp-block-image"><img decoding="async" src="https://scontent.fuln10-1.fna.fbcdn.net/v/t39.30808-6/469379281_593115943098338_4504415428232048218_n.jpg?_nc_cat=104&amp;ccb=1-7&amp;_nc_sid=127cfc&amp;_nc_ohc=VLWPX_a3xmgQ7kNvgGJXu0w&amp;_nc_zt=23&amp;_nc_ht=scontent.fuln10-1.fna&amp;_nc_gid=A5-N3V8X4SZmo5KVNIYmsf3&amp;oh=00_AYCTtBJy27lY7HlaTPavq9-NN5dafpG7t73gjJnfcST1zg&amp;oe=6758898C" alt="6 хүн, өсгөгч, зурагт, мэдээний өрөө, бумба ба бичвэр нарын зураг байж магад"/></figure>



Манай улс энэ чиглэлд онцгой анхаарал хандуулж, НҮБ-ын &#8220;Хувьсаж буй боловсрол&#8221; дээд хэмжээний чуулга уулзалтын хүрээнд “Дижитал суралцахуй ба хувирган өөрчлөлт” сэдвээр тусгайлсан хэлэлцүүлэг зохион байгуулж, энэ чиглэлд хэрэгжүүлэх үүрэг, амлалтаа танилцуулсан билээ. Энэ хүрээнд <a href="http://www.sur.esis.edu.mn/?fbclid=IwZXh0bgNhZW0CMTAAAR32R_D00nHCFeQzu9qOp86QX7AN8iN49HNflmEv130CxjL1xGO16GXCl9I_aem_GccajHSYEYbq3opDtrF96w" target="_blank" rel="noreferrer noopener">www.sur.esis.edu.mn</a> системийг хөгжүүлж, дижитал сурах бичгүүдийг хүлээн авлаа. 



Үүний үр дүнд:



<ul class="wp-block-list">
<li>Бага ангийн 33 сурах бичгийн агуулга, дасгал, даалгаврыг интерактив хэлбэрт хөрвүүлж, 13,500 орчим дасгал, даалгаврын сан;</li>



<li>Сургалтын хөтөлбөрийн хэрэгжилт, суралцахуйн явц, үр дүнтэй холбоотой мэдээллийг цахим технологи ашиглан богино хугацаанд цуглуулах, багшийн ажлын ачааллыг бууруулах, арга зүйгээ төлөвлөхөд дэмжлэг үзүүлэх цогц цахим систем;</li>



<li>Боловсролын мэргэжлийн байгууллагын холбогдох хүний нөөц, ерөнхий боловсролын сургуулийн багш нар цахим арга хэрэгсэл, модуль ашиглан интерактив дасгал, даалгавар боловсруулах програм;</li>



<li>Хичээлийн хуваарь, сурагчдын ирц, интерактив сурах бичгийн дасгал, даалгаврын гүйцэтгэл, цахим сурах бичгийн ашиглалттай холбоотой их өгөгдлийг сурагч, анги, бүлэг, сургууль, дүүрэг, аймаг, үндэсний түвшинд үүсгэх, дүн шинжилгээ хийх, хянах боломж;</li>



<li>Сурах бичгийг интерактив хэлбэрт хөрвүүлэх, дасгал даалгаврыг хөгжүүлэх, шинээр зохиох тусгайлсан багаж, хэрэгсэлтэй цахим системийг бий болгов.</li>
</ul>



<figure class="wp-block-image"><img decoding="async" src="https://scontent.fuln10-1.fna.fbcdn.net/v/t39.30808-6/469380784_593115939765005_5360435093379371856_n.jpg?_nc_cat=110&amp;ccb=1-7&amp;_nc_sid=127cfc&amp;_nc_ohc=BOLWXAmrIlUQ7kNvgFvDEkn&amp;_nc_zt=23&amp;_nc_ht=scontent.fuln10-1.fna&amp;_nc_gid=A2_oJX-1R9EfWTha6sjw_c_&amp;oh=00_AYAoWTPTHWUvTPXup_JXMKbgMwyJKANBVlOvRso_AUPv1g&amp;oe=67585C1C" alt="5 хүн, Oval Office ба бумба нарын зураг байж магад"/></figure>

Дижитал хэлбэрт шилжүүлсэн сурах бичгүүдийг хүлээн авлаа

<figure class="wp-block-pullquote has-text-align-center"><blockquote>Олон жилийн өмнө Монголын циркт хүч чадлын гайхамшигт үзүүлбэрийг дархан аварга Дарийн Дамдин үзүүлж, туйван өргөнгөө баахан жүжигчдээ хамт өргөж гайхуулдаг байс ныг олон хүн мэдэх биз ээ. Тэгвэл өнөөдөр дэлхийн тайзнаа хүч чадлын үзүүл бэр толилуулж буй монгол залуутай уншигч та бүхнээ уулзуулах гэж байна. Энэ бол шинэхэн гавьяат Баттогтохын Баттулга юм. </blockquote></figure>



-Хүчний гайхамшигт үзүүлбэрийг үзүүлээд яг хэдэн жил болж байна вэ? 



-Би 2010 оноос хойш хүч тамирын үзүүлбэрийг АНУ-ын “Ринглинг Бродэрс” циркэд ажиллаж байхдаа суралцсан. Энэ үзүүлбэрийг Зүүн европын хоёр хүн хийдэг байсан юм. Тэднийг харж анх суралцсан хэрэг. Өмнө нь 2009 онд АНУ-ын “Ринглинг” цирктэй гэрээ хийгээд АНУ-д ирсэн. Анх акробат хийж үзүүлбэр үзүүлдэг байсан бол 2010 оноос хойш хүч тамирын үзүүлбэрийг АНУ-д байхдаа суралцаад хийж эхэлсэн л дээ. 



-Одоо аль улсын ямар циркийн багт харьяалагдаж байна? 



-Би чөлөөт уран бүтээлч гэж явдаг. Одоогоор ямар нэгэн циркийн харьяалал байхгүй. Өөрөө аль нэгэн улсын циркийнхэнтэй гэрээ хийгээд гэрээгээр явж ажилладаг. Энэ сард Германы “Коронай” гэдэг цирктэй гэрээ хийж ажиллана. Мөн 2025 оны нэгдүгээр сард Монакогийн вант улсын “Монте карло” циркийн олон улсын тэмцээнд оролцохоор бэлтгэлээ базааж байгаа. Ер нь орон орны циркүүдтэй янз бүрийн хугацаагаар гэрээ хийж ажилладаг юм. 



-Галтай дүнз мод мөрөн дээрээ эргүүлдэг энэ үзүүлбэр нэг талаасаа их хэцүү төрөл харагддаг. Үүгээрээ дэлхийн хэдэн улсын ТВ хөтөлбөрт оролцоод байгаа вэ? 



-Анх АНУ-ын “Авъяаслаг америкчууд” телевизийн шоунд 2017 онд шалгаруулалтад оролцоод 2018 онд нэг, хоёрдугаар шатанд өрсөлдөөд энэ үзүүлбэрийн бичлэг телевизээр цацагдсанаар олонд танигдаж эхэлсэн юм. Түүнээс хойш 2018 онд ОХУ, Франц, Герман улсын телевизийн шоунд уригдаж оролцсон. Дараа нь БНХАУ, Австрали, Румын, Итали, АНУ-д болдог телевизийн шоу, хамгийн сүүлд 2020 онд Английн Каталанд Францын телевизийн шоунд дахиад оролцсон бөгөөд нийт 18 телевизийн шоунд ороод байна. Энэ оны 10 дугаар сард Канадын “Авьяаслаг Канадчууд” телевизийн шоунд оролцоод нэгдүгээр шатандаа шалгараад одоо 12 дугаар сард хагас шигшээ шатандаа оролцохоор бэлтгэлээ хийж байна. Сая Чикагогоос машинаар яваад Миннэсота мужийн Минаплэс хотод Жувантус гэдэг циркийн сургууль дээр ирээд хоёр америк туслах охинтой цуг энд байдаг н.Чимгээ гэдэг циркийн ахлах дасгалжуулагчтай хамт бэлтгэлээ хийж байна. 



Мөн олон улсын телевизийн шоунд оролцож байхдаа 2023 оны 12 дугаар сард Италийн Милан хотод болсон “Дэлхийн алдартнууд” гэдэг нэртэй телевизийн шоунд оролцож, Геннисийн хоёр амжилтыг эвдсэн. Энэ нь “Галтай модыг нуруун дээрээ нэг минут 19 секунд эргүүлэх, мөн галтай модыг шүдэн дээрээ 38 секунд эргүүлэх” гэсэн хоёр үзүүлбэрээр Геннисийн хоёр шинэ амжилт тогтоосон юм.



<figure class="wp-block-image size-large"><img loading="lazy" decoding="async" width="1024" height="683" src="https://admin.time.mn/wp-content/uploads/2024/12/image-26-1024x683.png" alt="" class="wp-image-70611" srcset="https://admin.time.mn/wp-content/uploads/2024/12/image-26-1024x683.png 1024w, https://admin.time.mn/wp-content/uploads/2024/12/image-26-300x200.png 300w, https://admin.time.mn/wp-content/uploads/2024/12/image-26-768x512.png 768w, https://admin.time.mn/wp-content/uploads/2024/12/image-26-1536x1024.png 1536w, https://admin.time.mn/wp-content/uploads/2024/12/image-26.png 1600w" sizes="auto, (max-width: 1024px) 100vw, 1024px" /></figure>



-Тэр том модыг шүдээрээ өргөж татаж харагддаг. Үүнд монгол хүний бяр ухаанаас гадна шүдний бүтэц нөлөөлдөг үү? 



-Тийм ээ. Шүдээрээ дасгал хийх бол зөвхөн шүдэн дээр биш эрүү, хүзүүний бүх булчин оролцдог. Зөвхөн шүдэнд ачаалал өгдөггүй. Ийм үзүүлбэр хийхийн тулд олон жилийн бэлтгэлжилт хэрэгтэй. Эхлээд бага жинтэйг өргөнө. Дараа нь жингээ ихэсгэх маягаар бэлтгэл хийж, яг л гарын булчинг хөгжүүлдэг шиг эрүү, хүзүүний булчингаа хөгжүүлэх ёстой. 



Миний хувьд багаасаа эмээ дээрээ хөдөө ааруул идэж, кальциар шүдээ бэхжүүлж байсны нөлөө маш их гэж боддог. Монгол хүн маш их цагаан идээ, сүү сүүн бүтээгдэхүүн хэрэглэдэг нь кальциар баялаг, хүний эрүү, шүдэнд тустай байдаг. 



<figure class="wp-block-image size-large"><img loading="lazy" decoding="async" width="1024" height="904" src="https://admin.time.mn/wp-content/uploads/2024/12/image-27-1024x904.png" alt="" class="wp-image-70612" srcset="https://admin.time.mn/wp-content/uploads/2024/12/image-27-1024x904.png 1024w, https://admin.time.mn/wp-content/uploads/2024/12/image-27-300x265.png 300w, https://admin.time.mn/wp-content/uploads/2024/12/image-27-768x678.png 768w, https://admin.time.mn/wp-content/uploads/2024/12/image-27-1536x1356.png 1536w, https://admin.time.mn/wp-content/uploads/2024/12/image-27.png 1600w" sizes="auto, (max-width: 1024px) 100vw, 1024px" /></figure>



-Дэлхийд танигдсанаасаа хойш Монголдоо ирж, наадмын нээлтэд үзүүлбэрээ үзүүлж бишрүүлж байсан. Энэ талаарх сэтгэгдэл? 



-Би 2019 оны наадмын нээлтэн дээр галтай мод эргүүлэх үзүүлбэрээ үзүүлсэн. Мөн 2024 оны дөрөвдүгээр сард Браво цирктэй хамт Бөхийн өргөөнд циркийн тоглолтоо хийсэн. Монголдоо тоглоход маш сайхан байдаг. Олон таньдаг хүмүүс, гэр бүл, ах дүү, хамаатан садан үздэг учраас сандардаг ч урьд өмнөхөөсөө илүү хичээдэг. Гэвч монголчууддаа үзүүлбэрээ үзүүлэхэд, төрсөн гэртээ байгаа мэт сэтгэгдэл төрж, үнэхээр сэтгэл өег байдаг даа. 



-Хүүхэд байхад чинь барилдах шинжтэй гэж төрөл төрөгсөд тань тодорхойлж байсныг санаж байна. Түүнээс циркийн ийм хүнд үзүүлбэр хийдэг хүн болно гэж хэн ч бодоогүй байх. Анх ийм замыг сонгосон шалтгаан юу байв?



-Би багаасаа барилдах дуртай байсан. Хүмүүс хулгар чихтэй, бүдүүн, бандгар хүүхэд гэдэг байлаа. Харин аав ээж маань “Барилдах хүүхэд байна” гэж хэлдэг байсан.



Мэдээж өөрөө барилдах дуртай. Үндэсний бөхөөр хичээллэдэг байсан юм. Наадамд гурав, дөрвөн удаа барилдаж үзсэн байдаг. Тэгээд барилдах бэлтгэл хийж яваад Монголын гимнастикийн холбоон дээр очиж, гимнастикийн бэлтгэл хийж байгаад тэндээсээ акробат, циркийн урлагт сонирхолтой болсон. Ингээд циркчин болсон доо. Би ч гэсэн өөрийгөө циркчин болно гэж бодоогүй байсан шүү. 



<figure class="wp-block-image size-large"><img loading="lazy" decoding="async" width="1024" height="871" src="https://admin.time.mn/wp-content/uploads/2024/12/image-28-1024x871.png" alt="" class="wp-image-70613" srcset="https://admin.time.mn/wp-content/uploads/2024/12/image-28-1024x871.png 1024w, https://admin.time.mn/wp-content/uploads/2024/12/image-28-300x255.png 300w, https://admin.time.mn/wp-content/uploads/2024/12/image-28-768x653.png 768w, https://admin.time.mn/wp-content/uploads/2024/12/image-28.png 1270w" sizes="auto, (max-width: 1024px) 100vw, 1024px" /></figure>



-Дэлхийг дуу алдуулсан гайхалтай үзүүлбэрээр МУГЖ цол хүртсэн. Эх орондоо хөдөлмөрөө үнэлүүлсэн үеийн сэтгэгдлээсээ хуваалцвал?



-Би 2024 оны долдугаар сард наадмаар Монгол Улсын гавьяат жүжигчин гэдэг эрхэм хүндтэй цолыг хүртсэндээ маш их баяртай байгаа. Монголын циркийн холбооноос 2024 оны дөрөвдүгээр сард намайг Монголдоо очиж тоглоход миний үзүүлбэрийг дэмжиж, Монгол Улсаа олон оронд сурталчилсан, телевизийн шоунд оролцсоныг минь үнэлж, энэ хүндтэй шагналд тодорхойлоод энэ шагналыг авсандаа маш их баяртай байгаа.



-Өөрийн тань үзүүлбэр хэдэн кг орчим жин татдаг вэ. Зарим тохиолдолд шүүгчдийн төлөөллийг суулгаад эргүүлж байгаа харагддаг?



-Үзүүлбэртээ би хэд хэдэн төрлийн мод ашигладаг. Эхний мод маань таван метр урттай, 40 кг орчим жинтэй. Хоёр дахь буюу хүн суулгаад эргүүлдэг мод нь зургаан метр урттай, ойролцоогоор 65-70 кг жинтэй. Үүн дээрээ хоёр хүн суулгаад эргүүлдэг. Мэдээж, тэдгээр хүмүүсийн жин янз бүр. Олон улсын тэмцээн дээр дөрвөн охин суулгаад эргүүлж байсан тохиолдол бий. Тэр үед 270 кг-ыг эргүүлсэн гэж гарсан. Харин хоёр хүнтэй үзүүлбэрт ойролцоогоор 150-200 кг орчмыг өргөдөг. 



-Эрсдэл ихтэй төрлөөр дагнасан жүжигчний хувьд аюулгүй ажиллагааны дүрэм нэлээд чухал байдаг болов уу. Энэ тухайд юу гэж хэлмээр байна?



-Тийм ээ. Миний үзүүлбэрийн хувьд эрсдэл ихтэй болохоор аль болох боломжоороо бэлтгэлээ сайн хийж байхгүй бол бэртэл гэмтэл ойрхон байдаг. Галтай үзүүлбэрийн үед арьсаа түлэх, үсээ хуйхлах, толгойгоо цохих, өргөсөнд хатгуулах гэх мэт олон жижиг эрсдэлүүд байнга гардаг. Тийм болохоор аль болохоор тоглолтын өмнө бэлтгэлээ сайн шалгана. 



Галтай үзүүлбэрийн тухайд би ганцаараа хийхгүй, туслах хүмүүс арын албанд байдаг. Тэд галыг асааж өгнө, унтраана, аюулгүй байдлыг хангана гэх мэтээр багаараа ажилладаг даа.



-Одоогоор АНУ-д ажиллаж, амьдарч байгаа. Ирээдүйд эх орондоо ирж шавь бэлтгэнэ гэж боддог уу? 



-Би тоглолтоор болон гэр бүлийнхэнтэйгээ амрахаар боломжтой үедээ Монголдоо очдог. Гэхдээ одоогоор циркийн тэмцээнд оролцож, үзүүлбэрээ хийж болохоор АНУ болон Европт циркийн бизнес, ажил маань байдаг учраас гадаадад ажиллаж, амьдраад явж байна. Мэдээж, Монголдоо ажиллаж, амьдрахыг хүсдэг. Цаашдаа Монголдоо очиж олон хүмүүст өөрийнхөө чаддаг зүйлийг зааж, циркийн урлаг болон Монголынхоо хүүхэд залуучууд болон циркийн хүнд жингийн төрлийн үзүүлбэрийг сонирхсон хүмүүст зааж сургах хүсэлтэй. 



-Та бол хилийн цэргийн хурандаагийн удам залгасан хүү. Удамд тань бяр ихтэй хүмүүс байсан уу?



-Миний аав хилийн цэргийн хүн. Мөн ОХУ-д сургуульд сурч байхдаа штангийн спортоор хичээллэдэг байсан гэдэг. Аав минь цэргийн начин цолтой бөх хүн. Аавын үлгэр дуурайл, удам надад нөлөөлсөн гэж боддог. Аав маань том биетэй, харахад сүрлэг, хилийн цэргийн офицер хүн учраас би аавыгаа харж, үлгэр дуурайл авч, илүү их бэлтгэл хийж, өөрийнхөө биеийг хөгжүүлсэн. 



Циркчин болоход сахилга бат, сэтгэлийн хат, бэлтгэлжилт хэрэгтэй. Тэр бүхэнд аав болон гэр бүлийн минь зан чанар их нөлөөлсөн гэж боддог. 



Бид онлайнаар ийн ярилцлаа. Түүнийг бүр багаас нь мэднэ. Учир нь тэр манай нутгийн бүр миний багын найзын төрсөн эгчийн хүү юм. Жаахандаа майга хөлтэй, мярай ихтэй, өсгөлүүн биетэй, божин бор хүү байж билээ. Нэлээд хожуу хүчний үзүүлбэр үзүүлдэг болсон гэж сонсож байсан чинь нэг л өдөр “Авьяаслаг америкчууд” нэвтрүүлэгт оролцоод цэнхэр дэлгэцээр гараад ирж билээ.



Н.Саранчимэг

Б.Баттулга: “Дэлхийн алдартнууд” гэдэг телевизийн шоунд оролцож, Геннисийн хоёр амжилтыг эвдсэн

Олон улсын эрүүгийн цагдаагийн байгууллага-Интерполын “Хөх булант” зар мэдээгээр олон улсын хэмжээнд эрэн сурвалжлагдаж байсан “Г”-г энэ оны 12 дугаар сарын 05-ны өдөр Бүгд Найрамдах Солонгос Улсаас Монгол Улсад албадан авчирч, мөрдөн шалгах ажиллагааг явуулж байна.



<iframe loading="lazy" src="https://www.facebook.com/plugins/video.php?height=476&#038;href=https%3A%2F%2Fwww.facebook.com%2Fpolicemng%2Fvideos%2F467519443025467%2F&#038;show_text=false&#038;width=267&#038;t=0" width="267" height="476" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"></iframe>



Уг этгээд нь олон тооны Монгол Улсын иргэдийг гадаад улсад хөдөлмөр эрхлэхэд зуучилна хэмээн хуурч мэхлэн их хэмжээний хохирол учруулсан гэмт хэрэгт сэжиглэгдэж байгаа бөгөөд түүнийг Монгол Улсад авчрах ажиллагааг Цагдаагийн ерөнхий газрын Интерполын Үндэсний төв товчоо, Эрүүгийн цагдаагийн алба, Мөрдөн байцаах алба, Гадаад харилцааны яам болон Бүгд Найрамдах Солонгос Улсын Интерполын Үндэсний төв товчоотой хамтран зохион байгууллаа.

Гадаад улсад ажилд зуучилна хэмээн залилсан этгээдийг “интерпол”-оор авчирлаа

Улс төрийн намын тухай хуулийг дагаж мөрдөх журамд өөрчлөлт оруулах асуудлыг хэлэлцлээ

Гадаадын улс орнууд сургуулийн орчинд гар утас, цахим орчны хэрэглээг хориглох шийдвэрийг батлаад эхэллээ. Манай улс яах вэ? Ярьсаар, гэмт хэргийн тоогоо нэмсээр, хүүхдүүд хохирсоор байх уу? Энэ асуудлыг нэг тийш нь шийдэж сургууль, цэцэрлэгийн орчинд, гэртээ, гадуур “хүүхэд” гар утас, цахим орчны хэрэглээг яаж зохицуулах тал дээр арга хэмжээ авах цаг хэдийнээ болсон.



Гар утасны хэт их хэрэглээ нь таргалалт, нойргүйдэл, хүүхдийн зан байдал, өсөлтөд сөргөөр нөлөөлдөг болохыг Франц улс судалгаагаар тогтоосон байна.



Манай улсад нийт 2,5 сая хүн интернэт орчинд идэвхтэй байдгаас 36,8 хувь нь хүүхдүүд. 2024 оны эхний 10 сарын байдлаар цахим орчинд 6736 гэмт хэрэг үйлдэгдсэний 0,6 хувийг хүүхдүүдийг садар самуунд уруу татах гэмт хэрэг эзэлж буй. Тэгвэл цахим гэмт хэрэг, садар самуун, залилангаас хүүхдүүдээ хамгаалахын тулд гар утасны хэрэглээг хязгаарлах ёстой юу?



<blockquote class="wp-block-quote is-layout-flow wp-block-quote-is-layout-flow">
ДЭМБ-аас олон улсад томоохон судалгаа явуулж, өсвөр насны зургаан хүүхэд тутмын нэг нь цахим хүчирхийлэлд өртдөг болохыг илрүүлжээ.
</blockquote>



<figure class="wp-block-image size-full"><img loading="lazy" decoding="async" width="1000" height="942" src="https://admin.time.mn/wp-content/uploads/2024/12/65ee82c93397911032024120425_1200.jpg" alt="" class="wp-image-70635" srcset="https://admin.time.mn/wp-content/uploads/2024/12/65ee82c93397911032024120425_1200.jpg 1000w, https://admin.time.mn/wp-content/uploads/2024/12/65ee82c93397911032024120425_1200-300x283.jpg 300w, https://admin.time.mn/wp-content/uploads/2024/12/65ee82c93397911032024120425_1200-768x723.jpg 768w" sizes="auto, (max-width: 1000px) 100vw, 1000px" /></figure>



 Гаж донтнууд хүүхдийг садар самуунд цахимаар уруу татаж байна



 Одоогоор цахим орчин хэрэглээд, сайн зүйл сурсан хэдэн хүүхэд байгааг тогтоосон судалгаа алга. Ихэнхдээ буруу ташаа, садар самуун, залилан, хараал, цаашлаад амь насаа алдах хүртэл эрсдэлтэй тулгарч буй. Улсын хэмжээнд өнгөрсөн онд 9,870 хуурамч хаягаас хүүхдийг садар самуунд уруу татсан зураг, бичлэг илгээгдсэн байна. Хүүхдүүд танихгүй хүмүүсээс найзлах хүсэлт авч, анхандаа чаталж байгаад, аажмаар уулзан, гэмт хэргийн золиос болох тохиолдол нэмэгдсээр.



1990 оны үед гудамжинд садар самуун сурталчилдаг байсан хүмүүс интернэт орчин хөгжсөнөөс хойш компьютерын ард орсныг цагдаагийн байгууллагаас анхааруулж буй. Тэд насанд хүрээгүй хүүхдүүд рүү өөр нэр, нас хэлж чат бичин, итгэлийг нь олж авдаг. Байнга харилцаа холбоотой байж, нэг хоёр удаа уулзсаны дараа өөрийн жинхэнэ дүр төрхийг гаргаж, садар самуун үйл хэргээ гүйцээдэг байна. Иймээс 16 нас хүрээгүй хүүхдүүдийг эцэг эхийн хяналттай интернэт орчин хэрэглүүлэх, хязгаарлах нь нэн тэргүүнд хийх ёстой ажил юм. Бид цахим орчинд танилцсан хүндээ алуулсан, хүчиндүүлсэн олон жишээг мэдэх билээ. Тэдний ихэнх нь 15,16 настай хүүхдүүд байдаг.



<figure class="wp-block-image size-large"><img loading="lazy" decoding="async" width="1024" height="726" src="https://admin.time.mn/wp-content/uploads/2024/12/3xld9x_Internet-human-right_x974-1-1024x726.jpg" alt="" class="wp-image-70636" srcset="https://admin.time.mn/wp-content/uploads/2024/12/3xld9x_Internet-human-right_x974-1-1024x726.jpg 1024w, https://admin.time.mn/wp-content/uploads/2024/12/3xld9x_Internet-human-right_x974-1-300x213.jpg 300w, https://admin.time.mn/wp-content/uploads/2024/12/3xld9x_Internet-human-right_x974-1-768x544.jpg 768w, https://admin.time.mn/wp-content/uploads/2024/12/3xld9x_Internet-human-right_x974-1-1536x1089.jpg 1536w, https://admin.time.mn/wp-content/uploads/2024/12/3xld9x_Internet-human-right_x974-1.jpg 1600w" sizes="auto, (max-width: 1024px) 100vw, 1024px" /></figure>



 Багш, сурагчийн ном сурах бичиг цахим хэлбэрт шилжиж байгаа нь хүүхдүүдийн цахим хэрэглээ ихсэхэд нөлөөлж байна



 Багшийн самбар, сурагчийн сурах бичгээс эхлээд, сургууль өөрөө цахим хэлбэрт шилжсээр байна. Багшид хичээл заах хялбар орчин бүрдүүлэх нь чухал ч хүүхдийн аюулгүй байдал түүнээс илүү чухал юм.



“Утсаа оролдохоо болиод, хичээлээ хий” гэж хүүхдэдээ хэлэхээр “Утсаараа хичээл хийж байна. Багш утсаар хийх даалгавар өгсөн” гэж хариулдаг болсныг эцэг эхчүүд хэлж байлаа. Хүүхдүүд хичээл хийх нэрийдлээр интернэт орчинд ихэнх цагаа өнгөрүүлж байгаа юм.13-18 насны хүүхдийн 96 хувь нь цахим орчинд идэвхтэй байдаг. Тэд өдөрт 237 цагийг цахимд зарцуулдаг гэсэн судалгаа гарчээ.



Гар утасны замбараагүй хэрэглээг хязгаарлах, цахим гэмт хэргээс сэргийлэх арга хэмжээ авдаг ч багш, сургуулийн орчинд, гар утсаар хичээл заах, утсаар даалгавар өгөх, гоё, сайн утастай байх шаардлага үүсээд байгаа нь хүүхдийн цахим хэрэглээг хязгаарлахад сөрөг нөлөө үзүүлж байна.



<figure class="wp-block-image size-full"><img loading="lazy" decoding="async" width="800" height="534" src="https://admin.time.mn/wp-content/uploads/2024/12/header_image_1g0Nfga.jpeg" alt="" class="wp-image-70637" srcset="https://admin.time.mn/wp-content/uploads/2024/12/header_image_1g0Nfga.jpeg 800w, https://admin.time.mn/wp-content/uploads/2024/12/header_image_1g0Nfga-300x200.jpeg 300w, https://admin.time.mn/wp-content/uploads/2024/12/header_image_1g0Nfga-768x513.jpeg 768w" sizes="auto, (max-width: 800px) 100vw, 800px" /></figure>



 Гадаадынхан гар утасны хэрэглээг хэрхэн зохицуулж байна?



 Гадаадын улс орнууд хүүхдийн цахим хэрэглээг хязгаарлах, гар утас хэрэглэхийг хориглох талаар эцэг эхчүүдийн дунд судалгаа явуулжээ. Ихэнх орны судалгаа 60-аас дээш хувьтай дэмжигдсэн байна. Хамгийн өндөр нь 80 хувь буюу Франц улс. Франц улс хүүхдийн гар утасны хэрэглээг хориглох туршилтыг өнгөрсөн намраас явуулж эхэлсэн байна. Итали улс анх 2022 оноос хориг тавьж эхэлсэн бөгөөд одоо бүх насны сурагчдад үйлчилсэн хэвээр байгаа аж. Португал улс сар бүрийн тодорхой нэг өдрийг “Гар утасгүй өдөр” болгох туршилт явуулж эхэлжээ.



Одоогоор бүх улс орон хүүхдийн гар утас, цахим орчны хэрэглээг хязгаарлах зохицуулалт хэрэгжүүлж эхлээд буй. Ингэхдээ 11 нас хүртэл ямар ч утас хэрэглүүлэхгүй байх,11-13 настай бол интернэтгүй гар утас хэрэглүүлэх, 15 хүрвэл интернэттэй ч сошиал медиагүй гар утас хэрэглүүлэх зөвлөмж өгч буй.



Манай улс энэ тал дээр одоогоор авч хэрэгжүүлсэн арга хэмжээ байхгүй. Бид цахим гэмт хэрэг, садар самуунаас хүүхдүүдээ хамгаалах эрхтэй. Тэднийгээ нийгэмд айдасгүй амьдрах нөхцөл бүрдүүлэхийн тулд гар утасны хэрэглээг тодорхой хэмжээнд хориглох нь зүйн хэрэг юм.



<figure class="wp-block-image size-large"><img loading="lazy" decoding="async" width="1024" height="576" src="https://admin.time.mn/wp-content/uploads/2024/12/new_9a514b9649544b2200dab7e37fd39b060ba41aa9-1-1024x576.jpg" alt="" class="wp-image-70638" srcset="https://admin.time.mn/wp-content/uploads/2024/12/new_9a514b9649544b2200dab7e37fd39b060ba41aa9-1-1024x576.jpg 1024w, https://admin.time.mn/wp-content/uploads/2024/12/new_9a514b9649544b2200dab7e37fd39b060ba41aa9-1-300x169.jpg 300w, https://admin.time.mn/wp-content/uploads/2024/12/new_9a514b9649544b2200dab7e37fd39b060ba41aa9-1-768x432.jpg 768w, https://admin.time.mn/wp-content/uploads/2024/12/new_9a514b9649544b2200dab7e37fd39b060ba41aa9-1.jpg 1200w" sizes="auto, (max-width: 1024px) 100vw, 1024px" /></figure>

Компьютерын ард хэн ч байж болно. Хүүхдээ хамгаалмаар байна?

Монгол Улсын Ерөнхийлөгч У.Хүрэлсүх 2025 оны төсвийн төсөлд бүхэлд нь хориг тавьсантай холбоотойгоор Засгийн газар ирэх оны төсвийг ахин өргөн бариад байгаа билээ. 



УИХ-ын нэгдсэн чуулганы хуралдаанаар төсвийн төсөл хэлэлцэж байх үеэр Соёлын бүтээлч үйлдвэрлэлийг дэмжих тухай хуулийн зарим зүйл хэсэг хүчингүй болсон тухай хуулийг үзэл баримтлалын хүрээнд дэмжье гэсэн саналын томъёоллоор санал хураалгахад хуралдаанд оролцсон 103 гишүүний 64 татгалзлаа. 



Ингэснээр 18 тэрбумаар соёлын эрхийн бичиг тараах төсөв хасагдахгүй болж байна.

Соёлын эрхийн бичгийн 18 тэрбум төгрөгийн ваучерийг хэвээр үлдээлээ

<figure class="wp-block-pullquote has-text-align-center"><blockquote>Өчигдөр (2024.12.05) Нийслэлийн сэтгүүлчдийн нэгдсэн холбоо, ЦЕГ-ын Кибер гэмт хэрэгтэй тэмцэх газар, Харилцаа холбооны зохицуулах хорооноос “Цахим гэмт хэргийн нөхцөл байдал, эрх зүйн орчин, урьдчилан сэргийлэх арга зам” сэдвээр мэдээлэл хийлээ. Үүнтэй холбогдуулан ЦЕГ-ын Урьдчилан сэргийлэх газрын ахлах мэргэжилтэн, цагдаагийн ахмад А.Итгэлттэй ярилцлаа.</blockquote></figure>



<figure class="wp-block-image aligncenter size-full"><img loading="lazy" decoding="async" width="256" height="274" src="https://admin.time.mn/wp-content/uploads/2024/12/image-25.png" alt="" class="wp-image-70605"/></figure>



-Цахим гэмт хэргүүдийн онцлог, ямар арга барилаар гэмт хэргийг үйлдэж байна вэ?



-Цахим гэмт хэрэг гэдэг нь хохирогч болон холбогдогч этгээдүүд биеэр уулзалгүй цахим хэрэгслүүдийг ашиглан хоорондоо харилцан хохирогч тал мөнгө шилжүүлснээр хохирон үлдэж байгааг хэлдэг. Монгол Улсад романс чат, онлайн захиалга, онлайн мөрийтэй тоглоом, ажлын зар, том компанийн логог ашиглаж зар тавих зэрэг иргэдийн амар аргаар мөнгө олох гэсэн итгэл дээр суурилсан цахим залилангийн үйлдлүүд өргөн тархаж байна. Эдгээр залиланг үйлдэхдээ эхлээд цахим хэрэгслүүд болох фэйсбүүк, инстаграм, тик ток-д зар тавьж байршуулан бүүст хийлгэж дараа нь зарын дагуу холбогдсон иргэдэд заавал телеграм аппликэйшнээр дамжуулан ажил хийж орлого олох боломжтой гэж иргэдийн тархийг угааж телеграм групп чатад нэгдүүлэн хувийн мэдээллүүдийг авах гэх мэт шат дараалалтайгаар хийдэг. Иймээс телеграм платформ цахим гэмт хэрэг үйлдэгдэж байгаа хэрэгсэл болчихоод байна. 



-Залилангийн хэргийн улмаас учирсан хохирлын хэмжээ ойролцоогоор хэд байна вэ?



-Сүүлийн дөрвөн сарын хугацаанд телеграмыг ашиглан үйлдсэн 619 гэмт хэрэг бүртгэгдэж 10.3 тэрбум төгрөгийн хохирол учирсан. Хэрэг бүр дээр харилцан адилгүй хохирогчид хохирсон. Мөн телеграмаар залилуулсан тохиолдолд хохирлоо барагдуулах боломжгүй нөхцөл байдал үүсчихээд байна.



-Залилагчид залилсан мөнгөө хэрхэн дамжуулж ул мөрөө баллаж байна вэ?



-Телеграм платформыг ашиглан үйлдэгдэж байгаа залилангуудын мөнгө монгол данс руу орж байгаа мэт боловч тухайн монгол данс эзэмшигч нь цагийн ажил хийж байгаа иргэн байдаг. Хохирогч монгол хүний данс руу мөнгө шилжүүлэх үед тухайн данс эзэмшигч 2-3 минутын дотор дахиад өөр төрлийн данс руу гүйлгээ хийх ёстой. Ингэж гүйлгээ хийснээр монгол данс эзэмшигч 100-500 мянган төгрөгийн цалин авдаг. Ерөнхийдөө монгол хүний дансыг ашиглаж залилангаа үйлддэг гэсэн үг. Дараагийн шилжүүлж байгаа данснууд нь олон улсын криптовалютын данс болон олон улсын мөрийтэй тоглоомын данснууд руу шилжүүлж ул мөрөө баллаж байна. 



Өөрийнх данс руу орсон тэр их хэмжээний мөнгийг яагаад заавал цааш нь шилжүүлнэ гэж?



-Залилагчид данс эзэмшигч рүү холбогдож маш сайн сэнхрүүлж чаддаг. Жишээ нь, манай компани алтны уурхайтай, бид татвараас зайлсхийхийн тулд тань руу өдөр тутмын ашгаа хийе, та над руу тэр мөнгийг шилжүүлбэл би танд тодорхой хэмжээний цалин, урамшуулал өгье гэж тохиролцдог. Нөгөө талаас их хэмжээний мөнгө данс руу чинь оруулах гэж байгаа учир миний заасан хугацаанд эргүүлж гаргахгүй тохиолдол гарч магадгүй, тиймээс чамаас хувийн мэдээлэл болон баталгаа авъя гэж шаарддаг. Эхний ээлжинд иргэд хувийн мэдээллээ өгснөөр багахан хэмжээний мөнгөн шилжүүлэг хийн туршиж дараа нь их хэмжээний мөнгөн шилжүүлэг хийгдэх болсон үед дансаа ашиглуулж байгаа иргэдээс өөрийн биеийг ил гаргасан зургаа явуул гэх мэтчилэн шаардлага тавьж иргэн тухайн шаардлагыг биелүүлснээр гарцгүй байдалд орж мөнгийг залилагчийн хэлсэн данс руу хийхээс өөр аргагүй болдог. Ингэснээр дансаа ашиглуулж байгаа иргэд ч бас хохирогч болох боломжтой болдог. 



-Үйлдэгдээд байгаа цахим залилангийн цаана олон улсын гэмт хэргийн бүлэглэлүүд байна гэсэн үг үү?



-Монголд болж байгаа цахим гэмт хэргүүд олон улсын хэмжээнд хэдийнэ хүрчихсэн. Олон улсын хэмжээний мөнгө угаах хэрэг болчихсон. Одоогийн байдлаар манай улсын цагдаагийн байгууллагаас эцэслэн тогтоогдоод шийдвэрлэгдсэн нэг ч хэрэг байхгүй байна. Учир нь залилангаас олсон бүх мөнгө гадаад руу гарчихдаг учир залилангийн хэрэг үйлдэж байгаа этгээдийг олж тогтоож чадахгүй болчихоод байна. Гарч байгаа мөнгөн урсгалуудыг тооцоолж үзэхэд Номхон далайн Ази тивийн улсууд руу ихэвчлэн шилжүүлэгдэж байгаа нь тогтоогдсон.



-Хэрэв иргэд цахим залиланд өртсөнөө мэдвэл хаана, хэнд хандах ёстой вэ?



-Цагдаагийн байгууллагын кибер гэмт хэрэгтэй тэмцэх газар монголбанк болон арилжааны банкнуудтай хамтарч шуурхай ажиллагааны хэлтэс байгуулсан. Энэ нь цахим гэмт хэргийг шуурхай таслан зогсоох үйл ажиллагаа явуулан ажиллаж байна. Иргэд залилуулснаа мэдсэн тохиолдолд нэн даруй цагдаагийн байгууллагын 102 дугаарт мэдэгдэх хэрэгтэй. Таны мэдээллийг авсан цагдаагийн албан хаагч яаралтай кибер гэмт хэрэгтэй тэмцэх газрын шуурхай ажиллагааны хэсэгтэй холбоод өгнө. Түүний дараа шуурхай ажиллагааны хэлтэс арилжааны болон монгол банк руу мэдэгдсэнээр тухайн данснаас мөнгө гарахаас нь өмнө царцаалт б уюу барилт хийх боломжтой болсон. Ингэж барилт хийж царцаасан мөнгөө мөрдөн шалгах явцад таны залилуулсан мөнгө мөн эсэхийг тогтоож, буцаан олголт хийдэг. Яг энэ ажиллагааны хүрээнд 1.8 тэрбум төгрөгийг хохирогчдод буцаан олгосон.



-Тэгвэл 102 дугаар луу залгаад л болоо гэж үү. Ямар нэгэн байдлаар цагдаагийн байгууллагад өөрийн биеэр ирж өргөдөл, мэдүүлэг өгөх хэрэгтэй юу?



-Иргэд үүнд дээр ихэвчлэн буруу ойлголттой байдаг. Цагдаагийн 102 тусгай дугаарын утас нь гэмт хэрэг зөрчилтэй холбоотой бүх дуудлага мэдээллийг хүлээж авдаг. Тиймээс ямар нэгэн зүйлийн хохирол гарсан тохиолдолд нэн яаралтай 102 дугаарт холбогдож дараа нь өөрт ойр байрлах цагдаагийн байгууллагад өөрийн биеэр ирж заавал мэдүүлэг өгөх ёстой. Ингэж байж таны мэдүүлсэн хэрэг цааш мөрдөгдөх боломжтой болно. Мэдүүлэг өгөөгүй тохиолдолд тухайн царцаасан дансыг 24 цагийн хугацаанд хэвийн байдалд шилжүүлнэ.



-Залилагчдад ашиглуулж байсан дансыг яадаг вэ. Залилагч өмнө нь дансаа ашиглуулж байсан иргэнтэй дахин холбогдож залилангаа цааш үргэлжлүүлж байсан тохиолдол гарч байсан уу?



-Тийм тохиолдол одоогоор илрээгүй байна. Залилагч тухайн дансаар залилан мэхлэх үйл ажиллагаагаа явуулж байсан нь илэрсэн тохиолдолд тухайн дансыг бүрмөсөн хаах арга хэмжээ авдаг. 



-Цахим гэмт хэрэгтэй холбогдох хуулийн ямар зохицуулалт байдаг вэ?



-Залилах гэмт хэрэгт эрүүгийн хуулийн 17.3-т заасан зүйл ангийн дагуу шийтгэл, хариуцлага оногдуулаад явж байна. Харин цахим залилантай холбоотой тусгай зүйл заалт байхгүй.



-Иргэд цахим залилангаас урьдчилан сэргийлэх хамгийн найдвартай арга юу вэ?



-Хамгийн найдвартай арга бол мэдээлэл авч байгаа цахим хаягийг нягталж үзэх, мөн телеграмыг хувийн болон албан хэрэгцээнд ашигладаггүй бол шууд утаснаасаа устгаж телеграм хаяг нээхгүй байх явдал. Яагаад зар байршуулсан аккаунтуудыг шалгах шаардлагатай вэ гэхээр тэдгээр хаягууд богинохон хугацаанд ашиглаж байгаа, байршуулсан мэдээлэл болон нүүр зураг, дагагч, найз байхгүй хаягууд байдаг. Мөн эдгээр хаягийг блоклох хэрэгтэй. Өндөр цалин амласан зарууд дээр дарангуут холбоос линк гарч ирдэг. Ийм линк гарч байвал таныг залилангийн гэмт хэргийн хохирогч болгох гээд байна гэсэн үг. Томоохон компаниудын логотой байршуулсан зар байвал тухайн компанийн өөрийнх нь хаяг аккаунт руу орж шалга. Эдгээр алхмуудыг хийснээр цахим залилангаас бага ч гэсэн урьдчилан сэргийлэх боломжтой.



&#8211; Сошиал орчинд залилангийн шинжтэй хэд хэдэн зар бүүст хийгдсэн байгааг харсан. Үүний эсрэг Meta-тaй хамтарч ажиллах талаар ямар нэг санал, шаардлага өгсөн үү?



-Бид энэ тал дээр хамтарч ажиллах хүсэлт болон материалуудаа өгчихсөн. Одоогийн байдлаар ямар нэгэн хариу ирээгүй байна.



-Танай байгууллага цахим гэмт хэргээс урьдчилан сэргийлэх талаар ямар үйл ажиллагаа явуулж байна вэ?



-Цагдаагийн байгууллагаас иргэд рүү чиглэсэн цахим гэмт хэргээс урьдчилан сэргийлэх бүх төрлийн арга хэмжээг авч байна. Жишээ нь, контент бүтээгчидтэй хамтарч контент, рийл, постер хийж байна. Мөн хэвлэл мэдээллийн байгууллагатай хамтран сэрэмжлүүлэг мэдээ мэдээллийг хүргэж ажиллаж байна. Мөн цагдаагийн байгууллагын пэйж хуудаснуудаар дамжуулан цахим гэмт хэргүүдтэй холбоотой мэдээ мэдээллүүдийг өдөр болгон цаг алдалгүй хүргэж байгаа.



Б.Баярмаа

А.Итгэлт: Телеграмаар залилуулсан тохиолдолд хохирлоо барагдуулах боломжгүй

Ардчилсан Монгол улсын иргэд, үзэл бодол үнэт зүйл нэгтэй, эвийн сэтгэлтэй эрхэм журмын нөхдөө, Ардчилсан намын гишүүд дэмжигчдээ.



Та бүхэндээ улс төр, эдийн засгийн хувьд хараат явж ирсэн улс Монголынхоо өрхийг нь татаж, үүдийг нь нээж сэрээсэн Ардчилсан хувьсгалын 35 жил, улс төрийн шинэчлэгч хүчин Ардчиллын төлөөх намууд нэгдсэний 24 жилийн ойн баярын өдөр буюу Монгол Улсад анх удаа олон намын тогтолцоот төр бий болсныг зарлан тунхаглаж, дэлхий ертөнцтэй хөл нийлүүлж, хөгжлийн гараагаа эхэлсэн түүхэн өдрийн мэндийг дэвшүүлье.



Аз болж хонх дуугарсан, арай ядаж нойрноос сэрсэн тэр он жилүүдийг та бид мартаагүй ээ. Ардчилсан нам дангаараа буюу,хамтарч ажиллах үед бизнесийн орчин сайжирч, реформууд хийгдэж, улс орон даяар том ажлууд өрнөдөг гэдгийг ч бас санаж байх нь зүйтэй болов уу.



Ардчилсан нам төр барьсан үүлэн чөлөөний нар шиг хугацаа буюу зөвхөн 2012 оноос 2016 онд 3000 км зам тавьж,



21 аймгийг Улаанбаатар хоттой хатуу хучилттай замаар холбож, Чингис бонд гаргаж, үндэсний үйлдвэрлэлүүдээ дэмжиж чадсан юмаа. Ардчилсан нам, улс орныхоо эрх чөлөө, хөгжлийн зам тавьж, хөрөнгө оруулагчдад ээлтэй бодлого явуулж чаддаг найрсаг бүтээлч нам билээ. Өнөөдөр ч бид Ардчилсан намынхаа мөрийн хөтөлбөрийг биелүүлэхээр хамтын шийдвэр гарган зорьж, эрчим хүчний реформоос эхлээд, эдийн засгийн их тэлэлт хүртэл олон том ажлуудын ард гарахын тулд, урд нь гарч ханцуй шамлан ажиллаж эхлээд байна.



Ардчилсан нам бас Монголын эрх ашгийн төлөө, хөгжил дэвшлийн төлөө за гэж хэлж чаддаг, хэлсэн бол, амласан бол хийж бүтээж харуулж чаддаг, түрүүнд нь түүчээлж чаддаг тэргүүлэгч нам билээ. Эрхэм журмын нөхдөө, Ардчилсан намын гишүүд дэмжигчдээ, миний та бүхэндээ өгч чадах манлайлж чадах зүйл бол эв нэгдэл, тэсвэр тэвчээр, бүтээмж гурав юмаа. Эрх чөлөө,хөгжлийн түүчээ болсон Ардчилсан намдаа, ардчиллын институтдээ өөр өөрийн гэсэн сайн чанараар бэлэг барьж, нэгдмэл “зөв өв” бүтээцгээе.



Шинэ цаг үеийн хөгжлийн түүчээ, шилдэг тэргүүлэгч улс төрийн хүчин Ардчилсан намын гишүүд дэмжигчид, ардчилсан Монгол Улсын иргэд та бүхэндээ Ардчилсан хувьсгалын 35 жил, Ардчиллын төлөөх намууд нэгдсэний 24 жилийн ойн баярын мэнд хүргэж, эрүүл энх сайхан бүхнийг дэвшүүлье

Ардчилсан намдаа өөр өөрийн гэсэн сайн чанараар бэлэг барьж, нэгдмэл “зөв өв” бүтээцгээе.

Энэ сарын 5-ны өдөр Бээжин-Улаанбаатар чиглэлийн нисэх онгоцоор &#8220;Чингис хаан&#8221; нисэх буудалд өчигдөр буусан хятад иргэдийг барьцаалж, нэгнийх нь амийг галт зэвсгээр хохироосон хэрэг гарлаа. БНХАУ-аас ирсэн хоёр иргэнийг энд түр оршин суудаг нутаг нэгтнүүд нь өчигдөр 14.00 цаг өнгөрч байхад нь тосож авчээ. Энэ үед 22, 23 настай хоёр залуу тэднийг барьцаалж, багагүй хэмжээний мөнгө нэхсэн аж. Энэ үедээ сум алдсан уу, эсвэл зориуд уу, 32 настай В гэх хятад эрийг буудаж амийг нь егүүтгэсэн байна. Хэрэг гарсан даруйд ТЦА-ны Иргэний агаарын тээврийн Цагдаагийн хэлтсийн ажилтнууд гэмт этгээдүүдийг саатуулж, хэргийн газрыг хамгаалалтад авсан бөгөөд өдгөө Мөрдөн байцаах албаны Хүнд гэмт хэрэг мөрдөн шалгах хэлтэст мөрдөн шалгах ажиллагаа явуулж байна.

Хятад иргэдийг барьцаалж нэгнийх нь амийг хөнөөжээ

Өчигдөр буюу пүрэв гарагт АНУ-ын Калифорнийн бүс нутагт 7.0 магнитудын хүчтэй газар хөдлөлт болсны улмаас Сан Францискогийн булангийн бүс нутгийг хамарсан цунамигийн аюулаас сэрэмжлүүлэх дохиолол ажиллажээ. АНУ-ын Цунамигаас сэрэмжлүүлэх төвийн мэргэжилтнүүд Калифорнийн Эврикагийн ойролцоох далайн эрэгт 7 магнитудын хүчтэй газар хөдлөлт болсны дараа пүрэв гарагийн үдээс хойш Калифорниа болон Орегон мужуудад цунамигийн сэрэмжлүүлгийг цуцаллаа. Газар хөдлөлт пүрэв гарагт орон нутгийн цагаар 10:44 цагт болсон. Газар хөдлөлтийн байршил, чиг баримжаа нь цунами үүсгэж болзошгүй гэсэн түгшүүрийг сэрэмжлүүлсэн. Одоогийн байдлаар ямар нэгэн цунами үүсэх эрсдэл бүртгэгдээгүй байна. Түүнчлэн, Канадын баруун эрэгт цунамигийн сэрэмжлүүлэг одоогоор бүртгэгдээгүй байна. АНУ-ын Геологийн алба (USGS) эхний газар хөдлөлтийн дараах хэдэн цагийн дотор хамгийн багадаа 18 удаа 2.7-аас 4.3 баллын хүчтэй чичирхийлэл бүртгэгдсэн талаар мэдээлжээ. Ирэх өдрүүдэд, долоо хоногт газар хөдлөлтийн дараах газар хөдлөлтийн чичирхийллийн тоо хэдэн зуугаар нэмэгдэх магадлалтай аж. 



<iframe loading="lazy" src="https://www.facebook.com/plugins/video.php?height=314&#038;href=https%3A%2F%2Fwww.facebook.com%2F100064357072177%2Fvideos%2F381160941690364%2F&#038;show_text=false&#038;width=560&#038;t=0" width="560" height="314" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share" allowFullScreen="true"></iframe>



Тодруулбал, ирэх долоо хоногт 5.0 баллын хүчтэй газар хөдлөлт болох магадлал 34 хувьтай байгааг АНУ-ын Геологийн албанаас /USGS/ мэдээлж байна.



Эврика хотын нутаг, газар хөдлөлтийн голомттой хамгийн ойр орших Хумбольдт мужид газар хөдлөлт болсны дараах эхний 3 цагийн дотор 10,000 орчим хэрэглэгч цахилгаангүй болсон тухай PowerOutage.US цахим хуудсанд мэдээлсэн байна.

АНУ-ын Калифорни буланд 7.0 магнитудын хүчтэй газар хөдлөлт болжээ

Засгийн газраас Монгол Улсын 2025 оны төсвийн тухай болон холбогдох хуулиудын төслийг дахин яаралтай горимоор өргөн барьснаар УИХ өчигдрөөс хэлэлцэж эхлэв. Ерөнхийлөгчийн төсөвт тавьсан хоригийн дагуу үйл явц өрнөж, манай улс 2025 оны төсвөө хоёр дахь удаа эхнээс нь хэлэлцэж буй билээ. Алдагдалгүй, үр ашигтай байх гэсэн хоёр шаардлагыг хангах, бас энэ сарын 10-ны дотор багтаан төсвөө батлуулах цаг хугацааны шахалт Засгийн газарт байлаа. Шинээр өргөн барьсан төсвийн төсөлд орлого, зарлагыг тус бүр 33.5 их наяд төгрөг болгон тэнцүүлжээ. Хэдийгээр орлого, зарлагын аль алинаас танасан ч ирэх онд эдийн засаг найман хувь өснө, инфляцыг 7.2 хувьд барина гэх мэт үзүүлэлтээ өөрчлөөгүй, өөдрөг хэвээр төсөөлж оруулж ирсэн байна. ОУВС, Дэлхийн банк зэргээс манай улсын эдийн засгийн өсөлтийг 6-7 хувь байна гэж үзсэн ч хэт өөдрөгөөр төсөөллөө гэж шүүмжилсэн гишүүдэд Тэргүүн шадар сайд Л.Гантөмөр “Энэ тооцоо, судалгааг би, эсвэл Л.Оюун-Эрдэнэ хийдэггүй. Мэргэжлийн эдийн засагчид хийдэг юм” хэмээн сануулж, Сангийн сайд Б.Жавхлан “Ирэх онд гол экспортын бүтээгдэхүүний үнэ өсөх хандлагатай байгаа учраас айлтгүй” хэмээн “тайвшруулсан”.



<blockquote class="wp-block-quote is-layout-flow wp-block-quote-is-layout-flow">
“Анх удаа алдагдалгүй төсөв өргөн барилаа, цаашид ч ийм зарчмаа хадгалах эхлэл боллоо” хэмээн гишүүдийн олонх сайшааж буй ч үр ашиггүй бүх зардлыг хасаж, “усыг нь шүүж” чадаагүйг зарим нь шүүмжилж буй юм. 
</blockquote>



Засгийн газар алдагдалгүй байх гэдэг дээр илүү төвлөрч, ингэхдээ олон нийтийн зүгээс шүүмжилсэн үр ашиггүй зарим зардлыг хасжээ. Гэхдээ нийгмийн болон эрүүл мэндийн даатгалын сангаас санхүүждэг хүүхдийн мөнгө, цалин, тэтгэвэр, төрийн албан хаагчдын тэтгэмжийг хэвээр үлдээсэн байна. Хуулиар олгодог, зайлшгүй байх ёстой гэж үзсэн энэ төрлийн зардлыг хөндөөгүй гэсэн үг. Харин хөрөнгө оруулалтаас 800, гадаад зээлийн ашиглалтаас 700, урсгал зардлаас 700 тэрбум, нийт 2.3 их наяд төгрөгийг хасаж өргөн барьсан юм. Олон нийтийн шүүмжлэлд хамгийн их өртсөн ССАЖЗ-ын сайдын багц дахь 18.3 тэрбум төгрөгөөр соёлын үйлчилгээ үнэгүй үзүүлэх эрхийн бичиг тараах, тавилга, эд хогшил авахад зориулсан 267.8 тэрбум төгрөгийг 100 хувь хассан байна. Соёлын үйлчилгээний эрхийн бичиг бол өмнө нь баталсан хуулийн дагуу хийх гэж байсан ажил. Тиймээс үргүй зардал хэмээн үзэж буй иймэрхүү саналыг танахын тулд арваад хуулийг хүчингүй болгох асуудлыг хамт өргөн барьсан юм билээ. Мөн Хэмнэлтийн тухай хуульд өөрчлөлт оруулснаар гадаад болон дотоод томилолт, бичиг хэрэг, хичээл үйлдвэрлэлийн дадлагад тусгасан хэд хэдэн зардлыг 50 хувиар танажээ. 



<blockquote class="wp-block-quote is-layout-flow wp-block-quote-is-layout-flow">
Хасаад байхад л зорьсон хэмжээнд нь хүрч чадахгүй байсан тул “хэнийг нь ялгах вэ” гээд төсөвт байгууллагуудын үйл ажиллагааны бусад зардлаас жигдхэн 10 хувиар бууруулсан байна. Өөрөөр хэлбэл, зарим зардлыг механикаар хассан гэдгээ Сангийн сайд Б.Жавхлан хүлээнэ лээ. 
</blockquote>



Үндэсний аудитын газраас уг төсвийн төсөлд өгсөн дүгнэлтэд ч “Автоматаар зарим зардлыг хассантай холбоотой эрсдэл гарч болзошгүй” гэж сануулсан юм. Энэ бүхний дүнд бүтээн байгуулалтын зарим ажил хойшлохоос эхлээд зарим сөрөг үр дагавар гарах нь мэдээж. Нөгөө талаар 2024 оны төсвөөс хасагдсан байсан Хавдрын эмнэлэг барих төслийг шинээр нэмж, 7.9 тэрбум төгрөг хуваарилсан нь авууштай өөрчлөлт болов.



Хэдийгээр нийт 2.3 их наяд төгрөг хасаж, алдагдалгүй болгосон нь сайн ч Засгийн газар алдаагаа бүрэн зассангүй. МАН, АН, ХҮН намынхан УИХ-ын сонгуулиар төсвийн зардлыг ДНБ-ий 20-25 хувиас хэтрүүлэхгүй байхаар амласан. Хоёр дахь удаагаа алдаагаа залруулах боломж байхад ч тэд энэ амлалтаа биелүүлэхийг хүссэнгүй. Учир нь өргөн барьсан төсөлд тусгасан зардал ДНБ-ий 35.2 хувьтай тэнцэж, анхны хувилбараасаа хоёр хувиар л бууруулсан байгаа юм.



Алдагдалгүй төсөв батлуулах анхны төслийг оруулж ирсэн нь үнэхээр сайн хэрэг. Гэхдээ олон нийтийн зүгээс шүүмжилж байсан зарим санхүүжилтийг хэвээр үлдээсэн нь бас л анхаарал татна. Хөвсгөл аймгийн зарим сумдад бяслагны үйлдвэр байгуулах тухай Ц.Даваасүрэн гишүүний зүтгүүлсэн санхүүжилт шүүгдээд үлджээ. Энэ мэтээр ахин хянаж, танах зардлыг УИХ хэлэлцүүлгийн явцад засна гэж найдна. Төрийн албыг цомхон байлгах тухай МАН мөн л амласан. Гэтэл УИХ-ын сонгуулиас хойш төрийн албан хаагчдын тоо 6000-аар нэмэгдсэн гэсэн статистикийг гишүүн Б.Пүрэвдорж хэлж, үндэслэлгүй өссөн энэ мэт зардлаа эргэж харах ёстойг сануулсан юм. УИХ-аар өчигдөр Монгол Улсын 2025 оны төсөв болон холбогдох хуулиудын эхний хэлэлцүүлгийг хийсэн бол өнөөдөр хоёрдугаар хэлэлцүүлэг үргэлжилнэ. Төсвийн эхний хувилбарыг батлах үед хэлгүй, дүлий мэт царайлж суусан гишүүд энэ удаа хариуцлагаа ухамсарлаж, төсвийн төслийг сайн уншиж судлан, танаж болох үргүй зардлыг хасах, үр ашигтай болгоход санаа тавих ёстой. Учир нь хоёрдугаар хэлэлцүүлэг бол төсвийн төслийн хамгийн чухал үе шат байдаг. Гишүүд зарчмын зөрүүтэй саналаа гарган хураалгах боломжтой. УИХ энэ удаа өмнөх алдаагаа давтахгүй, Засгийн газраас засаж оруулж ирсэн төслийг илүү чамбайруулж чадах, эсэхийг харж байя.

Алдагдалгүй байхад анхаарсан төсөв

Ч.Отгочулуу: Монгол Улсын эдийн засаг доллар руу шилжүүлээд үзэхэд хий эргээд байна

Мальта улсад зохион байгуулагдаж байгаа Европын аюулгүй байдлын чуулга уулзалтад ОХУ-ын гадаад хэргийн Сергей Лавров оролцож байна. Тэрээр Украины дайн эхэлснээс хойш анх удаагаа ЕХ-ны гишүүн улсад зочилж, энэ төрлийн арга хэмжээнд оролцсон явдал энэ болж байна.



Европын Аюулгүй байдал, хамтын ажиллагааны байгууллагын чуулганд Сергей Лавровыг үг хэлэх үеэр хэд хэдэн улсын төлөөлөгч нар эсэргүүцлээ илэрхийлэн, хурлын танхимыг орхин гарч явсны дотор Украины гадаад хэргийн сайд Андрей Сибига багтсан талаар Украины ГХЯ-наас мэдээлжээ. А.Сибига мөн Европын Аюулгүй байдал, хамтын ажиллагааны байгууллагын үйл ажиллагаанд ОХУ оролцож байгаа явдал нь байгууллагын зорилгын эсрэг зүйл гэдгийг хэлж, энэ нь бидний нэгдмэл аюулгүй байдлын эсрэг хамгийн том аюул заналхийлэл хэмээн онцолжээ.



<blockquote class="wp-block-quote is-layout-flow wp-block-quote-is-layout-flow">
Украины гадаад хэргийн сайд С.Лавровыг “дайны гэмт хэрэгтэн” хэмээн цоллосон бол Польшийн гадаад хэргийн сайд түүнтэй уулзахаас татгалзсан гэх зэргээр С.Лавровын эсрэг үйлдлүүд чуулганы үеэр олон гарсан байна.
</blockquote>



Харин ОХУ-ын гадаад хэргийн сайд хэлсэн үгэндээ шинэ хүйтэн дайныг бий болгохыг зорьж байгаа явдалд барууны улс орнуудыг буруутгаж, “цаашдаа энэ нь хүйтэн биш халуун дайн болох эрсдэл дагуулж байна” хэмээн анхааруулжээ.



Чуулганд мөн АНУ-ын Төрийн нарийн бичгийн дарга Энтони Блинкен оролцож байгаа бөгөөд тэрээр ОХУ-ыг баримт нотолгоогүй худал мэдээллийг их хэмжээгээр цацаж, Украины дайныг улам гааруулж байна хэмээн буруутгаж, “энэ бүх дайн тулаан Оросын аюулгүй байдалтай ямар ч холбоогүй, харин ноён Путины Украиныг дэлхийн газрын зургаас арилгах империалист төлөвлөгөө юм” хэмээн хатуухан хэлээд авсан байна. Чуулганы үеэр Блинкен, Лавров нарын хоёр талт уулзалт төлөвлөгдөөгүй байна.



Энэ долоо хоногт зохиогдох чуулганы өмнө ОХУ-ын ГХЯ-ны хэвлэлийн төлөөлөгч Мариа Захарова Гадаад хэргийн сайд С.Лавровыг дагалдан оролцох ёстой байсан ч Мальта улс түүний визийг хүчингүй болгосон талаар өөрийн Телеграм хуудсандаа нийтэлж, Европын Аюулгүй байдал, хамтын ажиллагааны байгууллагыг “украинжсан” байна гээд, тус байгууллагыг өөрсдийн ашиг сонирхлын төлөө ашиглаж байна хэмээн барууны улс орнуудыг буруутгажээ. Хэдийгээр С.Лавров ЕХ-ны хоригийн жагсаалтанд багтсан ч түүний аялж зорчих эрхийг нь хязгаарлаагүй байна.



Европын Аюулгүй байдал, хамтын ажиллагааны байгууллагын чуулганаар 57 гишүүн орны төлөөлөгчид Европ тивийн аюулгүй байдлын асуудал, тэр дотроо олон улсын зөрчил мөргөлдөөн болон сонгуулиудад ажиглагчдыг илгээх асуудлыг хэлэлцэж байна. Энэ оны эхээр ОХУ-ын Төрийн Думд дээрх байгууллага дах оролцоог цуцлах асуудлаар санал хурааж байсан удаатай.

ОХУ-ын гадаад хэргийн сайд Украины дайн эхэлснээс хойш анх удаа ЕХ-нд зочилж байна

УИХ-ын чуулганы нэгдсэн хуралдаан өчигдөр /12.05/ орой хуралдаж, Монгол Улсын нэгдсэн төсвийн 2025 оны төсвийн хүрээний мэдэгдэл, 2026-2027 оны төсвийн төсөөллийн тухай хуулийн төсөлд өөрчлөлт оруулах тухай хуулийн төслийг хэлэлцжээ. Энэхүү төсөлтэй холбогдуулан гишүүд Засгийн газрын гишүүдээс асуулт асууж хариулт авлаа.&nbsp;



УИХ-ын гишүүн П.Сайнзориг: 



-Төсвийн  урсгал зардлын 70 хувь цалин, тэтгэвэр, хүүхдийн мөнгө байдаг.  30 хувь дээр нь дараа дараагийн цалингаа нэмэх, экспортыг дэмжих, импортыг орлох бүтээгдэхүүнийг хийх тэр суурь бүтцийн хөрөнгө оруулалтыг хийх нь. Сүүлдээ гүйцэхгүй байх. Улсын төсөв гэдэг бол компанийн төсөв баталж байгаа зүйл биш. Хүний эрхийг хангах бодлогын бичиг баримт. Хувийн хэвшлийг дэмжих бодлогын баримт бичиг, нийгмийн асуудлыг шийдвэрлэх бодлогын баримт бичиг байдаг.  Хэдэн жилийн дараа тэтгэвэр, цалин нэмэгдүүлэх орлогын суурь дэд бүтэцгүй, энэ бүтэц дээр авлига цэцэглэж, утаа униар нь манарч байна. Харамсалтай байна. Мега төслүүдийг буюу хөрөнгө нь гадаадын зээл тусламжаар шийдэгдсэн нефть боловсруулах үйлдвэр, цэвэрлэх байгууламж, Эрдэнэбүрэнгийн усан цахилгаан станц,  Солонго 1,2 хороолол төслийг явуулахын тулд гадаадын зээл тусламжаас хасагдаж байгаа 650 тэрбумыг бага тануулах бодлого барина. Төрийн албан хаагчдаасаа уучлал гуйж байгаад санал гаргана. Төрийн албан хаагчдын цалинг 2025 оны нэгдүгээр сарын 1-нээс 6 хувиар нэмэгдүүлэхээр байгаа, үүнийг 2025 оны долдугаар сарын 1-нээс эхлүүлэх санал гаргана. Зүхвэл зүхэг.



Сангийн сайд Б.Жавхлан:



-Шүүхтэй холбоотой зардал хөндөгдөөгүй. Хууль зүйн байнгын хороон дээр санал гараад УИХ олонхиороо шийдээд явсан. Хуучнаараа төсөв нь орж ирсэн. Хөндөгдөхгүй байх тусмаа хөндөөд байгаа зардал дээр ачаалал үүсч байгаа. Засгийн газар шүүхийн төсвийг төлөвлөхгүй, Байгын хороон дээр төлөвлөөд УИХ-аар батална гэдэг заалттай. УИХ дээр нэмж тусгагдсан тэр дүнгээрээ явж байгаа.



Т.Сайхан

П.Сайнзориг: Төрийн албан хаагчдын цалингийн нэмэгдлийг хойшлуулах санал гаргаж байна, зүхвэл зүхэг

<figure class="wp-block-pullquote has-text-align-center"><blockquote>УИХ-ын чуулганы нэгдсэн хуралдаан өчигдөр /12.05/ орой хуралдаж, Монгол Улсын нэгдсэн төсвийн 2025 оны төсвийн хүрээний мэдэгдэл, 2026-2027 оны төсвийн төсөөллийн тухай хуулийн төсөлд өөрчлөлт оруулах тухай хуулийн төслийг хэлэлцжээ. Энэхүү төсөлтэй холбогдуулан гишүүд Засгийн газрын гишүүдээс асуулт асууж хариулт авлаа. </blockquote></figure>



УИХ-ын гишүүн Г.Дамдинням:&nbsp;&#8211;&nbsp;Засгийн газрыг бага ч гэсэн улсынхаа эдийн засгийг тэлэх, ажлын байр нэмэгдүүлэх, хувийн хэвшлийнхээ &nbsp;бизнесийг дэмжсэн хөрөнгө оруулалтын төсөв оруулж ирэх байх гэж найдсан алга. Улсын хөгжлийн төлөвлөгөө, Төсвийн хүрээний мэдэгдэл хоёр уялдах уу. &nbsp;Та нар эдийн засгийн өсөлтийг найман&nbsp;хувиар гаргасан байна лээ. Яаж тооцоод найман&nbsp;хувийн өсөлт гарна гэв. Хэт өөдрөг төсөөлөл юм биш үү. Зэсийг 7.4 мянган ам.доллараар, нүүрсийг нэг тонныг нь 129 ам.доллараар тооцсон байна. Орлого чинь хүрэх юм уу. Төсвийн тогтвортой байдлын зөвлөл орлого хүрэхгүй гэсэн.Н.Учрал сайд төрийн өмчит компаниуд дээр сүртэй гоё юм яриад байна. Баахан дарга нарын тавиул байгаа, баахан хулгай зэлгий байгаа, ухаж чадах уу?



Эдийн засаг хөгжлийн сайд Л.Гантөмөр:&nbsp;-Нэг бол тэл гээд эс бол Төсвийн тогтвортой байдлын зөвлөлийн үгэнд ороод тана гээд байх юм. Аль нь юм бэ. Парламентаас тусдаа Засгийн бодлого гэж байхгүй. Засгийн газрын нэг жилийн хэрэгжүүлэх мөрийн хөтөлбөрийг парламент баталсан. Баталсан төлөвлөгөөнд эдийн засаг найман хувь өснө гээд байгаа. Ард түмэн парламентыг сонгодог,&nbsp; тийм учраас цэцэн мэргэнээ шалгадаг газар парламент биш. Бодлого гарах ёстой. Парламентаас баталсан хөтөлбөрийг ажил хэрэг болгох нь ойлгомжтой. Ирэх онд найман хувийн өсөлтийг хийнэ. Энэ&nbsp;дээр парламент нэг дуутай байх хэрэгтэй. Дарга нь цэргээ загнаж байгаа юм шиг&nbsp; байж болохгүй. Парламент Засагтайгаа хамт&nbsp; бодлогоо гаргаж байж үр дүнд хүрнэ.Н.Учрал сайд төрийн өмчит компанийн шинэчлэлийн хөтөлбөр дээр яс сууж байгаа шүү. Ажлынхаа ард гарна гэдэгт итгэлтэй байна. Дарга нарын тавиул гээд компанийн захирлуудыг халж чадахгүй, сольж чадахгүй юм байхгүй. УИХ -ын гишүүд араас нь чаргууцалдахгүй байхад &nbsp;бид бол ёс зүйтэй хариуцлагатай асуудлыг шийдэж чадна гэдэгт эргэлзэхгүй байна.

Г.Дамдинням: Төрийн өмчит компаниуд дээр байгаа дарга нарын тавиулуудаа цэгцэлж чадах уу?

<figure class="wp-block-pullquote"><blockquote>2024 он дуусахад сар хүрэхгүй хугацаа үлдээд байна. Уншигч та бүхнийг амралтын өдрүүдээ ая тухтай өнгөрүүлэхэд зориулж энэ сард гарах к-драм буюу Өмнөд Солонгосын шинэ цувралуудаас сорчилж, ондоо төрөл жанрын таван онцлох цувралыг танилцуулахаар бэлдлээ. Ингээд энэ сард нээлтээ хийх сонирхолтой таван цувралыг хүргэж байна. </blockquote></figure>



“Squid Game 2” &#8211; триллер



2021 онд нээлтээ хийсэн даруйдаа шуугиан дэгдээж, дэлхийн үзэгчдийг байлдан дагуулсан “Squid Game” цувралын хоёрдугаар бүлэг энэ сарын сүүлээр, тодруулбал 26-ны өдөр бүх анги нь нэгэн зэрэг Netflix-ээр цацагдахаар болоод байна. Үзэгч, шүтэн бишрэгчдийн дунд хүлээлт үүсгээд байгаа шинэ бүлэгт гол дүр Ги-хун олон хүний амиар тоглодог хууль бус тоглоомын зохион байгуулагчдын нууцыг олон нийтэд дэлгэх зорилгоор эргээд тоглоомонд орж байгаа үйл явдал гарах юм. Цувралын хуучин жүжигчид болох И Жүн Жэ, И Бён Хун, Ви Ха Жүн, Гон Ю нараас гадна шинээр Кан Ха Нил, Им Ши Ван, Ян Дон Гун, Вон Жиан, BigBang хамтлагийн экс гишүүн T.O.P зэрэг олон уран бүтээлчид хоёрдугаар бүлэгт тогложээ.



<figure class="wp-block-image size-full"><img loading="lazy" decoding="async" width="885" height="603" src="https://admin.time.mn/wp-content/uploads/2024/12/Screenshot-2024-12-06-103618-1.png" alt="" class="wp-image-70584" srcset="https://admin.time.mn/wp-content/uploads/2024/12/Screenshot-2024-12-06-103618-1.png 885w, https://admin.time.mn/wp-content/uploads/2024/12/Screenshot-2024-12-06-103618-1-300x204.png 300w, https://admin.time.mn/wp-content/uploads/2024/12/Screenshot-2024-12-06-103618-1-768x523.png 768w" sizes="auto, (max-width: 885px) 100vw, 885px" /></figure>



“Namib” – романтик драм



Энэхүү цувралд томоохон энтертайнмент агентлагийн гүйцэтгэх захирлаар ажиллаж байсан эмэгтэй Кан Су Хён (Ко Хён Жун) тэрхүү агентлагт бэлтгэгдэж байсан ч тодорхойгүй шалтгаанаар гарсан Ю Жин У (Рё Ун)-тай таарснаар тэдний харилцаа дотносч байгаа талаар өгүүлдэг байна. Уг цуврал ENA сувгаар 23-наас эхлэн долоо хоног бүрийн даваа, мягмар гаригуудад шинэ ангиуд нь цацагдаад явах юм.



<figure class="wp-block-image size-full"><img loading="lazy" decoding="async" width="993" height="590" src="https://admin.time.mn/wp-content/uploads/2024/12/Screenshot-2024-12-06-103759.png" alt="" class="wp-image-70585" srcset="https://admin.time.mn/wp-content/uploads/2024/12/Screenshot-2024-12-06-103759.png 993w, https://admin.time.mn/wp-content/uploads/2024/12/Screenshot-2024-12-06-103759-300x178.png 300w, https://admin.time.mn/wp-content/uploads/2024/12/Screenshot-2024-12-06-103759-768x456.png 768w" sizes="auto, (max-width: 993px) 100vw, 993px" /></figure>



“Sorry Not Sorry” – драм, инээдэм



Энэхүү инээдмийн драм цувралд Жи Сон И (Жон Со Мин) хэмээх ганц бие залуу бүсгүйн амьдралын өдрүүдийг харуулах бөгөөд тэрээр сүйгээ цуцалсны дараагаар өөр хотод нүүж ирэн, байрны түрээсээ төлөхийн тулд цагийн ажил хийж, шинэ амьдралдаа дасан зохицох гэж зүдэрч байгаа үйл явдал гарна. Тус цуврал энэ сард KBS Joy сувгаар долоо хоног бүрийн пүрэв гариг бүр үзэгчдэд хүрэх юм



<figure class="wp-block-image size-full"><img loading="lazy" decoding="async" width="898" height="599" src="https://admin.time.mn/wp-content/uploads/2024/12/Screenshot-2024-12-06-103846.png" alt="" class="wp-image-70586" srcset="https://admin.time.mn/wp-content/uploads/2024/12/Screenshot-2024-12-06-103846.png 898w, https://admin.time.mn/wp-content/uploads/2024/12/Screenshot-2024-12-06-103846-300x200.png 300w, https://admin.time.mn/wp-content/uploads/2024/12/Screenshot-2024-12-06-103846-768x512.png 768w" sizes="auto, (max-width: 898px) 100vw, 898px" /></figure>



To My Lonely Sister” &#8211; мелодрам



Өмнөд Солонгосын KBS сувгийн жил бүр гаргадаг “Drama Special” цувралын нэгэн хэсэг болон гарах энэхүү богино хэмжээний телевизийн бүтээлд Ха Нил (О Е Жү) болон түүний нийгмээс тусгаарлагдсан дүү Но Ил (Ян Юи Жин) нарын тухай өгүүлэх бөгөөд энэхүү богино хэмжээний кино 10-ны өдөр KBS2 сувгаар гарах бөгөөд мөн Viki вебсайтаар цацагдахаар болжээ.



<figure class="wp-block-image size-large"><img loading="lazy" decoding="async" width="1024" height="574" src="https://admin.time.mn/wp-content/uploads/2024/12/Screenshot-2024-12-06-103935-1024x574.png" alt="" class="wp-image-70587" srcset="https://admin.time.mn/wp-content/uploads/2024/12/Screenshot-2024-12-06-103935-1024x574.png 1024w, https://admin.time.mn/wp-content/uploads/2024/12/Screenshot-2024-12-06-103935-300x168.png 300w, https://admin.time.mn/wp-content/uploads/2024/12/Screenshot-2024-12-06-103935-768x430.png 768w, https://admin.time.mn/wp-content/uploads/2024/12/Screenshot-2024-12-06-103935.png 1251w" sizes="auto, (max-width: 1024px) 100vw, 1024px" /></figure>



“Light Shop” – уран зөгнөлт



Гол дүр болох Вон Ёны (Жү Жи Хун) ажиллуулдаг өвөрмөц хийгээд нууцлаг гэрлийн дэлгүүрийн тухай уг цувралд өгүүлдэг бөгөөд энэхүү цувралыг алдартай webtoon буюу цахим комиксоос сэдэвлэн бүтээжээ. “Light Shop” цуврал Disney+ платформ дээр 12 сарын 4-нөөс эхлэн байршаад байгаа бөгөөд лхагва гариг бүр шинэ ангиуд орох болно.



<figure class="wp-block-image size-large"><img loading="lazy" decoding="async" width="1024" height="592" src="https://admin.time.mn/wp-content/uploads/2024/12/Screenshot-2024-12-06-103957-1024x592.png" alt="" class="wp-image-70588" srcset="https://admin.time.mn/wp-content/uploads/2024/12/Screenshot-2024-12-06-103957-1024x592.png 1024w, https://admin.time.mn/wp-content/uploads/2024/12/Screenshot-2024-12-06-103957-300x173.png 300w, https://admin.time.mn/wp-content/uploads/2024/12/Screenshot-2024-12-06-103957-768x444.png 768w, https://admin.time.mn/wp-content/uploads/2024/12/Screenshot-2024-12-06-103957.png 1226w" sizes="auto, (max-width: 1024px) 100vw, 1024px" /></figure>

12 сард цацагдах 5 онцлох к-драм цуврал

Боловсролын яам, “Боловсролын дэлхийн түншлэл” (GPE) олон улсын байгууллагын санхүүжилтээр хэрэгжиж буй “Тэгш боломжийг бүрдүүлэх замаар суралцахуйг дэмжих” (EQUAL) төслийн хүрээнд Архангай, Сүхбаатар, Сэлэнгэ, Увс аймаг, Сүхбаатар, Хан-Уул, Баянзүрх дүүргийн ерөнхий боловсролын сургуулийн 18 багшийг “Монгол дохионы хэлний анхан шатны мэдлэг чадвар олгох сургалт”-д хамруулж, батламж <a></a>олголоо.



Гэр бүл, хөдөлмөр, нийгмийн хамгааллын яамны харьяа Сэргээн засалт, сургалт үйлдвэрлэлийн төвтэй хамтран зохион байгуулж буй уг сургалтаар багш нар гурван бүлэг сэдвийн хүрээнд 40 цагийн агуулгыг судалж, монгол дохионы хэлний үг зүй, өгүүлбэр зүй, найруулга зүйн анхан шатны мэдлэг чадвартай болж байна. Мөн өөрийн сургууль болон хамран сургах тойргийнхоо сонсголын бэрхшээлтэй хүүхэд, иргэдтэй өдөр тутмын харилцааны сэдвүүдийн хүрээнд тэдний эх хэлээр харилцаж, боловсрол эзэмшихэд нь дэмжлэг үзүүлэх юм.



Энэ онд EQUAL төслийн хүрээнд БНТУ-д Аутизмын хүрээний эмгэгтэй хүүхэдтэй ажиллах арга зүйн сургалтад 40 багшийг хамруулсан ба МУБИС-ийн “Багш, тусгай хэрэгцээт боловсрол” мэргэжлийн хөрвөх сургалтад 18 багшийг ийнхүү тэтгэлгээр сургалаа.

ЕБС-ийн багш нар дохионы хэлний анхан шатны мэдлэг чадвар олгох сургалтад хамрагдлаа

Францын ерөнхийлөгч Э.Макрон тус улсын цөөнхийн засгийн газар нуран унасантай холбогдуулан пүрэв гаригт хийсэн мэдэгдэлдээ “ойрын өдрүүдэд багтаан шинэ ерөнхий сайдыг нэрлэн томилох болно” хэмээн онцолжээ.



Тэрээр ард түмэндээ хандан хийсэн мэдэгдэлдээ сөрөг хүчний зүгээс түүнд тавьсан огцрох шаардлагыг няцааж, 2027 он хүртэлх өөрийн төрийн тэргүүний бүрэн эрхийн хугацааг дуустал улс эх орноо удирдана гэдгээ хатуухан хэлээд авлаа.



10 минут үргэлжилсэн мэдэгдэлдээ Э.Макрон огцрохоор болоод байгаа ерөнхий сайд Мишель Барнье-д богино хугацаанд бүх зүйлээ дайчлан ажилласанд нь талархал илэрхийлсэн бол эсрэгээрээ түүнийг огцруулсан улс төрийн зүүний (NFP нам) болон хэт барууны (RN нам) намынхныг бүгд найрамдах улсын эсрэг улс төр хийсэн хэмээн хамтад нь буруутгажээ.



Эргэн сануулахад энэ долоо хоногийн лхагва гаригт Францын парламентын гишүүдийн олонхийн саналаар ерөнхий сайд М.Барнье-д итгэл үзүүлэхгүй хэмээн шийдсэнээр уг албанд томилогдоод ердөө 3-хан сар ажилласныхаа дараа тэрээр огцрохоор болсон юм. Энэ Францын улс төрд сүүлийн 60 гаруй жилийн туршид болоогүй үйл явдал болсон билээ. Улмаар М.Барнье пүрэв гаригт огцорч, улсын төсөв болон нийгмийн халамжийн төсвийн тухай хуулийн төсвийн хэлэлцүүлэг автоматаар зогсч, дараагийн ерөнхий сайд томилогдож, шинэ засгийн газар байгуулагдах хүртэл М.Барнье ерөнхий сайдын түр үүрэг гүйцэтгэгчээр ажиллахаар болсон.



Э.Макрон мөн пүрэв гаригийн мэдэгдэлдээ өөрийгөө хамгаалсан хэд хэдэн зүйлийг ярьсан байна. Тэрээр өнгөрсөн зун зарлан явуулсан ээлжит бус сонгуулийг улс эх орныхоо төлөө хийсэн гээд “түүний улс төрийн өрсөлдөгч нар улс эх оронд эмх замбараагүй байдал үүсгэх явдлыг өөрсдийн үүрэг хариуцлагаас илүүд үзэж, сонгогч олон та бүхнийг огт бодохгүй, зөвхөн дараагийн ерөнхийлөгчийн сонгуульд ялж, төрийн эрх мэдлийг гартаа оруулахыг л урьтал болгож байна” гэдгийг тодотгожээ.



Мөн тэрээр галд шатсан Парисын дарь эхийн сүмийг сэргээн засварлаж нээсэн, 2024 оны зуны Олимпын наадмыг нийслэл хотдоо амжилттай зохион байгуулсан явдлууд нь “францчууд бид гайхалтай зүйлсийг хийж чадна гэдгийг харуулсан баталгаа юм” хэмээн хэлсэн байна.



Ийнхүү тэрээр шинэ ерөнхий сайдыг ойрын үед зарлахаа амласан ч хэн нэгний нэрийг огт дурьдаагүй юм. Хэвлэлүүд Батлан хамгаалахын сайд Себастьен Лекорну, Дотоод хэргийн сайд Бруно Реталью, өмнө нь ерөнхийлөгчийн сонгуульд нэр дэвшин өрсөлдөж байсан улс төрч Франсуа Баяру нарыг ерөнхий сайдаар томилогдох магадлалтай хэмээн бичиж байна.



Ерөнхийлөгч Э.Макрон мэдэгдэлдээ улсын төсвийн тухай хуулийн шинэ төслийг боловсруулах нь шинэ засгийн газрын хийж гүйцэтгэх ёстой нэн тэргүүний ажил байх болно гэдгийг онцолж, ирэх оны эхээр бэлэн болгох ёстой гэдгийг цохон тэмдэглэсэн байна.

Францын ерөнхийлөгч Э.Макрон ойрын өдрүүдэд шинэ ерөнхий сайдыг нэрлэхээ мэдэгджээ

Монгол Улсын Ерөнхий сайд Л.Оюун-Эрдэнэ Арабын Нэгдсэн Эмират Улсад хийж буй ажлын айлчлалынхаа үеэр &nbsp;арванхоёрдугаар сарын 05-ны өдөр тус улсын Эрхэм дээд Ерөнхийлөгч Шейх Мухаммад Бин Заид Аль-Нахъянд бараалхаж, Монгол, Эмиратын харилцаа, хамтын ажиллагааг өргөжүүлэн хөгжүүлэх өргөн хүрээний асуудлаар ярилцав. &nbsp;



<figure class="wp-block-image"><img decoding="async" src="https://mongolia.gov.mn/storage/posts/December2024/viber_image_2024-12-06_04-57-26-477.jpg" alt=""/></figure>



Уулзалтаар Ерөнхий сайд Л.Оюун-Эрдэнэ Монгол Улсын Засгийн газрын 2024-2028 оны үйл ажиллагааны хөтөлбөр, зорилтын талаар танилцуулж, цаашид хоёр улсын худалдаа, эдийн засгийн хамтын ажиллагааг өргөжүүлэх тодорхой асуудлуудаар санал солилцов. Талууд уул уурхай, эрдэс баялаг, сэргээгдэх эрчим хүч, хот байгуулалт, цахим хөгжил, хөдөө аж ахуй, аялал жуулчлал зэрэг салбарт харилцан ашигтай хамтын ажиллагааг хөгжүүлэхэд ач холбогдол өгч байгаагаа харилцан илэрхийллээ.



<img decoding="async" src="https://mongolia.gov.mn/storage/posts/December2024/viber_image_2024-12-06_04-57-26-157.jpg" alt=""> &nbsp; Эрхэм дээд Ерөнхийлөгч Шейх Мухаммад Бин Заид Аль-Нахъян эдгээр салбарт хоёр улсын хамтын ажиллагааг эрчимжүүлэхэд бүхий л талаар дэмжлэг үзүүлэхээ илэрхийлээд хоёр талын хүчин чармайлтаар Монгол, Эмиратын харилцаа, хамтын ажиллагаа шинэ шатанд гарна гэдэгт итгэлтэй байгааг тэмдэглэв.



<img decoding="async" src="https://mongolia.gov.mn/storage/posts/December2024/viber_image_2024-12-06_04-57-26-821.jpg" alt=""> &nbsp; Мөн талууд НҮБ-ын Цөлжилттэй тэмцэх конвенцын Талуудын 17 дугаар бага хурлыг 2026 онд Монгол Улсад зохион байгуулахтай холбогдуулан харилцан туршлага солилцож, хамтран ажиллахаар боллоо.



<figure class="wp-block-image"><img decoding="async" src="https://mongolia.gov.mn/storage/posts/December2024/viber_image_2024-12-06_04-57-28-517.jpg" alt=""/></figure>



<figure class="wp-block-image"><img decoding="async" src="https://mongolia.gov.mn/storage/posts/December2024/viber_image_2024-12-06_04-57-27-161.jpg" alt=""/></figure>



<figure class="wp-block-image"><img decoding="async" src="https://mongolia.gov.mn/storage/posts/December2024/viber_image_2024-12-06_04-57-27-4971.jpg" alt=""/></figure>



<figure class="wp-block-image"><img decoding="async" src="https://mongolia.gov.mn/storage/posts/December2024/viber_image_2024-12-06_04-57-27-845.jpg" alt=""/></figure>

Ерөнхий сайд Л.Оюун-Эрдэнэ АНЭУ-ын ерөнхийлөгчид бараалхав

Говь-Алтай, Завхан, Хөвсгөл аймгийг эрчим хүчээр хангадаг 110 кВт-ын Мөрөн агаарын шугамын ачаалал 12 дугаар сарын 4-ний өдрийн байдлаар 44 МВт-аас 50 МВт болж огцом нэмэгджээ. Энэ хооронд цахилгаан дамжуулдаг агаарын шугамын ачаалал ханаж, техникийн нөөцгүй болсон байна. 



Үүний улмаас 110/35/6 кВт-ын Мөрөн дэд станцын 35/6 кВт-ын шөнийн хүчдэлийг нэгдсэн сүлжээний дүрэмд заасан хэмжээнд барихад хүндрэл үүсэж эхэлжээ. Тиймээс &#8220;Хөвсгөл эрчим хүч&#8221; компани оргил ачаалал буюу 17:30-21:00 цагийн хооронд 35/6 кВт-ын хэрэглэгчдийн цахилгааныг хэсэгчлэн хязгаарлахаар болжээ.

Хөвсгөлийн хэрэглэгчдийн цахилгааныг хэсэгчлэн хязгаарлахаар болжээ

Нийгмийн халамжийн тухай хуулийн шинэчилсэн найруулга 2025 оны нэгдүгээр сарын 1-ээс хэрэгжиж эхэлнэ. Энэ дагуу эхийн алдар одонтой ээжүүдэд олгох мөнгөн тэтгэмжийн хэмжээ хоёр дахин нэмэгдэх ба 2025 оны төсвийн төсөлд нэмэгдсэн дүнгээр 32.2 тэрбум төгрөг тавигджээ.



<figure class="wp-block-pullquote"><blockquote>Тодруулбал, “Эхийн алдар” I зэргийн одонтой эхэд жилд нэг удаа 400 мянга, II зэргийн одонтой эхэд 200 мянган төгрөг олгох юм.</blockquote></figure>

Одонтой ээжүүдэд олгох мөнгөн тэтгэмжийн хэмжээ хоёр дахин нэмэгдэнэ

Богдхан уулын дархан цаазат газрын Хамгаалалтын захиргаанаас Чулуут, Бумбатын аман дахь байгаль хамгаалагчийн ажлын байранд урсгал засвар хийжээ. Манзушир, Жаргалантын аманд орших байгаль хамгаалагчийн ажлын байрыг шинэлэн барьж, ашиглалтад орууллаа. Манзуширын аман дахь байгаль хамгаалагчийн байр цахилгаангүй байсан тул олон хүндрэл тулгардаг байжээ. Хамгаалалтын захиргаанаас уг байрыг цахилгаан хангамжид холбосон байна.

Манзушир, Жаргалантын амны  байгаль хамгаалагч нар ажлын шинэ байртай боллоо

Нийслэлийн Хан-Уул дүүрэгт өнөө өглөөний 04:00 цагаас эхлэн, зам талбайн цэвэрлэгээ, үйлчилгээний 12 байгууллага давс, бодис цацаж байна. Зам талбайд нийт 91 тонн давс, 10 тонн бодис цацаж, 1403.5 тонн давс, 681 тонн бодис үлдлээ. 



Тус дүүргийн нийт зам, талбайд 220 хүний бүрэлдэхүүнтэй 56 үлээгч төхөөрөмж, явган замын 17 моторт түрэгч бэлэн ажиллаж байна. 



12 дугаар сарын 6-ны 08:00 цагийн байдлаар Нийслэлхүрээ өргөн чөлөө, Дунд гол, Махатма, Наадамчдын зам, Нисэх, Яармагийн чиглэл болон сургууль, цэцэрлэг хүн ихээр зорчдог хэсгийн цасыг цэвэрлэж байв.