Нийслэлийн Чингэлтэй, Баянзүрх, Хан-Уул дүүргийн иргэдийг залилсан Э гэх этгээдийг Монгол Улсын хилээр гарах гэж байхад нь цагдаагийн байгууллага илрүүлэн, саатуулжээ. Түүнийг улсын хэмжээнд эрэн сурвалжилж байсан аж.
Э арилжааны банкны 5 дансыг ашиглан, иргэдийн фэйсбүүкт тавьсан хандив гуйсан постыг хуулан авч, дансны дугаарыг нь өөрчлөн, хандалт ихтэй фэйсбүүк грүппүүдэд байрлуулан, мөнгийг нь залилан авдаг байжээ. Түүний ашигласан дансуудыг шалгахад, иргэдээс 1050 удаагийн гүйлгээгээр 250 орчим сая төгрөг авсан байжээ.