Өмнөговь аймгийн Даланзадгад сумын төвийн тохижилт, өнгө үзэмж, тоосжилтыг бууруулах, иргэдийн чөлөөт цагаа өнгөрүүлэх тав тухтай орчинг бүрдүүлэх зорилгоор нийтийн эзэмшлийн мод, зүлэг бүхий 58 га талбайг 10 га-гаар нэмэгдүүлж нийт 68 га болгов. Мод, зүлэг арчлах, хамгаалах ажлыг сайжруулж, хүн хүч, техник, тоног төхөөрөмжийг нь нэмжээ.
Мөн Даланзадгад-Улаанбаатар чиглэлийн хатуу хучилттай автозамын дагуу үе шаттайгаар мод тарьж буй аж. Түүнийг услахад зориулан, гүний 2 худаг шинээр гаргаж, хамгаалалтын ойн зурвас байгуулж эхэллээ. Энд 3 төрлийн 7000 мод тарьж, 10 мянган улиасны тайраадас суулгаж байна.
