Малчид, иргэд, тээвэрчдийн анхааралд:
Цаг уурын байгууллагын мэдээлснээр өнөөдрөөс баруун болон төвийн аймгуудын ихэнх нутгаар ширүүн бороо орох төлөвтэй байна. Зарим нутгаар дуу цахилгаантай аадар бороо орох тул үер ус, мөндөр, нөөлөг салхи, аянга цахилгааны аюулаас сэрэмжтэй байхыг анхааруулж байна.
Улаанбаатар хотод 15.00-17.00 цагийн хооронд бороо орох төлөв байгаа юм.
10 хоногийн урьдчилсан төлвөөр 17-нд нутгийн хойд хэсгээр бороо орж, сэрүүсэх боловч 18-наас нутгийн баруун хагаст цаашдаа ихэнх нутгаар хална гэжээ.